ပျော်ပွဲရွှင်ပွဲ၊ ပါတီပွဲတွေတိုင်း အမြဲသောင်းကျန်းတတ်တဲ့ ရာသီဖွား (၄) မျိုး



တစ်ပတ်လုံးအလုပ်တွေ မနားမနေလုပ်ရတဲ့သူတိုင်း သောကြာနေ့ရောက်တဲ့အခါ သူငယ်ချင်းတွေ၊ အသိမိတ်ဆွေတွေကို အချိန်ပေးပြီး အတူတူ သောင်းကျန်းတတ်ကြပါတယ်။ တစ်ခါတစ်လေကျတော့လည်း ကိုယ့်ဘေးနားမှာရှိတဲ့ လူတွေဟာ ကိုယ့်အတွက် တကယ့်ကိုစိတ်အပန်းပြေစေတဲ့အပြင် သူတို့ရှိနေရင်ကို ပျော်နေရသလို ခံစားမိပါလိမ့်မယ်။ ဒါပေမယ့် ကိုယ်ပေါင်းတဲ့ သူငယ်ချင်းအပေါင်းအသင်းက ရက်သတ္တပတ်တိုင်း ပါတီသွား၊ ကလပ် တက်၊ သောက်စားပြီး တော်တော်လေး ၀ုန်းဒိုင်းကြဲတတ်တဲ့ သူဆိုရင်တော့ သင့်ကိုပါ သူတို့နဲ့အတူကဲဖို့ ဆွဲဆောင် စည်းရုံးပါလိမ့်မယ်။ ဒီတော့ သင့်သူငယ်ချင်းတွေထဲမှာ ပျော်ပွဲရွှင်ပွဲတိုင်းနဲ့ ပါတီတိုင်း ဘယ်တော့မှ အလွတ်မခံပဲ သောင်းကျန်းတတ်တဲ့ ရာသီဖွားတွေ ပါဝင်နေသလား၊ ဒါမှမဟုတ် သင်ကိုယ်တိုင် အဲ့ဒီရာသီဖွားလေးမျိုးထဲ ပါဝင်နေသလားဆိုတာ ကြည့်ရအောင်။

Gemini - မေထုန်ရာသီဖွား ( မေလ ၂၁ ရက် - ဇွန်လ ၂၀ ရက် )
ဒီရာသီဖွားတွေကတော့ သောကြာနေ့ညရောက်ပြီဆိုတာနဲ့ သူငယ်ချင်း အားလုံးနဲ့စုပြီး သောင်းကျန်းဖို့အမြဲ စိတ်အားထက်သန်နေတတ်တဲ့ သူတွေပါ။ သူတို့ရှိနေရင် ပျော်စရာကောင်းပါတယ်။ ဘာလို့လဲဆိုတော့ သူတို့က လူမှုဆက်ဆံရေးလည်း တော်တော်လေး ကောင်းတာကြောင့်ပါ။ သူငယ်ချင်းအသစ်၊ မိတ်ဆွေသစ်ဆိုရင်တောင် အဲ့ဒီည ပါတီ၊ ဒါမှမဟုတ် ဘား၊ ကလပ်စတဲ့နေရာတွေမှာ တန်းပြီးခင်မင်သွားအောင် ဒီရာသီဖွားတွေက စည်းရုံးပစ်နိုင်ပါတယ်။

နောက်တစ်ချက်ကတော့ ဒီရာသီဖွားတွေဟာ ကိုယ်ဘယ်လောက်အတိုင်းအတာထိ သောက်နိုင်တယ်ဆိုတာမျိုး သိရင်တောင် အဲ့ဒါထက်ပိုပြီး အလွန်အကျွံသောက်တတ်တာကြောင့် နောက်နေ့မှာအမြဲ အရက်နာကျနေတတ်သူတွေပါ။ ဒါ့ကြောင့် ဒီမေထုန်ရာသီဖွားတွေကို တစ်ခုသတိထားစေချင်တာက နည်းနည်းလေးသောက်ပြီးတဲ့အခါ ဆက်တိုက်သောက်မယ်ဆိုရင်တောင် ကိုယ့်ကို စောင့်ရှောက်ပေးမယ့်သူ တစ်ယောက်လောက်တော့ အနားမှာရှိစေချင်ပါတယ်။

Leo - သိဟ် ရာသီဖွား (ဇူလိုင်လ ၂၃ ရက် - သြဂုတ်လ ၂၂ ရက် )
သိဟ်ရာသီဖွားတွေကျတော့ သူတို့သွားနေကျ ဘား၊ ကလပ်စတဲ့နေရာတွေမှာသာ ထပ်ခါထပ်ခါ သောင်းကျန်းချင်တာမျိုးပါ။  သူတို့ကတကယ်ကိုမိုက်တဲ့၊ သူတို့နဲ့အဆင်ပြေတဲ့ နေရာတွေကိုသာ အမြဲရွေးချယ်တဲ့အပြင် အဲ့ဒီကိုရောက်ရင်လည်း သူတို့အစွမ်းအစကို နည်းနည်းလေး ထုတ်ဖော်ပြချင်ပါတယ်။ ဥပမာ ကတတ်တဲ့သူဆိုရင် သူအက ဘယ်လောက်ကျွမ်းကြောင်း အားလုံးသိအောင် နည်းနည်း က ပြလိုက်တာမျိုးပေါ့။ တစ်ခုရှိတာက သိဟ်ရာသီဖွားတွေက ပါတီတစ်ခုတည်းနဲ့ တင်းတိမ်တတ်တဲ့သူတွေတော့ မဟုတ်ပါဘူး။ တစ်ခုပြီးရင် နောက်တစ်နေရာ ဆက်သွားဖို့အမြဲ ကြံစည်နေတတ်ပါတယ်။

