ဆံကေသာတွေ နူးညံ့လှပစေဖို့အတွက် ကိုယ်တိုင်လုပ်ဆောင်နိုင်တဲ့ ပေါင်းတင်နည်းလေးများ



ဆောင်းရာသီမှာ ဆံသားလေးတွေဟာ လေထုကြောင့် ကြမ်းတာ၊ နှစ်ခွဖြစ်တာတွေအပြင် ဦးရေပြားမှာပါ ဗောက်ထတတ်ပါတယ်။ ဆံပင်တွေငြိတာ၊ နှစ်ခွဖြစ်တာ၊ အောက်နားတွေပြတ်တာလောက် စိတ်ညစ်ရတာမရှိပါဘူး။ ဒါပေမယ့် အဲဒီပြဿနာတွေကနေ ကင်းဝေးဖို့ အိမ်မှာနေရင်း ပေါင်းတင်လို့ရပါတယ်။ အခုဖော်ပြပေးမယ့် DIY Hair Maskလေးတွေဟာ ChemIcalတွေ မပါဝင်လို့ ဆံပင်သားမထိခိုက်တဲ့အပြင် ဆံသားကိုကျန်းမာစေပါတယ်။ ပစ္စည်းရှာရလွယ်ကူပြီး လိုက်လုပ်ဖို့လည်းလွယ်တဲ့အပြင် အချိန်လည်းမကုန် လူလည်းမပင်ပန်းလို့ စမ်းကြည့်သင့်တယ်နော်။

ထောပတ်၊မရောနိစ် Mask
နာမည်လေးကိုကြည့်တာနဲ့တင်စားပစ်ချင်စရာကောင်းနေပါပြီ။ လိုအပ်တာတွေကတော့ မရောနိစ် စားပွဲတင်ဇွန်း ၄ဇွန်း၊ကြက်ဥနှစ်လုံးနဲ့ထောပတ်သီးတစ်ခြမ်းတို့ လိုပါတယ်။ အကုန်လုံးကို ခွက်ကြီးကြီးတစ်ခုထဲရောနယ်ပြီးတဲ့အခါ ခပ်ပျစ်ပျစ်အနေအထားတဲ့ရောက်တဲ့အထိ ခက်ရင်းနဲ့ခေါက်ပါ။ ခပ်ပျစ်ပျစ်အနေအထားကိုရောက်ပြီဆိုရင် ဆံပင်အရင်းကနေစလိမ်းပါ။ပလတ်စတစ် Shower Capနဲ့ ၂၅မိနစ်လောက်စွပ်ထားပြီးတဲ့အခါ ရေဆေးချလိုက်ပါ။ ဆံသားနူးညံ့တောက်ပြောင်လာတာကိုတွေ့ရပါလိမ့်မယ်။

သံလွင်ဆီ Mask
ဒီနည်းလမ်းကတော့ တော်တော်များများ သိပြီးသားဖြစ်သလို အသုံးပြုလည်းများကြမှာပါ။ လိုအပ်တာကတော့ သံလွင်ဆီစစ်စစ်ပဲ လိုအပ်ပါတယ်။ ဒီထက်ပိုပြီးကောင်းချင်ရင်တော့ သံလွင်ဆီထဲကို လာဗင်ဒါဆီ အနည်းငယ်ထည့်ပေးလို့ရပါတယ်။ သံလွင်ဆီကို ဦးရေပြားကနေ လိမ်းပြီး အရင်းတွေကို ထပ်ခါထပ်ခါ လိမ်းပါ။ ပိုပြီး ထိရောက်ချင်ရင်တော့ ညအိပ်တဲ့အခါ လိမ်းအိပ်ပြီး မနက်ကျမှ ခေါင်းလျှော်ချလိုက်ပါ။

ပျားရည်၊ကြက်ဥ Mask
ပျားရည်ဟာ အစိုဓာတ်ကို ဖြည့်တင်းပေးနိုင်ပါတယ်။ ဆံပင်သားခြောက်တဲ့သူတွေအတွက်ဆိုရင် ဒီနည်းလေးကအဆင်ပြေစေမှာပါ။ ပျားရည်ကို တစ်ခွက်စာကို ကြက်ဥအနှစ်တစ်လုံးထည့်ပြီးမွှေပါ။ သမမျှတသွားပြီဆိုရင် ဦးခေါင်းကိုလိမ်းပါ။ နှိပ်နယ်ပြီး မိနစ်၃၀လောက်ထားပေးပါ။ မိနစ်၃၀ပြည့်သွားပြီဆိုရင် ကိုယ်သုံးနေကျ ခေါင်းလျှော်ရည်တစ်မျိုးမျိုးနဲ့ပြောင်အောင် ဆေးပါ။

ရှားစောင်းလက်ပတ်Mask
ရှားစောင်းလက်ပတ်အရွက်ထဲက အနှစ်ကို ဆံပင်အရှည်နဲ့တိုင်းပြီး ကိုယ်လိုသလောက်ပမာဏယူပါ။ ကိုယ်ယူထားတဲ့အနှစ်တွေထဲကို သံပုရာရည် စားပွဲတင်ဇွန်း ၁ဇွန်းလောက်ထည့်ပါ။ အုန်းဆီ ဒါမှမဟုတ် သံလွင်ဆီတစ်ခုခုထည့်လို့လည်းရပါတယ်။ ဆံပင်အနှံ့လိမ်းပြီးသွားတဲ့အခါ Shower Capလေးနဲ့ မိနစ် ၃၀လောက် အုပ်ထားပြီး ရေဆေးနဲ့ဆေးချပါ။

ငှက်ပျောသီး ၊သံလွင်ဆီMask
ဒီနည်းလမ်းဟာလည်း ဆောင်းရာသီမှာဖြစ်တတ်တဲ့ ဆံပင်ပြဿနာတွေကို ဖြေရှင်းနိုင်တဲ့ နည်းတစ်ခုပါ။ ငှက်ပျောသီးနှစ်လုံးလောက်ကို ချေပြီး သံလွင်ဆီနည်းနည်းအစက်ချပြီးထည့်ပါ။ နယ်ထားတဲ့ ငှက်ပျောသီးအနှစ်ကို ဦးရေပြားနဲ့ဆံပင်တွေမှာ လိမ်းပြီးနာရီဝက်လောက်ထားပါ။ ပြီးမှခေါင်းလျှော်ရည်နဲ့ လျှော်ပါ။

အခုဆိုရင် အိမ်မှာလုပ်လို့ရနိုင်တဲ့ နည်းလမ်းလေးတွေဖော်ပြထားပြီးပြီဆိုတော့ ကိုယ်နဲ့အဆင်ပြေမယ့်နည်းလေးကို စမ်းသပ်ကြည့်လို့ရပြီနော်။

Credit :Trend Myanmar


Share on Google Plus

About Myanmar Magazine

This is a short description in the author block about the author. You edit it by entering text in the "Biographical Info" field in the user admin panel.