စိတ်ဓာတ်ခိုင်မာတဲ့ အမျိုးသမီးတွေအနေနဲ့ ကိုယ့်ချစ်သူအတွက်ရော အခြားသူတွေအတွက်ပါ မပြောင်းလဲသင့်တဲ့အရာများ



လူတစ်ယောက်ကို အချစ်ကြီး ချစ်မိသွားလို့ သူ့လိုအပ်ချက်တွေအတိုင်း ကိုယ်က လိုက်နေပေးရမယ်၊ လုပ်ဆောင်ပေးရမယ်ဆိုတာ တကယ်တော့ မဖြစ်သင့်ပါဘူး။ ကိုယ့်ကိုကိုယ်သာ သုံးသပ်ကြည့်ပါ။ ငါတကယ်ပြောင်းလဲဖို့ လိုလို့လားဆိုတဲ့ မေးခွန်းကို မေးပါ။ တစ်ခါတစ်လေကျတော့ အမျိုးသမီးတွေအနေနဲ့ ကိုယ်ချစ်တဲ့ အမျိုးသားအတွက်ရော အခြား ဘယ်သူ့အတွက်ကိုမှ ပြောင်းလဲမလုပ်ဆောင်သင့်တဲ့ အရာတွေ ရှိနေပါတယ်။

၁။ ကိုယ့်ရဲ့သွင်ပြင်ကို ပြောင်းလဲပစ်ခြင်း

တခြားတစ်ဦးတစ်ယောက်အတွက် ကိုယ့်ရဲ့အသွင်အပြင် ပုံစံတွေ ပြောင်းလဲပစ်ဖို့ မလိုပါဘူး။ ကိုယ့်ကိုတကယ်ချစ်တဲ့သူက ကိုယ်ဘယ်လိုလေးနေနေ၊ ကိုယ့်ပုံစံဘယ်လိုဖြစ်ဖြစ် ချစ်နေမှာပါပဲ။ ခန္ဓာကိုယ်အလေးချိန်များနေလို့၊ ဆံပင်ပုံစံမကြိုက်လို့၊ ကိုယ့်အ၀တ်အစားက အထာမကျလို့ ဒါတွေက သူ့ကို အနှောင့်အယှက်ဖြစ်စေတယ်လို့ ကိုယ့်ကိုပြောလာရင် အကောင်းဆုံးဆင်ခြေတစ်ခု ထပ်ပေးဖို့ သူ့ကိုပြောလိုက်ပါ။ ဒါတွေကို ကိုယ်တိုင်ပြောင်းလဲချင်လို့ ပြောင်းလဲပစ်လိုက်တာဆိုတာမျိုးသာ ဖြစ်သင့်ပါတယ်။ တခြားတစ်ယောက်က တွန်းအားပေးလို့ ပြောင်းလဲလိုက်ရတယ်ဆိုတာမျိုး မဖြစ်သင့်ပါဘူး။

၂။သင့်အိမ်မက်တွေကို မေ့ပစ်လိုက်ခြင်း

လူတစ်ယောက်စီတိုင်းမှာ အိပ်မက်တွေ၊ ပန်းတိုင်တွေ ရှိနေသင့်ပါတယ်။ တစ်စုံတစ်ယောက်အတွက် ကိုယ့်စိတ်ကူးအိပ်မက်တွေကို ရပ်တန့်လိုက်ရတာကြောင့် ရင်နာစရာကောင်းတဲ့အဖြစ် မရှိပါဘူး။ သင့်ကိုတကယ်ချစ်တဲ့သူဟာ သင့်အိပ်မက်တွေ ဖန်တီးပုံဖော်နိုင်ဖို့အတွက် တစ်စိတ်တစ်ပိုင်းတောင် ကူညီပေးဦးမှာပါ။ မဟုတ်ရင်တော့ ဒီလူဟာ သင့်ကိုတကယ်ချစ်ရဲ့လား စဉ်းစားစရာပါပဲ။

၃။တစ်ဖက်လူ ခွင့်ပြုမှသာ လုပ်ဆောင်ရခြင်း

စိတ်ဓာတ်ခိုင်မာတဲ့ အမျိုးသမီးတစ်ယောက်ဟာ သူ့ကိုယ်ပိုင်စည်းမျဉ်းစည်းကမ်းနဲ့သာ နေထိုင်သူပါ။ အခြားလူတွေ ညွှန်ကြားတာကို ထိုင်စောင့်မနေတတ်ပါဘူး။ ကိုယ့်ဆုံးဖြတ်ချက်အတိုင်း လုပ်ဆောင်ခွင့်မရှိပဲ တစ်ဖက်လူ ဘာလုပ်ဆိုမှ၊ တစ်ဖက်လူခွင့်ပြုမှ ဆက်လုပ်ရတဲ့အခြေအနေမျိုးဆိုရင် ဒီလိုဘ၀ကို သင်ကျေနပ်သဘောကျရဲ့လား သေချာပြန်စဉ်းစားပါ။

၎။သတ်မှတ်ပြီးသား၊ ဆွဲပြီးသားအစီအစဉ်တွေကို ဖျက်ပစ်ရခြင်း

ကိုယ်စီစဉ်ထားပြီးသား အစီအစဉ်တွေကို သူ့အတွက်နဲ့ ဖျက်ပစ်ခဲ့ရပေါင်း ဘယ်လောက်ရှိပြီလဲ။ သူငယ်ချင်းတွေနဲ့ တွေ့ဖို့ ချိန်းပြီးကာမှ သူကမသွားနှဲ့ဆိုလို့ မသွားပဲနေလိုက်ရတာမျိုး၊ မိသားစုဝင်တွေအားလုံးနဲ့အတူ ဒင်နာစားဖို့ ပြောထားပြီးကာမှ သူ့အတွက် အချိန်ပေးပါဆိုလို့ သူနဲ့ပြောင်းတွေ့လိုက်ရတာမျိုးတွေ များလာရင် ဒါဟာ မဖြစ်သင့်တဲ့အရာဆိုတာ သင်ကိုယ်တိုင်သိရှိဖို့ အရေးကြီးပါတယ်။

၅။ သူကိုယ့်ကို ပြောင်းလဲပစ်တာမျိုး လက်သင့်ခံခဲ့ခြင်း

သင်ဟာ ဘယ်လိုလူမျိုးလဲ။ ကိုယ့်ပုံစံနဲ့ ကိုယ်နေထိုင်နေတဲ့ ဘ၀ကို အခြားတစ်ယောက်အတွက် ပြောင်းလဲပစ်နိုင်ပါသလား။ ကိုယ့်ချစ်သူသဘောကျ သူကိုယ့်ကို ပြောင်းလဲခွင့်ပေးလိုက်ခြင်းဟာ တကယ်တော့ သင်ဟာ အသုံးမကျသူ ဆိုတဲ့သဘောရောက်သွားပါတယ်။ ကိုယ့်ပုံစံအနေအထားကို ဘယ်တော့မှ ပြောင်းလဲပစ်တာမျိုး လက်မခံပါနဲ့။

Credit :Trend Myanmar


Share on Google Plus

About Myanmar Magazine Onilne

This is a short description in the author block about the author. You edit it by entering text in the "Biographical Info" field in the user admin panel.