မထက်နဲ့ အိမ်ထောင်သက် ရှစ်နှစ်ပြည့်ပြီဖြစ်တဲ့ စိုင်းလွှမ်းက ကောလာဟလတွေခေါင်းထဲမရှိကြောင်း ဖွင့်ဟ



မကြာသေးခင်ကမှ လူမှုကွန်ယက် ဖေ့စ်ဘွတ်စာမျက်နှာပေါ်မှာ စိုင်းလွှမ်းရဲ့အိမ်ထောင်ရေးနဲ့ပတ်သက်ပြီး ဝေဖန်မှုတချို့ထွက်ပေါ်ခဲ့ပါတယ်။ အဆိုပါဝေဖန်မှုတွေနဲ့ပတ်သက်ပြီး စိုင်းလွှမ်းနဲ့ထက်ထက်မိုးဦးတို့ကလဲ တချို့မီဒီယာများအပေါ်ဖြေရှင်းပြောပြထားပေမဲ့ သို့လောသို့လောဖြစ်နေတဲ့ ပရိသတ်တွေအတွက် စိုင်းလွှမ်းက သူတို့အိမ်ထောင်သက်ရှစ်နှစ်ပြည့်ပြီဆိုတဲ့အကြောင်း၊ လူမှုကွန်ယက်အပေါ်ပုံမတင်ရခြင်းအကြောင်း၊ အပြင်ထွက်ရင်မိသားစုလိုက်ထွက်ခဲတဲ့ အကြောင်းများအပြင် ဝေဖန်သူတွေအပေါ် သူထားရှိတဲ့ သဘောထားများနဲ့လက်ရှိအနုပညာလှုပ်ရှားမှုများကို သွားရောက်မေးမြန်းဖြစ်တဲ့အခါ

-အခုလက်ရှိ အနုပညာလှုပ်ရှားမှုလေးကိုလဲ သိချင်ပါတယ်။

အခုလက်ရှိက ကိုညိုမင်းလွင်နဲ့ ဒိုင်နိုစောကားရိုက်နေတယ်။ အဲ့ဒီကားက လောလောဆယ်တော့ တစ်ဝက်ရိုက်ပြီးသွားပြီပေါ့။ နောက်ပြီး ကျွန်တော့်တစ်ကိုယ်တော်အခွေအတွက်သီချင်းတွေသွင်းဖြစ်နေတယ်။

-ဒိုင်နိုဆောကားထဲမှာရော ဘယ်လိုကာရိုက်တာမျိုးလေးများလဲ။

ကျွန်တော်က ဒိုင်နိုဆောတွေကို သုတေသနလုပ်နေတဲ့လူတစ်ယောက်ပေါ့။ အဲ့ဒီထဲမှာ ကျွန်တော့်သမီးလေးလဲပါတယ်။ သူကတော့ ကျွန်တော့သမီးပါပဲ။ အဲ့ဒီကားကရိုက်နေရင်း တန်းလန်းပဲ။ မပြီးသေးတာက အဲ့ဒီကားကတစ်ခန်းတစ်ခန်းရိုက်တော့မယ်ဆိုရင် ပြင်ဆင်ရတာတွေ အရမ်းများတယ်။ အဲ့ဒါကြောင့် ရိုက်လိုက်ပြင်ဆင်လိုက်ပေါ့။

-သီချင်းသွင်းနေတာကရော ဘယ်လောက်ပြီးသွားပြီလဲ။

လောလောဆယ်ကျွန်တော့် Single အတွက် သီချင်းသွင်းနေတာပါ။ ဒိုင်နိုဆောကားအတွက် ပြင်ဆင်နေတဲ့အချိန်ကြားထဲ ကိုယ်အားနေတဲ့အချိန်လေးကို သီချင်းသွင်းဖြစ်နေတာပါ။

