ခြောက်နှစ်သားကလေးတစ်ယောက်ရဲ့ ရင့်ကျက်မှုကနေ ပြန်လည် သင်ယူမှတ်သားသင့်တဲ့အရာ



၆ နှစ်အရွယ်ကောင်လေးတစ်ယောက်က သူ့ရဲ့ ၄ နှစ်အရွယ်ညီမလေးတစ်ယောက်နဲ့ ဈေးတန်းတစ်ခုရှေ့ကို ရောက်လာကြတယ်။ တစ်နေရာရောက်တော့ သူ့ညီမလေးက နောက်ကျန်နေခဲ့ပြီး စိတ်ဝင်စားစရာတစ်ခုကို သဲကြီးမဲကြီးကြည့်နေတာ တွေ့လိုက်တယ်။ ကောင်လေးက နောက်ပြန်လျှောက်သွားပြီး မေးလိုက်တယ် ညီမလေးဘာကိုကြည့်နေတာလဲတဲ့။ ကောင်မလေးက အရုပ်မလေးတစ်ရုပ်ကို လက်ညှိုးထိုးပြတယ်။ ကောင်လေးက ညီမလေးကို သိပ်ချစ်ပြီးတာဝန်ကျေတဲ့ အကိုတစ်ယောက်ရဲ့ ဟန်ပန်နဲ့ သူ့ညီမလေး လက်ကိုဆွဲပြီး အရုပ်မလေးကို ယူပေးလိုက်တယ်။ ကလေးမလေးက အရမ်းပျော်သွားတယ်။

ဆိုင်ပိုင်ရှင်က ဒီဖြစ်စဉ်အစအဆုံးကိုမြင်ခဲ့ပြီး ကောင်လေးရဲ့ ရင့်ကျက်တဲ့အပြုအမူကို  သဘောကျ နေမိတယ်။ ဒီလိုနဲ့ ကောင်လေးက ကောင်တာနားကိုရောက်လာပြီး ဒီအရုပ်ဖိုးဘယ်လောက်လဲလို့ မေးလာတယ်။ ဆိုင်ရှင်လူကြီးက သဘောမနောကောင်းပြီး လောကကြီးရဲ့ အတွေ့အကြုံအမျိုးမျိုး၊ အံ့သြထူးဆန်းစရာကောင်းတာတွေကို ခံစားခဲ့ဖူးတဲ့သူ တစ်ယောက်ဖြစ်ပါတယ်။ ဒါကြောင့် ကောင်လေးကို အရမ်းကို သဘောကျတဲ့စိတ်နဲ့ မင်းဘာနဲ့ဝယ်နိုင်လဲ လို့ မေးလိုက်တယ်။

ဒီအခါ ကောင်လေးက သူ့အိတ်ကပ်ထဲကနေ ကမ်းခြေသွားတုန်းက သူကောက်ခဲ့တဲ့ ခရုခွံတွေအားလုံးကို ထုတ်လိုက်ပြီး ဆိုင်ရှင်ကို ပေးလိုက်တယ်။ ဆိုင်ရှင်လူကြီးက ခရုခွံတွေကို ယူလိုက်ပြီး ပိုက်ဆံရေသလို ရေလိုက်တယ်။ ပြီးတော့ ကောင်လေးကို ကြည့်လိုက်တယ်။ကောင်လေးက စိတ်ပူတဲ့ပုံစံနဲ့မေးတယ်။ ဒါနဲ့မလောက်ဘူးလားတဲ့။ ဆိုင်ရှင်ကြီးက မဟုတ်ပါဘူး..မဟုတ်ပါဘူး..ပိုတောင်ပိုနေသေးတယ်။ ဒါကြောင့်ငါက ပိုနေတာတွေ ပြန်အမ်းမလို့ပါ လို့ပြောပြီး သူက ခရုခွံ ၄ ခုပဲ ယူထားလိုက်ပြီး ကျန်တာတွေကို ပြန်ပေးလိုက်တယ်။

