အလုပ်သစ် စဝင်တဲ့နေ့မှာ သတိထား လုပ်ဆောင်သင့်တဲ့အချက်များ



ဒီလက်တွေ့ကျတဲ့ အချက်တွေက အလုပ်သစ်တစ်ခု စဝင်တဲ့ရက်မှာ စိတ်လှုပ်ရှား ထိတ်လန့် ကတုန်ကယင်ဖြစ်မှုတွေကို ငြိမ်းအေးစေပါလိမ့်မယ်။ သိထားရမယ်အချက်တွေကတော့…

စောစောရောက်ခြင်း

ဒါက သိပ်စဉ်းစားစရာအချက် မဟုတ်ဘူးဆိုပေမယ့် လူအများစု မလုပ်မိကြတဲ့အချက် ဖြစ်ပါတယ်။ ၅ မိနစ်ကနေ ၁၀ မိနစ် စောရောက်တာက အနေသားကျဖို့အချိန် သို့မဟုတ် လိုအပ်ပါက သန့်စင်ခန်းသွားမယ့်ချိန် ရရှိစေပါတယ်။ စောစောရောက်နိုင်အောင် မနက်အဆင်သင့်ပြင်ဆင်ဖို့၊ သွားမယ့်နေရာအတွက် အချိန်ပိုပိုလိုလို ယူထားပါ။ ဖြစ်နိုင်ရင် လမ်းကြောင်းကို တစ်ခါလောက် အစမ်းသွားထားသင့်ပါတယ်။

စိတ်ပါဝင်စားမှုရှိပါစေ သို့သော် အလွန်အကျွံတော့ မဖြစ်ပါစေနဲ့

နယ်ပယ်သစ်တစ်ခုမှာ အရာထင်အောင်လုပ်ဆောင်ခြင်းနဲ့ ရုံးပတ်ဝန်းကျင်နဲ့ တပြိုက်နက် ဟန်ချက်ညီအောင်သွားဖို့ ခက်ခဲနိုင်ပါတယ်။ အထက်စီးဆန်တဲ့ အထင်အမြင် မရောက်စေဘဲ သင်ယူလိုစိတ်အားထက်သန်တဲ့ အထင်အမြင်ရောက်စေဖို့ ပထမနေ့မှာ အောက်ကျို့စွာနေပြီး စွမ်းဆောင်ရည်နဲ့ စိတ်ပါဝင်စားမှုနှစ်ခု ဟန်ချက်ညီအောင် ထိန်းထားသင့်ပါတယ်။ ဒီအချက်က first impression ရစေပါလိမ့်မယ်။

အရင်အလုပ်အကြောင်း ပြောဆိုမှုမျိုး ရှောင်ကြဉ်ပါ

အလုပ်သစ်နဲ့ အရင်အလုပ်အကြောင်း ချက်ချင်းနှိုင်းယှဉ်ဖို့ ခက်ခဲနိုင်ပါတယ်။ အရင်အလုပ်အကြောင်း ပြောဆိုတဲ့အခါ မိမိစွမ်းဆောင်ချက်တွေ ထုတ်ဖော်ပြောဆိုမိပါလိမ့်မယ်။ နှိုင်းယှဉ်ပြောဆိုမယ့်အစား အရင်အလုပ်ဟာ ခုအလုပ်သစ်အတွက် အထောက်အကူဖြစ်စေတယ်ဆိုတာလောက်ပဲ ပြောပါ။

ကိုယ်ဟန်အမူအရာ

အလုပ်သစ် စဝင်တဲ့အခါ ကိုယ်ဟန်အမူအရာက အဓွန့်ရှည်တဲ့ စိတ်ဝင်စားခံရမှု ဖန်တီးရာမှာ အရေးပါတဲ့လက်နက်တစ်ခု ဖြစ်ပါတယ်။ အပြန်အလှန်စကားပြောဆိုတဲ့အခါ မျက်နှာကို သေချာကြည့် ပြုံးရွှင်ပြီး ထိရောက်တဲ့ ကိုယ်ဟန်အမူအရာတွေ သတိထားဆောင်ရွက်ပါ။ သမ်းတာ၊ မျက်မှောင်ကြုတ်တာ သို့မဟုတ် လက်ကို ဘောင်းဘီအိတ်ထဲထည့် မတ်တပ်ရပ်နေတာ စတဲ့ အနုတ်လက္ခဏာပါတဲ့ ကိုယ်ဟန်အမူအရာတွေ ရှောင်တာ အကောင်းဆုံးပါပဲ။

အပြုသဘောနေပြီး စိတ်ဝင်စားမှု ပြသပါ

အလုပ်သစ် စဝင်တဲ့အခါ လေ့လာသင်ယူရမယ့် လူမှုပေါင်းသင်းဆက်ဆံမှုနဲ့ လုပ်ငန်းခွင်စိန်ခေါ်မှုတွေရှိပြီး ပထမနေ့မှာ လူသစ်များစွာနဲ့ မိတ်ဆက်ခံရနိုင်တာကြောင့် စိတ်ဝင်စားခံရအောင်ပြုလုပ်ဖို့ အရေးကြီးပါတယ်။ အရေးကြီးဆုံးအချက်တစ်ခုက တွေ့တဲ့လူတိုင်းနဲ့ အပြုသဘောဆောင်နေပြဖို့ ဖြစ်ပါတယ်။ သူတို့ပြောတာတွေ ကျေနပ်အားရ စိတ်ဝင်စားဟန်နေ၊ မေးခွန်တွေမေး၊ မှတ်စုမှာ ရေးမှတ်ထားရပါမယ်။

လူမှုမီဒီယာနဲ့ ခပ်ကင်းကင်းနေပါ

ယနေ့ခေတ်မှာ ကျွန်ုပ်တို့အများစု အင်တာနက်ပေါ် အဆက်မပြတ် မျှောနေတတ်ကြပါတယ်။ လုပ်ငန်းသစ် စဝင်တဲ့နေ့မှာ စိတ်လှုပ်ရှားမှု၊ စိုးရိမ်ပူပန်မှု၊ ပျော်ရွှင်မှု၊ ပျင်းရိမှုစတဲ့ စိတ်ခံစားမှုပေါင်းစုံရောထွေးနေတတ်ပါတယ်။ အဲဒီစိတ်ခံစားချက်တွေ လူမှုမီဒီပေါ် ပို့ချင်ဇောကို ချုပ်တည်းပါ။

Credit :Trend Myanmar


Share on Google Plus

About Myanmar Magazine