ပင်ပန်းစွာ ဝိတ်မချရဘဲ သွယ်လျနေသူတွေရဲ့ လျှို့ဝှက်ချက်

play

လေ့ကျင့်ခန်းနဲ့ အစားအသောက် လျှော့စားမှုတွေ ပင်ပန်းကြီးစွာ လုပ်စရာမလိုဘဲ ဝိတ်မတက် သွယ်လျ လှပနေသူတွေကို အားကျပါလိမ့်မယ်။
ပင်ပန်းစွာ ဝိတ်မချရဘဲ သူတို့ သွယ်လျလှပနေတဲ့ လျှို့ဝှက်ချက် (၄) ခုကို ဖော်ပြထားပါတယ်။ ဒီ လျှို့ဝှက်ချက်တွေက သွယ်လျလှပသူတွေကို မေးမြန်းလေ့လာထားတဲ့ သုတေသနရလဒ်လည်း ဖြစ်ပါတယ်။

မနက်စာ

play

လေ့လာမှုစစ်တမ်းမှာ ပါဝင်တဲ့ သွယ်လျနေသူ ၉၆ ရာခိုင်နှုန်းဟာ မနက်စာကို ပုံမှန် စားလေ့ရှိပါတယ်။ သုတေသီတွေရဲ့ တွေ့ရှိချက်အရ မနက်စာစားခြင်းက နေ့လည်စာ စားချိန်မှာ ကယ်လိုရီလောင်ကျွမ်းမှု ပိုဖြစ်စေပါတယ်။

ကိုယ်လက်လှုပ်ရှား လေ့ကျင့်ခန်း

play

သွယ်လျလှပနေသူတွေဟာ အပတ်စဉ် ကိုယ်လက်လှုပ်ရှား လေ့ကျင့်ခန်း ၅ ကြိမ်နဲ့အထက် ပြုလုပ်လေ့ရှိပါတယ်။ ကိုယ်လက်လှုပ်ရှား လေ့ကျင့်ခန်း ပြုလုပ်ခြင်းက ခန္ဓာကိုယ်နဲ့ ဦးနှောက်အတွက် ကောင်းမွန်သလို စိတ်ဖိစီးမှုနဲ့ ဆီးချိုရောဂါ ဖြစ်ပွားမှုကိုလည်း လျော့ကျစေပါတယ်။ သုတေသန အစီအစဉ်မှာ ပါဝင်သူ ၄၂ ရာခိုင်နှုန်းက အပတ်စဉ် လေ့ကျင့်ခန်း ပုံမှန် ပြုလုပ်သူတွေပါ။

ကိုယ်အလေးချိန် ဆန်းစစ်ခြင်း

play

ခန္ဓာကိုယ် သွယ်လျလှပသူတွေဟာ သူတို့ကိုယ် သူတို့ ဂရုစိုက်လေ့ ရှိပါတယ်။ အထူးသဖြင့် အပတ်စဉ် ကိုယ်အလေးချိန် တိုင်းတာပါတယ်။ သွယ်လျသူတွေကို ပြုလုပ်ထားတဲ့ စစ်တမ်းအရ ၅၀ ရာခိုင်နှုန်းက တစ်ပတ်လျှင် တစ်ကြိမ် ကိုယ်အလေးချိန် တိုင်းတာကြပါတယ်။

အစားအစာ

play

သွယ်လျနေသူ ၄၄ ရာခိုင်နှုန်း အစားအစာနဲ့ ပတ်သက်ပြီး အထူးအထွေ ကန့်သတ်ထားလေ့ မရှိဘဲ ၇၄ ရာခိုင်နှုန်းဟာ အစားလျှော့စားမှု မရှိသလောက် ရှားပါတယ်။
Source & Photo: Daily Mail, The Huffington Post, Mirror  Credit :duwun

Share on Google Plus

About Myanmar Magazine