ကောင်လေးက အရမ်းပျော်သွားပြီး ခရုခွံတွေအိတ်ထဲပြန်ထည့်ပြီး သူ့ညီမလေးကိုခေါ်ပြီး ပြန်ထွက်သွားတယ်။ အဲ့ဒီဆိုင်က အလုပ်သမားလေးက အရမ်းအံသြပြီး ဆရာ .ဒီလောက်ဈေးကြီးတဲ့အရုပ်ကို ခရုခွံလေး ၄ ခုနဲ့ရောင်းလိုက်တယ်..ဟုတ်လားလုိ့ မေးလိုက်ပါတယ်။ ဆိုင်ရှင်လူကြီးက ပြုံးပြီးပြောလိုက်တယ်။ ငါတို့အတွက်သာ ခရုခွံလေးတွေပါကွာ။ ဒီကောင်လေးအတွက်တော့ ဒါတွေက အဖိုးတန်ပစ္စည်းတွေပဲ။ သူ့အသက်အရွယ်နဲ့ အကိုကြီးတစ်ယောက်ရဲ့ မေတ္တာကို သူတန်ဖိုးထားတဲ့အရာတွေနဲ့ လဲပြီးပြသွားနိုင်တဲ့ စိတ်လေးကို ဂုဏ်ပြုချင်တယ်။

နောက်တစ်ချက်က ဒီအသက်အရွယ်မှာ ငွေဆိုတာ သူတို့ဘာမှန်းနားမလည်သေးပေမဲ့ သူအရွယ်ရောက်လာတဲ့အခါမှာ သူသေချာပေါက်နားလည်လာမှာ။ အဲ့ဒီအခါကျရင် သူက အရုပ်တစ်ရုပ်ကို ငွေအစား ခရုခွံတွေနဲ့ဝယ်ခဲ့ဖူးတာကို ပြန်သတိရလိမ့်မယ်။ ပြီးရင်ငါ့ကိုလည်း သတိရလိမ့်မယ်။ ပြီးတော့ လောကကြီးမှာ လူကောင်းတွေ အများကြီးရှိတယ်လို့ ယုံကြည်လိမ့်မယ်။ ဒီယုံကြည်မှုက သူ့ကို ကောင်းတဲ့စိတ်ထားတစ်ခု ရစေပြီး လူကောင်းတစ်ယောက်ဖြစ်ချင်တဲ့ ခံစားချက်မျိုးစေ့ စိုက်ပေးပြီး လူကောင်းတစ်ယောက်ဖြစ်လာဖို့ ရာခိုင်နှုန်းများတယ်။

စိတ်ရဲ့ စွမ်းအင်ကအရမ်းကြီးတယ်။ လောကကြီးထဲကို ဘယ်လိုစိတ်တစ်ခုခုပေါင်းထည့်လိုက်လိုက် သူက ပျံ့နှံသွားစေတတ်တဲ့ သဘာဝရှိတယ်။ မင်းကောင်းတာလုပ်ရင် ကောင်းကျိုးတွေပျံ့နှံ့မယ်။ မကောင်းတာလုပ်ရင် မကောင်းတာတွေပျံ့နှံ့မယ်။ မင်းက အားကောင်းတဲ့ စွမ်းအင်ရင်းမြစ်တစ်ခု ဆိုတာကို သဘောပေါက်ထားရမယ်။ ကိုယ်လုပ်လိုက်တဲ့ကောင်းခြင်း၊ ဆိုးခြင်းတွေက ကိုယ့်ဆီကို အဆများစွာချဲ့ပြီး ပြန်လာတတ်တယ်။ ကိုယ်လိုချင်တဲ့ ပုံစံမျိုးနဲ့ လာချင်မှ လာလိမ့်မယ်။ ကိုယ်နားမလည်တဲ့ ပုံစံနဲ့လည်းပြန်ရောက်လာနိုင်တယ်။ သေချာတာကတော့ ပြန်လာမှာပဲ။

ဒါကြောင့် တတ်နိုင်သမျှ ကောင်းကျိုးပြုပါ။ စိတ်ထားကောင်းတဲ့လူတွေဖြစ်စေဖို့ ဒီစာလေးကို ဖတ်ပြီးရင်လည်း တတ်နိုင်သမျှ လူကောင်းတွေများလာအောင် မျှဝေလိုက်ပါ။

Credit :Trend Myanmar



Share on Google Plus

About Myanmar Magazine Onilne