Breaking News

အနမ်း ဖလှယ်ခြင်းရဲ့ ကောင်းကျိုး (၅) ခု

play

ချစ်ရတဲ့သူကို နမ်းဖူးပါသလား။ ကိုယ့်ချစ်သူနဲ့ အနမ်းဖလှယ်တာဟာ သိပ်ကိုကောင်းတဲ့ ကိစ္စပါပဲ။ ကျန်းမာရေးနဲ့လည်း ညီညွတ်တာမို့ ချစ်ရင် များများသာနမ်းဖို့ အကြံပေးပါရစေ။
၁။ ခုခံအား မြင့်တက်စေ
မယုံမရှိပါနဲ့။ အနမ်းပေးခြင်းကြောင့် အမျိုးသမီးတွေမှာ ခုခံအား မြင့်တက်လာပါတယ်။ အထူးသဖြင့် ကိုယ်ဝန်ဆောင်ကာလမှာ ခံစားရတဲ့ ဝေဒနာတွေနဲ့ မီးဖွားချိန် နာကျင်မှုတွေကိုလည်း သက်သာစေပါတယ်။
၂။ ကြင်ဖော်ကောင်းကို သိစေနိုင်
ကိုယ်နဲ့ လိုက်လျောညီထွေ ဖြစ်၊ မဖြစ်ဆိုတာ နမ်းကြည့်ရင် သိနိုင်ပါတယ်။ ချစ်ရေးချစ်ရာ ကျွမ်းကျင်သူတွေရဲ့ အဆိုအရ အနမ်းကောင်းတဲ့လူဟာ အိမ်ထောင်ဖက်ကောင်း ဖြစ်လာနိုင်သတဲ့။
၃။ ကယ်လိုရီတွေ လောင်ကျွမ်းစေ
များများစားပြီး ဝိတ်တက်မှာကြောက်ရင် များများသာ နမ်းပစ်လိုက်ပါ။ တစ်မိနစ်နမ်းတိုင်း ကယ်လိုရီ ၂ မှ ၆ အထိ လောင်ကျွမ်းပေးနိုင်ပါတယ်။
၎။ မျက်နှာအသားအရေ ကောင်းမွန်စေ
နမ်းဖို့အတွက် မျက်နှာပြင်က ကြွက်သား အခု ၃၀ လောက် လှုပ်ရှားရပါတယ်။ များများနမ်းတဲ့လူရဲ့ မျက်နှာပြင် ကြွက်သားတွေ သန်မာလာစေလို့ တင်းရင်းလှပတဲ့ မျက်နှာလေးကို ပိုင်ဆိုင်နိုင်မှာပါ။
၅။ စိတ်ဖိစီးမှု လျော့ကျစေ
သိပ္ပံပညာရှင်တွေရဲ့ ထုတ်ပြန်ချက်အရ နမ်းခြင်းကြောင့် အောက်ဆီတိုစင်ပမာဏတွေ မြင့်တက်လာစေတယ်လို့ သိရပါတယ်။ ဒါ့အပြင် ကိုယ်ခန္ဓာထဲကနေ ကောင်းတဲ့ ဓာတုပစ္စည်းတွေ ထွက်လာနိုင်ပြီး စိတ်ဖိစီးမှုတွေ လျော့ကျစေပါတယ်။

Source & Photo : RD Credit :duwun