ဒီတော့ သင်က မနက်ဖြန်ခပ်စောစော သွားစရာရှိတယ်ဘာညာဆိုရင် သင့်သူငယ်ချင်း သိဟ်ရာသီဖွားကို တစ်ချက် သတိပေးဖို့ အားနာမနေပါနဲ့။ ဘာလို့လဲဆိုတော့ သူတို့က သူတို့စိတ်ထဲ တစ်နေရာပြီး နောက်တစ်နေရာ ဘယ်သွားမယ်ဆိုတာ စာရင်းကို ပြုလုပ်ထားတတ်တာကြောင့်ပါ။

Sagittarius – ဓနုရာသီဖွား ( နိုဝင်ဘာလ ၂၂ ရက် - ဒီဇင်ဘာလ ၂၁ ရက် )
ဓနုရာသီဖွားတွေကတော့ သူငယ်ချင်းတွေနဲ့ လွတ်လွတ်လပ်လပ် အချိန်ဖြုန်းရတာကို တော်တော်လေး နှစ်ခြိုက်ကြပါတယ်။ ပါတီတွေ၊ ကလပ်တွေမှာဆိုရင်လည်း မိတ်ဆွေသစ်တွေ ဖွဲ့မယ်၊ ဒီကလပ်မှာ ဘာတွေကဘယ်လိုဆိုတာ အမြဲစူးစမ်းနေပါလိမ့်မယ်။ နောက်နေ့ဆိုရင် အဲ့ဒီညက ဘယ်သူတွေက ဘယ်လို၊ ဘယ်နေရာမှာ ဘာဖြစ်တာဆိုပြီး သူငယ်ချင်းတွေကို အမြဲပြန်ပြောပြနေကျ ရာသီဖွားကတော့ ဓနုရာသီဖွားပါ။

ဒါ့ကြောင့် သူနဲ့အတူသွားရင်တော့ သူ့ကိုမျက်စိအောက်က အပျောက်မခံပဲ ကြည့်နေဖို့ လိုပါတယ်။ မဟုတ်ရင် စွန့်စားခန်းအသစ်တွေကိုဖွင့်ဖို့ စိတ်ဝင်စားလွန်းအားကြီးတဲ့ ဓနုရာသီဖွားကြောင့် ပြန်ခါနီး သူမရှိလို့ လိုက်ရှာနေရတာမျိုး၊ ဘယ်သူတွေနဲ့အတူ ဘယ်ကိုလိုက်သွားမှန်းမသိလို့ စိတ်ပူရတာမျိုးတွေ ကြုံရနိုင်ပါတယ်။

Aquarius - ကုံရာသီဖွား ( ဇန်န၀ါရီလ ၂၀ ရက် - ဖေဖော်ဝါရီလ ၁၈ ရက် )
ကုံရာသီဖွားတွေကတော့ ပျင်းစရာကောင်းတဲ့ အခြေအနေကို သဘောမတွေ့တတ်ပါဘူး။ သူကတော့ ပါတီ၊ ကလပ်တွေ သွားတတ်ပေမယ့် သူငယ်ချင်းတွေနဲ့ပဲ အတူသောင်းကျန်းချင်တာပါ။ သူငယ်ချင်းအသစ်တွေ၊ မိတ်ဆွေသစ်တွေ မရှာတတ်သလို သူ ကတာ ၀ါသနာပါရင်ကမယ်၊ သောက်တာ ၀ါသနာပါရင်သောက်နေမယ်ဆိုတဲ့ လူစားမျိုးပါ။ သာမာန်အားဖြင့် အရှက်အကြောက်ကြီးတဲ့ ကုံရာသီဖွားတွေဟာ တစ်ခွက်နှစ်ခွက်လောက်ဝင်ပြီးတာနဲ့ အားလုံးအေးဆေးဖြစ်သွားကာ စတင်သောင်းကျန်းပါတော့တယ်။  

သူက သူငယ်ချင်းတွေဆီက ဘာလုပ်ရင် ဘာကောင်းတယ်ဆိုတဲ့ အကြံဥာဏ်မျိုးတွေ အမြဲတောင်းခံတတ်ပါတယ်။ တစ်ခုရှိတာက သူနဲ့အတူ ပါတီ၊ ကလပ်တွေမှာရှိရင် သူအိမ်ပြန်တဲ့အခါ အိမ်ချောချောမောမောရောက်ရဲ့ လားဆိုတာတော့ သေချာအောင် မေးဖို့လိုပါလိမ့်မယ်။ သူလည်း သောက်ပြီးရင် သောင်းကျန်းဖို့ပဲသိတဲ့လူစားမျိုး မို့လို့ပါ။

Credit :Trend Myanmar



Share on Google Plus

About Myanmar Magazine