Breaking News

ဒီလို အပြုအမူတွေနဲ့ ယောက်ျားတစ်ယောက်ကို လမ်းခွဲလိုက်တာ ပိုကောင်း



စကားအပြန်အလှန်ပြောဆိုတိုင်း သင့်လက်တွဲဖော် တခြားကောင်မလေးတွေအကြောင်း ပြောဆိုနေတတ်သလား။ အမျိုးသမီးလုပ်ဖော်ကိုက်ဖက်တွေကို ချီးမွမ်းပြောဆိုနေပါသလား။ ဒါမှမဟုတ် သူ့  သူဌေးမကို အမြဲတမ်း ချီးမွမ်းနေလား။ အိမ်ထောင်ပြင်ပမှာ အပျော်မက်တဲ့ အမျိုးသားတချို့ အဲဒီလိုလုပ်ဆောင်ကြကြောင်း များစွာသော စစ်တမ်းတွေက ဖော်ပြထားပါတယ်။ အငတ်မပြေသေးတဲ့ ယောက်ျားတစ်ဦးဟာ ဟိုကြည့် ဒီကြည့်လုပ်နေတတ်ကြပါတယ်။

ဒီလိုယောက်ျားတစ်ဦးနဲ့ နေရတာ ဘယ်လိုမိန်းကလေးအတွက်ဖြစ်ဖြစ် ပြသနာဖြစ်စေပါလိမ့်မယ်။ သင့်လက်တွဲဖော် အမှားတစ်ခုတည်းကို ထပ်ခါထပ်ခါ ကျူးလွန်ပါက ဒီအချက်ကလေးတွေအတိုင်း လုပ်ဆောင်ပြီး  ပြန်စဉ်းစားသင့်ပါတယ်။ မဟုတ်ရင်တော့ လမ်းခွဲလိုက်တာ ပိုကောင်းပါတယ်။

သတိပေးပါ

ပထမအဆင့်အနေနဲ့ သူ့ကို သတိပေးနိုင်တယ်။ သူ့လက်တွဲဖော်တစ်ယောက်အနေနဲ့ အဲဒီလို အပြုအမူတွေ သည်းမခံနိုင်ကြောင်း ပွင့်လင်းစွာ ပြောပြပါ။

အချိန်ပေးပါ

ပြုပြင်ပြောင်းလဲဖို့ အချိန်အတိုင်းအတာတစ်ခု ပေးပါ။ နောက် စကားအပြန်အလှန်ပြောဆိုဆွေးနွေးတဲ့အခါ သင့်ရှေ့မှာ တခြားမိန်းကလေးတွေအကြောင်းပြောဆိုမှု ရပ်တန့်ဖို့ မျှော်လင့်ကြောင်း ပြောပြပါ။

ရွေးချယ်ခွင့်ပေးပါ

နောက်ပြီး သူ့ကို ရွေးချယ်စရာပေးပါ။ တကယ်လို့ သင်ဟာ သူ့အတွက် ကျေနပ်လောက်စရာမရှိဘူးလို့ ယူဆတယ်ဆိုရင် သူ့ကို ရွေးချယ်ခွင့်ပေးလိုက်ပါ။ သင်တို့ချစ်ရေးချစ်ရာကလွဲပြီး အခြားကိစ္စတွေကိုသာ အာရုံစိုက်နေတဲ့ ဒီလိုလူမျိုးနဲ့အတူ သင် ဘဝမှာ ပျော်ရွှင်စွာ နေထိုင်နိုင်မှာ မဟုတ်ပါဘူး။

အကဲခတ်လေ့လာပါ

သူနဲ့ အပြင်ထွက်တဲ့အခါ သူ့အပြုအမူကို လေ့လာစောင့်ကြည့်ပါ။ သူ တခြားကောင်မလေးတွေကို ကြည့်နေသလား။ အဲဒီလို အပြုအမူတွေနဲ့ သင့်ကို စိတ်ထိခိုက်အောင် လုပ်မြဲလုပ်နေမယ်ဆိုရင် ဒီလိုယောက်ျားမျိုးကို သင့်ဘ၀ထဲထားစရာအကြောင်း မရှိတော့ပါဘူး။

သူပြောင်းလဲသလား

သူ နောင်တရတာမျိုး ပြပါသလား။ Sorry ပြောလား။ သူ့ဘက်က ပြောင်းလဲဖို့ ရိုးသားတဲ့ အပြုအမူတွေ တွေ့မတွေ့ ကြည့်ပါ။ နောင်တတရားမရှိ၊ အသနား မဲ့တဲ့ ယောက်ျားတစ်ယောက်က ဘယ်တော့မှ ပြောင်းလဲမှာ မဟုတ်ပါဘူး။

Credit :Trend Myanmar