-ဗီဒီယိုအနေနဲ့ရော လက်ခံထားတာတွေရှိဦးမလား။

ဗီဒီယိုတော့မရှိဘူး။ ကားကြီးတွေပဲ ဆက်တိုက်ရိုက်ဖြစ်နေတယ်။ အခုလောလောဆယ် ၁၀ကားရှိပြီပေါ့။ မြောက်ဥက္ကလာက ကန်သာယာရုံမှာ ၂၈ ရက်နေ့ကျရင် မယုံရင်တော့ ပုံပြင်ပေါ့ဆိုတဲ့ ကားကြီးစတင်မယ်။ အဲ့ဒီမှာတင်ပြီးမှ တခြားရုံတွေမှာ ဆက်တင်ပါမယ်။

-၂၃ ရက်နေ့က အစ်ကို့မွေးနေ့လို့သိရတယ်။ ထူးထူးခြားခြားဘာတွေလုပ်ဖြစ်သေးလဲ။

ဟုတ်တဲ့။ ထူးထူးခြားခြားပွဲတွေတော့ မလုပ်ဖြစ်ဘူး။ အသက်ကတော့ ၂၈နှစ် ပြည့်တာပါ။ သမီးနဲ့တောဘုန်းကြီးကျောင်းမှာသွားလှူဖြစ်တယ်။ ညဖက်ကိတ်ခွဲတယ်။ အခမ်းအနားနဲ့မွေးနေ့မလုပ်ဖြစ်တာကတော့ ကျွန်တော်တို့မအားလို့ပါ။ အဲ့ဒီနေ့က မထက်ကလဲ ရှိုးလျှောက်ရလို့ပါ။

-အသက်တစ်နှစ်ကြီးသွားတဲ့အပေါ် စိတ်ခံစားချက်ကိုလဲသိချင်ပါတယ်။

ကျွန်တော်အိမ်ထောင်စကျတဲ့အချိန်မှာ အသက်ငယ်သေးတယ်လို့ပြောရမယ်။ အိမ်ထောင်ကျပြီးကတည်းက ကျွန်တော်ပြောင်းလဲခဲ့တယ်။ အဲ့ဒီကတည်းက ရင့်ကျက်လာခဲ့တယ်လို့ပြောရမယ်။ ကျွန်တော် ၂၀၀န်းကျင်လောက်မှာ အိမ်ထောင် စကျတာဆိုတော့ အခုက ၂၈ဆိုတော့ အိမ်ထောင်သက်ကတော့ ရှစ်နှစ်ရှိပြီ။ တစ်နှစ်ကြီးမှ ပြောင်းလဲတာမျိုးတော့ မဟုတ်ဘူး။ ကျွန်တော်က အိမ်ထောင်စကျကတည်းက ရင့်ကျက်ပြီးပြောင်းလဲခဲ့တာဆိုတော့ သိပ်ကြီးအထူးတလည်တော့မပြောင်းလဲသွားဘူး။ ဒါပေမဲ့ ရင့်ကျက်တာထက်တော့ ပိုပြီးရင့်ကျက်သွားတယ်ပေါ့။

-စစ်လွန်းဝတီထက်ကိုလဲ ကြော်ငြာအချို့မှာတွေ့လာရတော့ သူ့အနုပညာပိုင်နဲ့ပတ်သက်ပြီး ဘယ်လိုပံ့ပိုးပေးသွားမလဲ။

သမီးလေးက အနုပညာကို အတော်ဝါသနာပါတယ်။ မလုပ်ရရင် မနေနိုင်လောက်အောင်စွဲစွဲလန်းလန်းဖြစ်နေတာမျိုးတွေလဲရှိတယ်။ သူက ကြော်ငြာလဲရိုက်တယ်။ ပန်းချီဆွဲတယ်။ စန္ဒယားတီးတယ်။ ဂစ်တာတီးတယ်။ ဆိုတော့ အနုပညာနဲ့ပတ်သက်တာတော်တော်များများကို သူက၀ါသနာပါတယ်။ သူဖြစ်ချင်တာကို ကျွန်တော်တို့ကအားပေးပြီးလိုက်ပံ့ပိုးပေးရုံပါပဲ။ သူလုပ်ချင်တာကို လိုက်ပံ့ပိုးပေးမှာပေါ့။

