Breaking News

သင့်ကို ရှိရင်းစွဲထက် ပိုမိုရင့်သွားစေတဲ့ ဆံပင်အရောင် နဲ့သိထားသင့်တဲ့အချက်များ



ဆံပင်ကာလာအသစ်တွေ ခေတ်စားနေလို့၊ ဒါမှမဟုတ် ကိုယ့်ဆံပင်က ဆံပင်ဖြူတွေမပေါ်စေချင်လို့ အရောင်ဆိုးမယ်ဆိုရင် သင့်အနေနဲ့ ဘယ်ကာလာတွေက ကိုယ့်ရုပ်ကို ပိုရင့်သွားစေနိုင်သလဲဆိုတဲ့အချက်လေး သိထားရင် ပိုအဆင်ပြေပါလိမ့်မယ်။ အမျိုးသမီးအများစုဟာ ကိုယ်နဲ့လိုက်ဖက်လား၊ မလိုက်ဖက်လားမသိတဲ့ ကာလာတွေ ရွေးချယ်ဆိုးတတ်ကြပြီး ဒါကို အလှပြင်ဆိုင်တွေကလည်း အရောင်ကူရွေးပေးတာ၊ မလိုက်ဖက်တဲ့ကာလာတွေ ပြောပြတာမျိုး မရှိသလောက်ရှားပါတယ်။

၁။ အရောင်ကိုတစ်ညီတည်းဆိုးခြင်း
သာမာန်ဆံပင်တွေမှာ မတူညီကွဲပြားတဲ့ အရောင်တွေရှိနေပါတယ်။  ဖျော့တဲ့နေရာကဖျော့ပြီး၊ ပိုတောက်တဲ့နေရာက တောက်နေတာမျိုးပါ။ ဒီတော့ ကိုယ့်ဆံပင်ကို တစ်ရောင်တည်း ခပ်ရင့်ရင့် ဆိုးတော့မယ်ဆိုရင် သင့်ဆံပင်ကို ကြည့်ရတာ အဆင်ပြေမှာ မဟုတ်ပါဘူး။ ဒါ့ကြောင့် ဆံပင်ဆိုးတော့မယ်ဆိုရင် နည်းနည်းဖျော့သွားတဲ့အပိုင်းနဲ့ ရင့်သွားတဲ့အပိုင်း ဆိုပြီး ဆိုးနိုင်မှသာ လူတစ်ယောက်ရဲ့ဆံပင်ဟာ ကြည့်ကောင်းပြီး ဆွဲဆောင်မှုရှိနေပါလိမ့်မယ်။

၂။ မှောင်လွန်းတဲ့အရောင်ကို ရွေးချယ်ခြင်း
အရောင်ရင့်ရင့်တွေ၊ အမှောင်ဘက်သွားလွန်းတဲ့အရောင်တွေ ဆိုးမယ်ဆိုရင် သင့်မျက်နှာဟာ အိုမင်းရင့်ရော်သလို ဖြစ်သွားတတ်ပါတယ်။ ဒါကိုတော့ ဆံပင်ညှပ်ဆိုင်ကလူတွေ သတိပေးတတ်ကြပါတယ်။ ဒါ့အပြင် မကြာခင်မှာ သင့်ဆံပင်က ဆံပင်ဖြူထွက်လာမယ်ဆိုရင် အမဲရောင်၊ နီညိုအရင့်တွေကြားထဲ ဆံပင်ဖြူတွေက ထင်းထင်းလင်းလင်းရှိနေပါလိမ့်မယ်။

၃။ ဖျော့တော့လွန်းတဲ့အရောင်ကို ရွေးချယ်ခြင်း
အဖြူဘက်သမ်းတဲ့အရောင်၊ ခဲရောင်၊ စတဲ့အရောင်တွေကလည်း လူတိုင်းနဲ့မလိုက်ဖက်ပါဘူး။ အထူးသဖြင့် သူက အရောင်ပြန်ကျသွားတဲ့အချိန်ဆို တော်တော့်ကို ကြည့်ရဆိုးတာမို့ပါ။ ဘယ်လောက်လှတဲ့အရောင်ပဲ ဖြစ်ဖြစ် သူ့ဘာသာသူ လှနေနိုင်ပေမယ့် ကိုယ့်ခေါင်းပေါ်ရောက်ရင် လှပါ့မလားဆိုတာ တစ်ချက်စဉ်းစားကြည့်ဖို့ လိုပါတယ်။

၎။ ကိုယ့်ဆံပင်အရောင်ကို လုံးဝပြောင်းလဲလိုက်ခြင်း
ဆံပင်အရောင်ပြောင်းတယ်ဆိုတာ အရင်ပုံစံနဲ့ခုပုံစံ နှိုင်းယှဉ်တဲ့အခါ ပိုကြည့်ကောင်းသွားအောင် လုပ်တဲ့သဘော၊ ပုံစံအပြောင်းအလဲ လုပ်တဲ့သဘောပါ။ နီညိုရောင်ကြီးကနေ ရွှေရောင်ပြောင်းပစ်လိုက်ခြင်းအားဖြင့် သင်ဟာ တစ်လတစ်ခါ ဆံပင်ညှပ်ဆိုင်ကို ပုံမှန်သွားပြီး ထိန်းသိမ်းမှုတွေ လုပ်ဆောင်ရပါလိမ့်မယ်။ ဘာလို့လဲဆိုတော့ အရင်ရှိရင်းစွဲအရောင်ထက် အရမ်းနု၊ ရင့်တာကို ပြောင်းလဲလိုက်ခြင်းအားဖြင့် သင့်ဆံပင်တွေ ပျက်စီးတာမျိုးတွေ ဖြစ်နိုင်ပါတယ်။ ဒါ့အပြင် ဒီအချက်ကလည်း လူကို ပိုရင့်သလို ဖြစ်သွားစေတဲ့ အချက်ပါပဲ။

၅။ သင့်တော်တဲ့အလှကုန်တွေနဲ့ ဆံပင်ကို ပြန်လည်အားမဖြည့်ခြင်း
ဆံပင်ဆိုးပြီးပြီဆိုတာနဲ့ ခေါင်းလျှော်တဲ့အခါ ဆေးဆိုးဆံပင်တွေအတွက် သီးသန့်ထုတ်ထားတဲ့ အလှကုန်တွေကိုသာ ရွေးချယ်တာ ပိုကောင်းပါလိမ့်မယ်။ မဟုတ်ရင် အရောင်ပြောင်းတာ ထင်ထားတာထက် ပိုမိုမြန်ဆန်သလို ဆံပင်ပျက်စီးခြင်းအတွက်လည်း အာဟာရဓာတ်တွေ ပြန်လည်ဖြည့်တင်းပေးနိုင်မှာ မဟုတ်လို့ပါ။


Credit :Trend Myanmar