မိန်းကလေးတွေ သူ့ချစ်သူကောင်လေးဆီက လိုချင်တတ်တဲ့ လက်ဆောင်များ


ချစ်သူတွေ ဆက်ဆံရေးပိုခိုင်မြဲစေဖို့ အထိမ်းအမှတ်နေ့မျိုးတွေမှာမှ မဟုတ်ပဲ အမှတ်မထင် လက်ဆောင်ပစ္စည်းလေးတွေ ၀ယ်ပေးခြင်းမျိုးကလည်း အများကြီးအရေးပါပါတယ်။ ကိုယ့်ချစ်သူကောင်မလေးအတွက် ဘာလက်ဆောင်ပေးရင် ကောင်းမလဲဆိုပြီး အမျိုးသားတောေ်တ်ာများများက ခေါင်းစားကြရလိမ့်ရှိပါတယ်။ ဘာလို့လဲဆိုတော့ ကိုယ်ပေးတာကို သူမကြိုက်ရင် စေတနာက ဝေဒနာဖြစ်သွားနိုင်တယ်မဟုတ်လား။ ဒီလို ခေါင်းမစားရအောင် ပျမ်းမျှအားဖြင့် အမျိုးသမီးတွေ ကိုယ့်ချစ်သူအမျိုးသားဆီက အများဆုံး လိုချင်တတ်ကြတဲ့ လက်ဆောင်ပစ္စည်း (၅) မျိုးကို ပြောပြပါရစေ။

၁။ရေမွှေး

ကိုယ့်ချစ်သူကောင်မလေးနဲ့အတူရှိချိန် သူ့ဆီက ဘယ်လိုရနံ့မျိုးလေးတွေ ရတတ်လဲ ပြန်စဉ်းစားကြည့်ပါ။ ချိုချိုအီအီ ရနံ့မျိုးလား၊ ဒါမှမဟုတ် sexy ကျတဲ့ ရနံ့မျိုးလားဆိုတာ သေချာအောင် ဆုံးဖြတ်နိုင်ရင်တော့ ရေမွှေးက ကောင်မလေးအတွက် လက်ဆောင်ဝယ်ပေးသင့်တဲ့အရာပါ။ ကိုယ့်ဘက်က မခွဲခြားနိုင်ဘူး၊ မခန့်မှန်းနိုင်ဘူးဆိုရင်တော့ မ၀ယ်ပေးတာ ကောင်းပါတယ်။

၂။Gift Cards

ဒီအရာပေးလိုက်ရင်တော့ အမျိုးသမီးတိုင်း ပျော်ရွှင်သွားမှာ အမှန်ပါပဲ။ ကိုယ်ဝယ်ပေးလိုက်တာ လွဲသွားမှာစိုးရိမ်တဲ့သူတိုင်း သူ့စိတ်ကြိုက်ဝယ်နိုင်ဖို့ Gift Card လေးတစ်ခုသာ လက်ဆောင်ပေးလိုက်ပါ။

၃။ရေချိုးဆပ်ပြာ

ခုခေတ်မှာ အမျိုးသမီးတွေဟာ ရေချိုးတဲ့အခါ အသုံးပြုတဲ့ ရေချိုးဆပ်ပြာအဆီ၊ scrub စတာမျိုးလေးကို set လိုက် ၀ယ်ပေးလိုက်တာကလည်း သူမကို ပျော်ရွှင်သွားစေမယ့်ရွေးချယ်မှုပါပဲ။

၎။အရုပ်

သူမက သင်နဲ့အတူရှိချိန်တိုင်း အရုပ်ဆိုင်တွေ ၀င်ကြည့်တတ်ပါသလား၊ သူမ သဘောကျနှစ်ခြိုက်တဲ့ အရုပ်က ဘာလဲဆိုတာ သင်သိပါသလား။ သိတယ်ဆိုရင်တော့ အရုပ်လက်ဆောင်ပေးတာကလည်း ကောင်းပါတယ်။

၅။လက်ဝတ်လက်စား

သူမ လက်စွပ်တွေ အမြဲစွပ်တတ်သူ၊ ဒါမှမဟုတ် ဆွဲကြိုးပါးပါးမျှင်မျှင်လေးတွေ အမြဲဆွဲတတ်တယ်ဆိုရင် သင့်အနေနဲ့ ဒါမျိုးလေးတွေ သေချာရွေးချယ်ပြီး လက်ဆောင်ပေးနိုင်တယ်လေ။

Credit :Trend Myanmar



Share on Google Plus

About Myanmar Magazine