-သူကဘယ်ကျောင်းမှာပညာသင်ကြားနေတယ်ဆိုတာလေးကိုလဲသိချင်ပါတယ်။

MISY မှာ Year 1 တက်နေပါတယ်။ ပညာရေးကတော့ သူကျောင်းတက်တယ်။ သူနားရမဲ့အချိန်မှာ အနုပညာနဲ့ပတ်သက်တာတွေ လုပ်တယ်။ သူများကလေးတွေလိုဆော့လဲ သိပ်မဆော့တတ်ဘူး။။

-စစ်လွန်းလေးက အစ်ကိုနဲ့နေတာပိုများသလိုပဲ။

ဒီလိုပါ။ အဲ့ဒါကတော့ အရင်ကတော့ သူ့အမေနေမကောင်းတာနဲ့နိုင်ငံခြားမှာ သွားမွေးပြီးပြန်လာတဲ့အခါ သမီးကို ကျွန်တော်ပဲ ထိန်းတာများတဲ့အတွက် ကျွန်တော်နဲ့လိုက်ကပ်တာများတယ်။ သမီးဆိုတာ ထုံးစံကအမေဆီကပ်တာများပေမဲ့ သမီးကိုတော့ ကျွန်တော်က ထိန်းရတာများတော့ ကျွန်တော့်ဆီပိုကပ်တယ်ပြောရမယ်။

-သမီးလေးနဲ့အတူ ခရီးတွေဘာတွေသွားဖို့ရောစီစဉ်ထားတာရှိမလား။

ဒီဇင်ဘာကတော့ ဘန်ကောက်မှာရှိဖို့များတယ်။ သမီးအနေနဲ့က ဒီမှာကျတော့ အပြင်ထွက်လည်ရတာ သိပ်မရှိတဲ့အတွက်ကြောင့် သူ့ကိုအဆင်ပြေအောင် ဘန်ကောက်တော့ပို့ပေးဖြစ်တယ်။ ဒီမှာဆို အပြင်သွားရင် ဓာတ်ပုံရိုက်တဲ့သူနဲ့ဆိုတော့ သူကောင်းကောင်းဆော့လို့မရဘူး။ အဲ့ဒါကြောင့် တစ်ခါတစ်လေသူက မသွားချင်တဲ့အခါကျတော့ တစ်နှစ်ကို နှစ်ကြိမ်လောက်တော့ ပြည်ပကိုပို့ပေးဖြစ်တယ်။

-အစ်ကိုတို့မိသားစုအကြောင်းကို လူမှုကွန်ယက်ပေါ်မှာတစ်ချို့တွေက ကွဲနေပြီဘာညာဆိုပြီးလျှောက်ပြောနေကြတာတွေရှိတယ်လေ။ အဲ့ဒီအပေါ် အစ်ကို့စိတ်ခံစားချက်လေးကိုလဲသိချင်ပါတယ်။

ဘာမှမဖြစ်ပါဘူး။ ဘာမှမဖြစ်ပါဘူးဆိုတာက ပြောနေတဲ့သူတွေထဲ ၀င်ကြည့်ရင်ဓာတ်ပုံက သုံးပုံထက် ပိုမရှိပါဘူး။ ဒါတွေကတစ်ယောက်တည်းလုပ်နေတဲ့ဟာတွေပါ။ သိပ်လဲခေါင်းထဲမရှိပါဘူး။ မဖြစ်မနေ အရမ်းရိုင်းလာမှသာ တစ်လုံးနှစ်လုံးပြန်ပြောဖြစ်တာမျိုးပါ။ ဘာလို့လဲဆိုတော့ ဒီအိုင်တီပိုင်းက သူတို့လောက်တော့ ကျွန်တော်လဲတတ်ပါတယ်။ ကျွန်တ်ာလဲ မလုပ်ချင်လို့ငြိမ်နေတာပါ။ ငြိမ်နေတာတော့ မဟုတ်ပါဘူး။ စောင့်ကြည့်နေတာပေါ့။ တစ်ခုမဟုတ်တစ်ခုနဲ့ကျွန်တော်ပြန်လုပ်မှာပါ။ ဒါကျွန်တော်တို့မိသားစုအတွက် ကျွန်တော်လုပ်တဲ့ အနေအထားပဲ။ သူတို့တွေအကုန်လုံးကလဲ အဆင့်မရှိလို့လုပ်တာပေါ့။ အဲ့ဒါကြောင့်ခေါင်းထဲလဲသိပ်မထည့်ပါဘူး။ အလုပ်ရှိတဲ့သူတွေကတစ်ခါတစ်လေကြည့်တောင်မကြည့်ဖြစ်ပါဘူး။ သူများတွေပြောမှ သိတာပေါ့။ ဒါကြီးကိုလိုက်ပြီး အာရုံစိုက်နေမယ်ဆိုရင် ကိုယ်ပဲအာရုံနောက်ရတာပေါ့။

