အမျိုးသမီးတွေရဲ့ ဘယ်လိုခန္ဓာကိုယ်အချိုးအစားက အမျိုးသားအတွက် ဆွဲဆောင်မှုအရှိဆုံးဖြစ်မလဲ



လူအမျိုးမျိုး စိတ်အထွေထွေလို့ ဆိုရမလို လူတစ်ဦးတစ်ယောက်က အခြားတစ်ယောက်ကို ကြည့်ရှုတဲ့အမြင်က မတူနိုင်ပါဘူး။ တစ်ချို့က မျက်ဝန်းနက်နက်တွေ သဘောကျကြတယ်၊ တစ်ချို့ကျတော့လည်း ခန္ဓာကိုယ်အချိုးအစား လှတဲ့သူကို သဘောကျကြသလို တစ်ချို့ကျတော့လည်း ပိန်ပိန်ပါးပါးအချိုးအစားမှ သဘောကျကြသူတွေ ရှိပါတယ်။ ဘယ်လိုပဲဖြစ်ဖြစ် Fitrated ဆိုက်ကနေ အမေရိကန်က အမျိုးသား နဲ့ အမျိုးသမီး ၂၀၁၇ယောက်ကို စစ်တမ်းကောက်ခဲ့ပြီး သူတို့သဘောကျတဲ့ ခန္ဓာကိုယ်အချိုးအစား၊ ဆက်စီကျတယ်လို့ထင်တဲ့ ခန္ဓာကိုယ်အစိတ်အပိုင်းတွေကို စာရင်းပြုစုခဲ့ပါတယ်။

ခန္ဓာကိုယ်အချိုးအစားအနေနဲ့ကတော့ ပုံမှန်အနေအထား၊ ဗလတောင့်တောင့်၊ ကောက်ကြောင်းရှိတဲ့ ခန္ဓာကိုယ် နဲ့ ပိန်ပိန်ပါးပါး စတာတွေကို ရွေးချယ်စေခဲ့ပါတယ်။ အမျိုးသမီးတွေကို စတင်မေးမြန်းကြည့်လိုက်တော့ အမျိုးသမီးတွေထဲက ၄၁.၇ရာခိုင်နှုန်းဟာ သိပ်မပိန်သိပ်မ၀တဲ့ ဘော်ဒီမျိုးရှိတဲ့ အမျိုးသားတွေကို သဘောကျတယ်လို့ ဆိုထားသလို  ၃၅.၈ရာခိုင်နှုန်းသော အမျိုးသမီးတွေကတော့ ဗလတောင့်တဲ့ အမျိုးသားတွေကို သဘောကျပါတယ်တဲ့။

လိင်တူစိတ်ဝင်စားတဲ့ အမျိုးသမီးတွေကို စစ်တမ်းကောက်ကြည့်တဲ့အခါမှာ သူတို့ထဲက ၃၅.၉ရာခိုင်နှုန်းသော အမျိုးသမီးတွေဟာ ပုံမှန်ခန္ဓာကိုယ်အချိုးအစားမျိုးရှိတဲ့ အမျိုးသမီးတွေကို စိတ်ဝင်စားကြပြီး ၃၀.၁ရာခိုင်နှုန်းသော လိင်တူချစ်သူ အမျိုးသမီးတွေကတော့ ခန္ဓာကိုယ်ကောက်ကြောင်းရှိတဲ့ အမျိုးသမီးတွေကိုသာ သဘောကျပါတယ်တဲ့။ ဒါ့အပြင် ၁၁.၂ရာခိုင်နှုန်းသော ကျန်ရှိတဲ့ လိင်တူချစ်သူ အမျိုးသမီးတွေက ဗလနည်းနည်းတောင့်တဲ့ အမျိုးသမီးကို စိတ်ဝင်စားတယ်လို့ စစ်တမ်းကောက်ချက်အရသိရပါတယ်။

အမျိုးသားတွေထဲမှာ ၄၈ရာခိုင်နှုန်းသော အမျိုးသားတွေဟာ ခန္ဓာကိုယ်ကောက်ကြောင်းလှလှ ပိုင်ဆိုင်တဲ့ အမျိုးသမီးတွေကို သဘောကျကြောင်း ဖွင့်ဟခဲ့ကြပြီး ၂၄.၁ရာခိုင်နှုန်းသော အမျိုးသားတွေကတော့ သာမာန်ခန္ဓာကိုယ်အချိုးအစားနဲ့ အမျိုးသမီးတွေကို စိတ်ဝင်စားတယ်လို့ဆိုသွားပါတယ်။ ဗလနည်းနည်းတောင့်တဲ့ အမျိုးသမီးတွေကို သဘောကျတဲ့ အမျိုးသားရာခိုင်နှုန်းကတော့ ၃.၈ရာခိုင်နှုန်းသာ ရှိပါတယ်။ လိင်တူချစ်သူ အမျိုးသားတွေရဲ့ အကြိုက်တွေကလည်း မတူကွဲပြားနေကြပါတယ်။ လိင်တူချစ်သူ အမျိုးသား ၃၆.၁ ရာခိုင်နှုန်းက ဗလတောင့်တဲ့ အမျိုးသားတွေကို သဘောကျစိတ်ဝင်စားနေချိန် ၂၆.၇ရာခိုင်နှုန်းကတော့ သာမာန်ခန္ဓာကိုယ်အချိုးအစားရှိတဲ့ အမျိုးသားတွေကိုသာ သဘောကျပါတယ်တဲ့။

ဒီတော့ အမျိုးသားတွေဟာ ခန္ဓာကိုယ်ကောက်ကြောင်းရှိတဲ့ အမျိုးသမီးတွေကို ပိုစိတ်ဝင်စားတယ်ဆိုတာ မငြင်းနိုင်ပါဘူး။ ဒုတိယနေရာကလိုက်နေတဲ့ အချိုးအစားကတော့ သာမာန်ခန္ဓာကိုယ်အချိုးအစားဖြစ်တာမို့ အဲ့ဒီလောက် အနေအထား ရှိနေရင်လည်း စိတ်ပူစရာတော့ မလိုပါဘူး။ တစ်ဖက်လူဘယ်အရာပဲ သဘောကျ စိတ်ဝင်စားပါစေ ကိုယ့်အနေနဲ့ ကိုယ့်ခန္ဓာကိုယ်ကို ချစ်မြတ်နိုးပြီး တန်ဖိုးထားစောင့်ရှောက်ဖို့ကတော့ အရေးကြီးဆုံးအချက်ပါပဲ။

Credit :Trend Myanmar


Share on Google Plus

About Myanmar Magazine