အသဲကွဲခြင်းဝေဒနာကို ကုစားတဲ့အခါ ဖြည်းဖြည်းချင်း မေ့ဖျောက်ဖို့ ကြိုးစားတာဟာ အထိရောက်ဆုံးနည်းလမ်း ဖြစ်



တစ်ကယ်လို့ သင်ဟာ အချစ်ရေးတစ်ခုကို အဆုံးသတ်လိုက်ရလို့ အသဲကွဲနေသူ တစ်ယောက် ဆိုရင်တော့ အားလုံးဝိုင်းပြီး သင့်ကို တိုက်တွန်းကြမှာက ဖြစ်ပျက်ခဲ့တာတွေကို မေ့ပစ်လိုက်ပြီး ရှေ့ဆက်ဖို့ ပါ။ ဒါပေမယ့်လည်း သိပ္ပံပညာ က တိုက်တွန်းလာတာက အသဲကွဲ နေသူတစ်ယောက်ကို ဆုံးရှုံးမှုတွေ အတွက် အမြန်ဆုံး မေ့ဖျောက် ပစ်လိုက်ပါ လို့ အကြံပေးတိုက်တွန်းခြင်းဟာ အဆိုးရွားဆုံး အတွေးအခေါ်ပဲ ဖြစ်တယ် ဆိုတာပါပဲ။

လေ့လာမှု အသစ်တစ်ခုက ရှာဖွေတွေ့ရှိခဲ့တာကတော့ ဆုံးရှုံးမှုတစ်ခုခု ကြုံတွေ့တဲ့အခါ  စိတ်သက်သာရာ ရစေဖို့အတွက် အဲဒီ ဆုံးရှုံးမှုတွေကို အမြန်ဆုံး မေ့ဖျောက်နေခြင်းထက် အဲဒီဆုံးရှုံးမှုတွေကို တန်ပြန် ထင်ဟပ်စေခြင်းမှာ အချိန်ပေးလိုက်တာက ပိုပြီး ထိရောက်မှု ရှိလာနိုင်တယ်ဆိုတဲ့ သဘောတရားတစ်ခုပဲ ဖြစ်ပါတယ်။ ဒီ သဘောတရားကို ရရှိလာဖို့အတွက် သုတေသီတွေ အသုံးချခဲ့တဲ့ လေ့လာနည်းကတော့ လောင်းကစား ပါ။

လောင်းကစား ပြုလုပ်သူတွေဟာ သူတို့ အနိုင်ရရှိလာတဲ့အချိန်တိုင်းမှာ အံ့အားသင့်မှု နဲ့ အောင်မြင်မှု ရဲ့  စိတ်ခံစားချက်တွေကို ရရှိမှန်းသိနေတဲ့အတွက် သူတို့ လောင်းကစားလုပ်ရင်း ရှုံးတဲ့အခါတွေမှာ မျှော်လင့်ချက်တွေထားပြီး ဆက်လက်ကစားလေ့ရှိကြပါတယ်။ ငွေမျောရင် ငွေနဲ့ ပြန်လိုက်ဆိုတဲ့ လောင်းကစား ဒဿန လိုပဲ။ အဲဒီ မျှော်လင့်ချက်ကြောင့် သူတို့ ပြန်လည် အနိုင်ရရှိသွားကြပါတယ်။ တစ်နည်းအားဖြင့် သူတို့ဟာ ဆုံးရှုံးသွားမှုကို လျင်မြန်စွာ ဖယ်ရှားလိုက်တာပါပဲ။

လေ့လာမှုရဲ့  ရလဒ်ကတော့ သင့်အနေနဲ့ ဆုံးရှုံးမှု တစ်ခုခု ကြုံတွေ့ပြီးတဲ့အခါမှာ အဲဒီ ဆုံးရှုံးမှုကို မေ့ဖျောက်ဖို့ အတင်း ကြိုးစားမနေပဲ အဲဒီဆုံးရှုံးမှုအကြောင်းကို တွေးပြီး ဖြည်းဖြည်းချင်း မေ့ပစ်လိုက်တာက ပိုမို ကောင်းမွန်တဲ့ သက်ရောက်မှုတွေ ရှိလာစေတယ်ဆိုတာပါ။ အဲဒီလို လုပ်ဆောင်ခြင်းအားဖြင့် သင့်အနေနဲ့ ရှေ့ဆက်ပြီး ဘာကို လုပ်သင့်တယ်ဆိုတာ ပိုမို စဉ်းစားဖြစ်လာသလို အနာဂါတ်မှာလည်း အလားတူ အမှားမျိုးတွေ ထပ်မဖြစ်လာဖို့ အထောက်အကူ ဖြစ်စေနိုင်တယ်လို့လည်း သုတေသီတွေက ဆိုပါတယ်။

အဲဒီလို ဆုံးရှုံးမှုကို တန်ပြန် ထင်ဟပ်အောင် ကြိုးစားနေချိန်မှာ သင့်ရဲ့  လုပ်ရပ်တွေက ထိန်းချုပ်မှု မရှိသလို ဖြစ်နေတတ်တာကိုလည်း လက်ခံနိုင်ဖို့ လိုအပ်တယ်လို့ ထိုလေ့လာမှုက ထပ်မံပြီး မီးမောင်းထိုးပြထားပါသေးတယ်။ ဒါကြောင့် သင့် မိတ်ဆွေ သူငယ်ချင်း တစ်ယောက်ယောက် ဟာ အသဲကွဲနေတယ်ဆိုရင် အမြန်ဆုံးမေ့ဖျောက်လိုက်ဖို့ မတိုက်တွန်းပဲ ဖြည်းဖြည်းချင်းသာ ရှေ့ဆက်ဖို့ တိုက်တွန်းတာက အကောင်းဆုံး ကူညီမှု ဖြစ်လာပါလိမ့်မယ်။

Credit :Trend Myanmar


Share on Google Plus

About Myanmar Magazine Onilne