-အစ်ကိုတို့ကကွဲနေကြတယ်ပေါ့။ ကလေးကလဲ အစ်ကိုနဲ့ပဲအမြဲတွေ့ရတယ်ဆိုပြီး ပြောနေကြတဲ့အပေါ်မှာရော အစ်ကိုဘာများပြောချင်လဲ။

ဒါကလေ အဆင့်မရှိတဲ့သူက လုပ်နေတာဖြစ်တဲ့အတွက် ဘာမှတော့မဖြစ်ဘူး။ အရမ်းကြီးလွန်လွန်ကျူးကျူးဖြစ်လာမှသာလျှင် ပြောဆိုတာများလာမှသာ ကျွန်တော်တို့ရေးတာပါ။ ကျွန်တော်ရော မထက်ရောအမြဲတမ်းပြောပါတယ်။ အကောင့်တုတွေ အရမ်းများတယ်။ ထက်ထက်မိုးဦးဆိုရင် page တစ်ခုရှိတယ်။ ကျွန်တော်တို့သုံးတဲ့အကောင့်ထက်တောင် လူများသေးတယ်။ တချို့ကိုပြောပြတယ်။ ဒါက fake ဘာညာဆိုပြီး။ ဒါပေမဲ့အဲ့ဒါကို အစစ်ဆိုပြီး အပြေးအလွှားလိုက် add ကြတယ်။ ဟို Fake အကောင့်မှာဆို ဆေးတွေကြော်ငြာကြတယ်။ တစ်ခုခုဖြစ်တဲ့အခါ မထက် page က တင်တာဆိုတော့ ဒီဖက်ကိုလာထိမှာ စိုးတယ်လေ။ အဲ့ဒါကြောင့်မထက်ကိုပြောပြတယ်။ အဲ့ဒီတော့မတင်ဘူးပေါ့။ ဆိုပြီး မတင်ရင် သူတို့လဲဘာမှလုပ်လို့မရဘူးဆိုပြီး မထက်ပုံ မတင်ဖြစ်တာပါ။ ပုံမတင်ရင် မတင်တင်အောင် လုပ်ကြတယ်။ ပုံလဲတင်ရော နမ်းပြီးမတင်ရဲဘူးဆိုပြီးပြောကြပြန်ရော။ နမ်းပြီးတင်ရအောင်ရူးနေတာမှမဟုတ်ပဲ။ သူတို့လိုအောက်တန်းစားတွေလဲ မဟုတ်ဘူးလေ။ အဓိပ္ပါယ်မှမရှိတာ။ အဓိပ္ပါယ်မရှိတဲ့ဟာကြီးကို ၀င်ပြောနေကြတယ်ဆိုတော့လဲ ပြောကြပေါ့လေ။ ကိုယ်ကတော့ခေါင်းထဲကထုတ်ထားတယ်။ ကျွန်တော်ပြန်လုပ်တဲ့အခါကမှ သူတို့လဲအခုလိုရယ်နေအောင်ကြိုးစားပေါ့။

-အိမ်ထောင်သက်ရှစ်နှစ်ကြာအောင်ဘယ်လိုနားလည်မှုတွေယူခဲ့လဲ ။ ဘယ်လိုအဆင်ပြေချောမွေ့နေအောင်ထိန်းသိမ်းခဲ့ရလဲ။

