အမျိုးသမီးတွေ သူတို့ချစ်သူအမျိုးသားတွေကို ထိန်းချုပ်ထားတတ်တဲ့ ပုံစံ (၄) မျိုး



အမျိုးသမီးတွေဟာ သူတို့ရဲ့ချစ်သူအမျိုးသားတွေကို ထိန်းချုပ်ထားတဲ့ပုံစံတွေ ရှိကြပါတယ်။ ခုပြောပြမယ့် ပုံစံ (၄) မျိုးဟာ ထိန်းချုပ်ခံထားရတဲ့ အမျိုးသားတွေကိုယ်တိုင် သတိမထားမိတတ်ကြသလို အမျိုးသမီးတွေကလည်း ဒီလိုနည်းနဲ့ထိန်းချုပ်မယ်ဆိုပြီး ကြိုတင်စီစဉ်ထားတာမျိုး မရှိတတ်ကြပါဘူး။ ဒီပုံစံ (၄) မျိုးနဲ့ ထိန်းချုပ်နိုင်တယ်ဆိုတာမျိုး သိတဲ့သူနည်းပါတယ်။ ဘာလို့လဲဆိုတော့ ခုပြောပြမယ့် နည်းလမ်းတွေဟာ တစ်နည်းအားဖြင့် အမျိုးသမီးတွေမှာရှိတဲ့ စွမ်းရည်လို့ ဆိုရမှာဖြစ်တာကြောင့်ပါ။

၁။ အမျိုးသားတွေကို ကလေးတွေလို ပြုမူပြောဆိုဆက်ဆံတာမျိုး
အမျိုးသားတွေဟာ တစ်ခါတစ်လေ ကလေးလို ပြုမူတတ်တယ်ဆိုတာ အမှန်ပါပဲ။ ဒါကလည်း ဘယ်သူကမှ သူတို့ကို ဒီလိုပြုမူဖို့ ပြောဆိုတွန်းအားပေးထားတာမျိုး မဟုတ်ပဲ၊ သူတို့မသိစိတ်ကကို ခုလို ပြုမူတတ်အောင် တွန်းအားပေးသလိုမျိုးပါ။ အဲ့ဒီအချက်ပေါ်လိုက်ပြီး အမျိုးသမီးတစ်ယောက်က သူတို့ချစ်တဲ့ အမျိုးသားကို ကလေးတစ်ယောက်လို ဂရုစိုက်ပေးတာ၊ ပြောဆိုပြုမူတာမျိုးတွေ ရှိလာတဲ့အခါ အမျိုးသားတွေက သာယာလာပါတယ်။ သဘောကျလာပါတယ်။ တစ်ခါတစ်လေမှာလည်း အမျိုးသမီးတွေက အမျိုးသားတွေကို ဒါလေးလုပ်ပေးဖို့၊ ဟိုဟာလေး လုပ်ပေးဖို့ ပြောဆိုလာတဲ့အခါ အမျိုးသားတွေကိုယ်တိုင် လိုက်လိုက်လျောလျော လုပ်ဆောင်ပေးချင်တတ်ကြပါတယ်။

၂။ အမျိုးသမီးတွေ ဘာမှမပြောတော့ပဲ တိတ်ဆိတ်သွားတာမျိုး
အမျိုးသမီးတွေဟာ ဒီအတတ်ပညာမှာတော့ တကယ့်ကို ဆရာကျပါတယ်။ အမျိုးသားတွေ စိတ်ရှုပ်လာတဲ့အခါ၊ ကိုယ့်ကို တစ်ခုခု ပြောချင်လာပြီဆိုရင် ပါးစပ်ကဖွင့်ပြောတတ်ကြပါတယ်။ တစ်ခါတစ်လေ ဒေါသဖြစ်လာ ရင် အော်ငေါက်ချင် အော်ငေါက်ပါလိမ့်မယ်။ သူတို့ဘာဖြစ်ချင်တယ်ဆိုတာ ဖွင့်ဟတတ်ပါတယ်။ အမျိုးသမီးတွေကတော့ ဒါနဲ့ဆန့်ကျင်ဘက်ပါပဲ။ သူတို့က ပိုသိသာစေချင်ရင် ပိုတိတ်ဆိတ်ပြတတ်ကြပါတယ်။ အရင်ကလောက်တောင် စကားမပြောတော့ပဲ သီးသန့်ပိုဆန်သွားပါတယ်။ အဲ့ဒီလိုဖြစ်သွားရင် တစ်ဖက်က အမျိုးသားဟာ ငါဘာလုပ်ခဲ့မိလို့လဲဆိုတဲ့ အတွေးတွေ ဖြစ်သွားကြပါရော။ အဲ့ဒီလို တိတ်ဆိတ်လိုက်ခြင်းဟာ အမျိုးသားတွေကို နေမထိထိုင်မသာဖြစ်စေပြီး ပြသနာကို အမြန်အဆုံးသတ်ချင်သွားတတ်ပါတယ်။

