မြန်မာနိုင်ငံက လက်ခံရရှိလိုတဲ့ အကူအညီအမျိုးအစားတွေကို တင်ပြမယ်

play

ဖွံ့ဖြိုးမှုအကူအညီဆိုင်ရာ အမျိုးသားအဆင့် မူဝါဒတစ်ရပ် ရေးဆွဲမှာဖြစ်ပြီး မြန်မာနိုင်ငံက မည်သည့်အကူအညီ အမျိုးအစား လက်ခံရရှိလိုကြောင်း တင်ပြမှာဖြစ်တယ်လို့ နိုင်ငံတော်ရဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားပါတယ်။
ဖွံ့ဖြိုးမှုအကူအညီများ ညှိနှိုင်းရေးအဖွဲ့ (DACU) နဲ့ ပူးပေါင်းဆောင်ရွက်ရေး မိတ်ဖက်များအဖွဲ့ (CPG) တို့ရဲ့ ပထမဆုံးအကြိမ် အစည်းအဝေးကို မနေ့က နေပြည်တော်ရှိစီမံကိန်းနှင့်ဘဏ္ဍာရေးဝန်ကြီးဌာနရုံးမှာ ကျင်းပခဲ့ရာ ဖွံ့ဖြိုးမှုအကူအညီများ ညှိနှိုင်းရေးအဖွဲ့ ဥက္ကဋ္ဌလည်းဖြစ်သူ ဒေါ်အောင်ဆန်းစုကြည်က အဆိုပါအတိုင်းပြောကြားခဲ့တာ ဖြစ်ပါတယ်။
play

ယနေ့အချိန်မှာ အခြားဖွံ့ဖြိုးဆဲ နိုင်ငံအများအပြားဟာ ဖွံ့ဖြိုးမှု အကူအညီတွေကို ယုံကြည်မှုကင်းမဲ့တဲ့ သံသယနဲ့ ရှုမြင်နေကြပြီး မြန်မာနိုင်ငံမှာမူ အလားတူ အခြေအနေမျိုး ရှောင်ရှားနိုင်မယ်လို့ ယုံကြည်ကြောင်း ဒေါ်အောင်ဆန်းစုကြည်က ပြောကြားပါတယ်။
အကူအညီတွေအတွက် ဦးစားပေးလုပ်ငန်းသတ်မှတ်ရန်အတွက် အမျိုးသားဖွံ့ဖြိုးမှု ဦးစားပေးလုပ်ငန်းတွေကို ပထမအဆင့် သတ်မှတ်ဖို့လိုအပ်ပြီး လာမယ့်လတွေမှာ အစိုးရရဲ့ စီးပွားရေးမူဝါဒ ၁၂ ချက်အပေါ် အခြေခံပြီး ၀န်ကြီးဌာနတွေအတွင်း ညှိနှိုင်းဆောင်ရွက်ကာ အမျိုးသား ဖွံ့ဖြိုးတိုးတက်ရေးအတွက် ဦးစားပေးစီမံကိန်းတွေနဲ့ အစီအစဉ်တွေ သတ်မှတ်မှာ ဖြစ်ကြောင်းလည်း ဒေါ်အောင်ဆန်းစုကြည်က ပြောကြားပါတယ်။
Photos & Source: 7Day Daily  Credit :duwun


Share on Google Plus

About Myanmar Magazine Onilne