သင့်ရဲ့ဟန်ဆောင်အပြုံးက သင့်ကိုဝမ်းနည်းစေနိုင်



လူတစ်ယောက်ဟာ တစ်နေ့တစ်နေ့ ရယ်ရယ်မောမော ပျော်ပျော်ရွှင်ရွှင် နေမယ်ဆိုရင် ကျန်းမာရေး ကောင်းစေပါသတဲ့။ နောက်တစ်ချက်ကတော့ လူချစ်လူခင်ပေါများတာပေါ့လေ။ နောက်တစ်ချက်က ပြုံးတာ။ ကိုယ်နဲ့သိတဲ့လူ၊ ခင်တဲ့သူ တွေ့တာနဲ့ ပြုံးရွင်နေတတ်တဲ့သူဆိုရင်လည်း လူချစ်လူခင်ပေါ်မှာပါပဲ။ ဒါပေမယ့် ကိုယ်ပြုံးလိုက်တဲ့ အပြုံးက စိတ်ထဲက လာတဲ့အပြုံးလား၊ ဒါမှမဟုတ် ဟန်ဆောင်အပြုံးလားဆိုတာကတော့ ကိုယ်တိုင်ပဲ သိပါလိမ့်မယ်။ ရုံးမှာ၊ ကျောင်းမှာ ကိုယ်နဲ့အဆင်မပြေတဲ့သူကို မကောင်းတတ်လို့ ပြုံးပြရမယ်ဆိုရင် ဘယ်သူကမှတော့ ရင်ထဲကလာတဲ့ အပြုံးမျိုးနဲ့ လှိုက်လှိုက်လှဲလှဲ ပြုံးပြနိုင်မှာ မဟုတ်ပါဘူး။ ဒါကတော့ ရှင်းပါတယ်။ ဒါပေမယ့် ခုနကပြောသလို ဟန်ဆောင်ပြုံးပြလိုက်တာကရော။ ရိုင်းတယ်ထင်မှာစိုးလို့ ပြုံးပြလိုက်ရပေမယ့် အဲ့ဒီအချိန် စိတ်ထဲဖြစ်တည်နေတဲ့ အရာတွေဟာ အပြုံးမှာ သွားပေါ်တာပါပဲ။ အဲ့ဒီတော့ မပြုံးပဲနေမလား၊ ဟန်ဆောင်ပြုံးမလားဆိုတာ စဉ်းစားစရာဖြစ်လာပြီပေါ့။

ကျန်းမာရေးသုတေသီတွေရဲ့ လူအယောက် ၁၀၈ယောက်ကို အပြုံးနဲ့ ပတ်သက်ပြီး စစ်တမ်းကောက်ကြည့်ခဲ့ပါတယ်။ တကယ်ပျော်ရွှင်တဲ့အတွက် ပြုံးမိတဲ့အပြုံး၊ ဟန်ဆောင်ပြုံးနဲ့ သူတို့တွေ တစ်နေ့ကို ဘယ်နှစ်ခါလောက်များ ပြုံးမိကြသလဲ ဆိုတာကိုပေါ့။ အဲ့ဒီအချိန်မှာ တွေ့ရှိခဲ့ရတာက တကယ်ပျော်လို့ ပြုံးတဲ့အပြုံးဟာ လူကို ပေါ့ပေါ့ပါးပါးဖြစ်သွားစေတဲ့အပြင် တစ်ဖက်လူကိုလည်း ကိုယ့်အပြုံးကြောင့် စိတ်ကြည်နူးမှုကို ခံစားမိစေတယ်ဆိုတာပါပဲ။ နောက်တစ်ချက်တော့ တကယ်မပျော်ပဲ ဟန်ဆောင်ပြုံးရတဲ့သူတွေကတော့ ပျော်ရွှင်မှုအတိုင်းအတာကို မခံစားရပဲ ၀မ်းနည်းသလို ဖြစ်တတ်တယ်ဆိုတာပါ။ ဘာဖြစ်လို့လဲဆိုတော့ မပြုံးချင်တဲ့ အခြေအနေတစ်ခုမှာ ပါးစပ်ကို အပေါ်ဆွဲတင်ပြီး ပြုံးဖြစ်အောင် ကြိုးစားလိုက်ရတဲ့ အကျိုးကြောင့်ပါတဲ့။ ဒါ့ကြောင့် ပြုံးရယ်ခြင်းဟာ လူအတွက် ကောင်းစေသလို ဘေးလူကိုလည်း ကိုယ့်အပျော်တွေ ကူးစက်စေနိုင်ပေမယ့် ဟန်ဆောင်ပြုံးကတော့ ကိုယ်ကိုယ်တိုင်တောင် မသိသာတဲ့ ၀မ်းနည်းမှုကို ခံစားရ အောင် ဖန်တီးနိုင်ပါတယ်။

Credit :Trend Myanmar


Share on Google Plus

About Myanmar Magazine

This is a short description in the author block about the author. You edit it by entering text in the "Biographical Info" field in the user admin panel.