ဘောင်းဘီဆိုက်ဒ်တွေ တစ်ထည်နဲ့တစ်ထည်မတူပေမယ့် ကိုယ်နဲ့အားလုံးကွက်တိတော်နေမယ်ဆိုရင်



မကြာသေးခင်က အ၀တ်အစားတွေကို ထုတ်ရှင်းပြီး လှူစရာရှိတာတွေကိုလှူ ၊ ပေးစရာရှိတဲ့သူတွေကိုပေးမယ်လုပ်တော့ ကျွန်မတစ်ချက် သတိထားမိသွားတာက ကျွန်မရဲ့ဘောင်းဘီဆိုက်ဒ်တွေကိုပါ။ ဘောင်းဘီ ၈ထည်ရှိတယ် ဆိုရင် ခြောက်ထည်လောက်က ဆိုက်ဒ်တစ်မျိုးစီဖြစ်နေတာကို သတိထားမိသွားတယ်။

တကယ်တော့ ခုလိုဖြစ်နေတာ ကျွန်မတစ်ယောက်တည်းတော့ ဟုတ်မယ်မထင်ပါဘူး။ ပြီးခဲ့တဲ့သတင်းပတ်တုန်းကလည်း အသက် ၂၇နှစ်အရွယ် မိန်းကလေးတစ်ယောက်က လူမှုမီဒီယာမှာ သူဘောင်းဘီဝတ်ထားတဲ့ ပုံတွေမျိုးစုံရိုက်ပြီး ဘောင်းဘီအားလုံးတော်ပေမယ့် ဆိုက်ဒ်တွေက တစ်ထည်တစ်မျိုးစီဖြစ်နေတဲ့အကြောင်း ပို့စ်လေးတင်ထားတာ တွေ့လိုက်ရသေးပါတယ်။ သူပို့စ်မှာ ဆိုက်ဒ်နံပါတ် ၅ရှိတဲ့ဘောင်းဘီကလည်း သူနဲ့တော်နေသလို ဆိုက်ဒ်နံပါတ် ၁၂ရှိတဲ့ ဘောင်းဘီကလည်း သူနဲ့တော်နေပါသတဲ့။

ဒီပို့စ်ကိုသတိရပြီး ကျွန်မလည်း ဘောင်းဘီတွေတင်မဟုတ်တော့ပဲ အခြားစကတ်တွေ၊ ဂါဝန်တွေကို လိုက်ပြီးဆိုက်ဒ်တွေ ကြည့်မိသွားတဲ့အထိပါ။ အဲ့ဒီမှာလည်း ဆိုက်ဒ်ကအမျိုးမျိုးတွေ ဖြစ်နေပြန်တာပါပဲ။ အားလုံးကတော့ ကျွန်မနဲ့ကွက်တိကို တော်တာပါ။ ဒီတော့တစ်ချက်သတိထားရမှာက အွန်လိုင်းက အ၀တ်အစားတွေ မှာတဲ့အချိန်ပေါ့။ ဘယ်ဆိုက်ဒ်လို့ပြောမှာရမှန်းကို မသိတော့တာပါ။ ဒါဟာ အမျိုးသမီးတွေအတွက်တော့ နည်းနည်းဦးနှောက်ခြောက်စရာကောင်းပါတယ်။

ဒါပေမယ့် ကျွန်မတို့အမျိုးသမီးတွေအားလုံး သိထားရမှာက အ၀တ်အစားတွေထဲမှာ ထည့်သွင်းချုပ်လုပ်ထားတဲ့ ဆိုက်ဒ်ဆိုတာ တကယ်တော့ ဖက်ရှင်လောကအတွက် ဘက်လိုက်တဲ့အရာတစ်ခု၊ သမာသမတ်မဖြစ်တဲ့ အရာတစ်ခုပါပဲ။ အဲ့ဒါတွေက အတက်အကျအပြောင်းအလဲတွေလည်း များမှများပါပဲ။ ဒါ့ကြောင့် အမျိုးသမီးတွေအနေနဲ့ ခန္ဓာကိုယ်အချိုးအစားက ဘယ်လောက်တော့ရှိသင့်တယ်၊ ဘာဖြစ်သင့်တယ်ဆိုတဲ့ ဆိုရှယ်မီဒီယာအယုံသွင်းတာတွေကို မယုံကြည်ဖို့ အရေးကြီးပါတယ်။ ငါ့ဘောင်းဘီခါးဆိုက်ဒ်ကတော့ ဒီလောက်ဖြစ်နေပြီဆိုပြီး စိတ်ရှုပ်ခံနေရမယ့်အစား ကိုယ်ဝတ်တဲ့ဘောင်းဘီ ကိုယ်နဲ့တော်ပြီး လှနေမယ်ဆိုရင် ကျန်တာတွေက ဘာမှမရေးမကြီးဘူးဆိုတာပါပဲ။

Credit :Trend Myanmar



Share on Google Plus

About Myanmar Magazine