အဓိကက နားလည်မှုဆိုတာထက် ယုံကြည်မှုပေါ့။ ခရီးတွေထွက်နေရတယ်။ တစ်ယောက်နဲ့တစ်ယောက်မတွေ့ရဘူး။ ကိုယ့်ဟာကိုယ်ယုံယုံကြည်ကြည်နဲ့နားလည်မှုရှိနေတယ်။ မထက်ဆို ကျွန်တော့်ထက်ကြီးတယ်။ အဲ့ဒါကို သ၀န်တိုနေရတာမျိုးရှိနေရမဲ့ အချိန်မျိုးလူမျိုးမဟုတ်ဘူးလေ။ ဒီနေရာမှာကျွန်တော် ဒါလုပ်ရင်သူသိမှာပဲ။ အဲ့ဒီလိုပဲ သူဟိုနေရာမှာဟိုဟာလုပ်ရင် ကျွန်တော်လဲပြန်သိမှာပဲ။ မလုပ်ရင်မသိဘူးပေါ့။ လုပ်ရင်ပြန်သိကြမှာပဲ။ ဒါပေမဲ့ကျွန်တော်တို့နှစ်ယောက်စလုံး ဘာမှမလုပ်ကြဘူး။ လုပ်ဖို့ခေါင်းထဲလဲမရှိဘူး။ စိတ်ထဲလဲမရှိဘူး။ ကိုယ့်မိသားစုနဲ့ကိုယ်၊ ကိုယ့်စီးပွားရေးလေး ကိုယ်လုပ်တယ်။ လာပြီးတော့ ရန်စရင်ကျွန်တော်ကတော့မခံဘူး။ နောက်ပြီးတော့ အိမ်ထောင်သက်ကို ထိန်းသိမ်းပါတယ်ဆိုကတည်းက သူလုပ်ချင်နေလို့စောင့်စည်းရမယ်။ ထိန်းသိမ်းရမယ်ဆိုတဲ့စိတ်ဖြစ်နေတာပေါ့။ သူမလုပ်ရင်ထိန်းသိမ်းစရာလဲမလိုဘူး။စောင့်စည်းစရာလဲမလိုဘူးလေ။ ကျွန်တော်နေတတ်တဲ့ပုံစံအတိုင်းပဲနေတယ်။ ကျွန်တော်ကတော်ရုံတန်ရုံဆိုစတူဒီယိုနဲ့အိမ်၊ ရှုတင်နဲ့အိမ်ပဲ။ ကျန်တာက မထက်နဲ့နေတယ်။ သမီးလေးနဲ့နေတယ်။ ကျွန်တော်တို့ကအပြင်ထွက်ရင်လဲ ကျွန်တော်တစ်ယောက်တည်းကအေးဆေး မထက်နဲ့သမီးပါရင် အပြင်ထွက်လို့က အဆင်မပြေတော့ဘူး။ ဓာတ်ပုံရိုက်ဘာညာဆိုတော့လေ။ ကျွန်တော်လဲမသွားချင်တော့ဘူး။ ကလေးကလဲ မသွားချင်တော့ဘူး။ အဲ့ဒါကြောင့်ဒီမှာအပြင်သွားခဲပါတယ်။

-ဝေဖန်တာခံရပြီးတဲ့နောက်ပိုင်းမှာ နှစ်ယောက်တွဲပုံတွေရောပြန်တင်ဖြစ်သေးလား။

ဟိုတနေ့ကတော့ မထက်အစ်ကိုနဲ့ကျွန်တော်တို့လင်မယားနှစ်ယောက်နဲ့သုံးယောက်ပုံတင်ထားတယ်။ ကျွန်တော်တို့ဟာကျွန်တော်တင်ချင်တဲ့စိတ်ရှိရင် တင်တယ်။ တင်ချင်စိတ်မရှိရင်လဲ မတင်ဘူးပေါ့။ ဓာတ်ပုံမတင်လို့သာကွဲကြေးဆိုရင်တော့ အစ်မရယ် တခြားမတင်ချင်လို့မတင်ကြတဲ့သူတွေလဲ အများကြီးပါ။

Credit :Trend Myanmar


Share on Google Plus

About Myanmar Magazine