အဆိပ်သင့်အချစ်ရေးတစ်ခုကို သင်ပိုင်ဆိုင်နေရပြီးလားဆိုတာ သိစေနိုင်တဲ့အချက်(၅)ချက်



တစ်ခါတစ်ရံမှာ ကျွန်ုပ်တို့ဟာ ကိုယ့်ကိုအဆိပ်သင့်စေတဲ့ ဆက်ဆံရေးမှာ အကြောင်းပြချက်တချို့နဲ့ ဆက်လက်တည်ရှိနေတတ်ကြပါတယ်။ အသေအချာပြန်ဆန်းစစ်ကြည့်မယ်ဆိုရင်တော့ သင့်ကိုအကျိုးပြုစေတာက အနည်းအကျဉ်းလောက်သာ တွေ့ရှိရမှာဖြစ်ပါတယ်။ အဆိပ်သင့် ဆက်ဆံရေးမျိုးဆိုတာ ရုပ်ပိုင်းဆိုင်ရာ ထိခိုက်မှုတွေလို ဆိုးကျိုးဖြစ်စေတဲ့အပြင် စိတ်ပိုင်းဆိုင်ရာအရလည်း ဖရိုဖရဲဖြစ်စေနိုင်ပါတယ်။    

အောက်ပါမေးခွန်းတွေဟာ သင့်မှာ အဆိပ်သင့်ဆက်ဆံရေးထဲ ရောက်ရှိနေပြီလားဆိုတာကို ဆန်းစစ်ပေးနိုင်မှာဖြစ်ပါတယ်။

၁။ ဘာလုပ်လုပ် မဖြစ်မြောက်ဘူးလို့ သင့်ကိုယ်သင်ခံစားနေရပြီလား
သင့်ရဲ့အချိန်အများစုမှာ ပုဂ္ဂိုလ်ရေးဆိုင်ရာတွေကို ပြက်ရယ်ပြု အရှက်ရစေပြီး သင့်ရဲ့ကိုယ်စွမ်းကိုယ်စတွေနဲ့ စိတ်ပိုင်းဆိုင်ရာကြံ့ခိုင်မှုတွေကို လျော့ကျနေစေပြီဆိုရင်တော့ သေချာနေပါပြီ။

၂။သူ့အကြောင်းပဲပြောပြီး သင့်အကြောင်းဆို နားမထောင်ချင်တဲ့သူမျိုးရှိနေပြီလား
သင့်ရဲ့ထင်မြင်ချက်တွေကို အလေးအနက်နားထောင်ပြီး စဉ်းစားဆုံးဖြတ် လက်ခံနားလည်ပေးရမယ့်အစား သင့်စကားမဆုံးခင်မှာပဲ သင့်ကို အတိုက်အခံတွေ လုပ်နေပြီဆိုရင်တော့ သေချာနေပါပြီ။

၃။ ပျော်ရွှင်ရမယ့်အချိန်တွေမှာတောင် သူနဲ့အတူဆိုရင် မပျော်မရွှင်နိုင်ဖြစ်နေပြီလား။
သင့်ရဲ့ အပြုအမူတွေ သင့်ရဲ့ ကိုယ်ပိုင် ပျော်ရွှင်မှုတွေကို ထိန်းချုပ်ချင်နေတဲ့သူဆိုရင်တော့ သေချာနေပါပြီ။

၎။သူနဲ့အတူရှိနေချိန်မှာ သက်တောင့်သက်သာရှိတယ်လို့ ခံစားမိပါရဲ့လား။
သူလက်ခံနိုင်လောက်တဲ့ အပြုအမူမျိုး၊ မျက်နှာထားမျိုးကို သင့်မှာ အမြဲပြုပြင်နေရတဲ့အတွက် သင့်စိတ်ထဲမှာ လွတ်လွတ်လပ်လပ်ရှိမနေဘူးဆိုရင်တော့ သေချာနေပါပြီ။

၅။ သင့်ကို တိုးတက်ပြောင်းလဲစေမယ့် အလားအလာမျိုးမရှိဘူးလို့ ခံစားနေရပြီလား။
သင်တိုးတက်ပြောင်းလဲလာဖို့အတွက် တွန်းအားနဲ့ အထောက်အပံ့ပေးတာတွေ ပြုလုပ်ပေးရမယ့်အစား သင့်ကို မယုံကြည်မှုတွေနဲ့ ပြက်ရယ်ပြုနေမယ်ဆိုရင်တော့ သေချာနေပါပြီ။

ဒီလိုအခြေအနေမျိုးတွေထဲမှာ ရောက်ရှိနေပြီလို့ ခံစားနေရရင်တော့ အောက်ပါစာပိုဒ်လေးနဲ့အတူ သင့်ကိုယ်သင် ရုန်းထွက်ဖို့ ကြိုးစားကြည့်လိုက်ပါ။

အဓိကကတော့ သင်ကိုယ်တိုင်လွတ်မြောက်အောင် သင့်ကိုယ်သင် တည်ဆောက်နေဖို့ပါပဲ။ သူတို့ရဲ့ အဆိုးမြင်ဝါဒတွေဟာ သင့်ရဲ့ တိုးတက်ပြောင်းလဲလိုတဲ့ စိတ်ကို လွှမ်းမိုးနိုင်မှာ မဟုတ်တဲ့အတွက် သူတို့ပြောတဲ့အတိုင်း လိုက်လုပ်နေစရာမလိုပါဘူး။ ဒီတော့ သင့်ရဲ့ အတွင်းစိတ်ကလာတဲ့ သိစိတ်ရဲ့ အသံကို တဆိတ်လောက် နားထောင်ကြည့်လိုက်ပါ။  ကောင်းမွန်တဲ့ ဆက်ဆံရေးမျိုးဆိုတာ သင့်ကိုစိတ်လုံခြုံမှုပေးတဲ့အပြင် သောကကင်းဝေးစေနိုင်မှာဖြစ်ပါတယ်။ အဆုံးသတ်အနေနဲ့ သင်ဟာ နာတာရှည် ဆက်ဆံရေးအမျိုးအစားထဲမှာလား။ ကောင်းမွန်တဲ့ ဆက်ဆံရေးအမျိုးအစားထဲမှာလား ဆိုတာကို သင်ကိုယ်တိုင်အတွက် စဉ်းစားဖို့ အချိန်ခဏလောက်ယူလိုက်ပါ။

Credit :Trend Myanmar



Share on Google Plus

About Myanmar Magazine