၃။ အမျိုးသမီးတွေဟာ သူတို့ချစ်သူတွေကို မြှောက်ပင့်ပြောဆိုတတ်တာမျိုး
လူတစ်ယောက်ကို အခြားလူတစ်ယောက်က ချီးမွမ်းပြောဆိုမယ်ဆို သဘောမကျတဲ့သူရှားပါတယ်။ ဒီတော့ ကိုယ့်ချစ်သူသာ ကိုယ့်ကို ချီးမွမ်းမယ်၊ မြှောက်ပြောမယ်ဆိုရင် အဲ့ဒီလူအတွက် ဘယ်လောက်စိတ်ချမ်းသာစရာကောင်းသလဲ စဉ်းစားကြည့်ပါ။ အမျိုးသမီးတွေဟာ အမျိုးသားတွေထက် သာလွန်တဲ့အချက်တွေ လုပ်ဆောင်နိုင်ပါတယ်။ အထူးသဖြင့် သူအလုပ် လုပ်တာ တော်တယ်လို့ ခံစားမိရင် အလုပ်လုပ်တာ ဘယ်လောက်တော်တယ်၊ ကျွမ်းကျင်တယ်ဆိုတာကို နှုတ်က ထုတ်ဖော်ချီးမွမ်းပါတယ်။ ဒီအချက်က အမျိုးသားတွေကို ထိန်းချုပ်ပစ်လိုက်တဲ့ အချက်တစ်ချက်ပါပဲ။သူဝတ်တာစားတာ ကြည့်ကောင်းနေရင် ဘယ်လောက်ချောတဲ့အကြောင်း သူ့ကိုချီးမွမ်းမှာ ဖြစ်သလို သူကိုယ့်အတွက် စေတနာပါပါလုပ်ဆောင်ပေးတဲ့အရာတွေအတွက်လည်း ကျေးဇူးတင် စကားပြောပါလိမ့်မယ်။

၎။ ကိုယ့်ချစ်သူကို အခြားအမျိုးသားတွေနဲ့ နှိုင်းယှဉ်ပြောတာမျိုး
မိဘတွေက ကိုယ့်သားသမီးကို အခြားကလေးတွေနဲ့ နှိုင်းယှဉ်ပြောဆိုတာမျိုး ကြားဖူးပါလိမ့်မယ်။ ဒီအချက်ကို ချစ်သူရည်းစား စုံတွဲတွေမှာလည်း ဆက်လက်သုံးစွဲနေတုန်းပါ။ ဒီတော့ ကိုယ့်ချစ်သူကောင်လေးကို တိုက်ရိုက်ကြီး တခြားတစ်ယောက်နဲ့ နှိုင်းယှဉ်တာကို နှိုင်းယှဉ်မှန်းမသိသာအောင် ပြောဆိုဖို့တော့ လိုပါတယ်။ စကားပြောဆိုရင်း ဘယ်သူကတော့ GYM ကို ၅ရက်စလုံးသွားဆော့တာ၊ ဘယ်သူကတော့ဖြင့် သူ့အလုပ်မှာ ရာထူးတက်သွားတာ စသဖြင့် ပြောဆိုလိုက်ရင် တစ်ဖက်လူက ငါရောဆိုတဲ့ အတွေးမျိုး ၀င်သွားပါလိမ့်မယ်။ သတိထားရမှာကတော့ တိုက်ရိုက်ကြီး ရှင်ကတော့ ဘယ်လို၊ သူကတော့ဘယ်လိုဆိုတာမျိုး ယှဉ်ပြီးမပြောပဲ မသိမသာ ပြောဆိုဖို့ပါ။

Credit :Trend Myanmar


Share on Google Plus

About Myanmar Magazine