၁ မိနစ်အတွင်း အိပ်ပျော်စေမယ့် နည်းလမ်း



Andrew Weil လို့အမည်ရတဲ့ ဆရာဝန်တစ်ဦးမှာ အိပ်မပျော်ညတွေအတွက် မှန်ကန်တဲ့ဖြေရှင်းနည်းတစ်ခု ရှိပါတယ်။ သိရတာက ၁ မိနစ်အတွင်း အိပ်မောကျသွားအောင် သူ အကူအညီပေးနိုင်ပါသတဲ့။ ဒေါက်တာ ဝီးလ်ကို စေ့ဆော်မှုရစေတာက ယောဂကျင့်စဉ်နဲ့ အသက်ရှူလေ့ကျင့်ခန်းပဲ ဖြစ်ပါတယ်။ ၄-၇-၈ အသက်ရှူလေ့ကျင့်ခန်းကို သူ ဖော်ထုတ်နိုင်ခဲ့ပါတယ်။ ဒီလေ့ကျင့်ခန်းဟာ အလွန်ရိုးစင်းပြီး ဘယ်နေရာမှာဖြစ်ဖြစ် လုပ်ဆောင်နိုင်ကြောင်း၊ ဘာပစ္စည်းကိရိယာမှလည်းမလို အချိန်လည်း ဘယ်လောက်မှ မကုန်ကြောင်း ဒေါက်တာဝီးလ်က ဆိုပါတယ်။

လုပ်ဆောင်ရမယ့် နည်းလမ်းတွေကတော့

၁။ ပါးစပ်ကနေတဆင့် အသက် လုံးဝရှူထုတ်ပါ။

၂။ ပါးစပ်စေ့လျက် နှာခေါင်းကနေတဆင့် စိတ်မှတ်ဖြင့် နံပါတ်စဉ် ၄ ခုအထိ အသက်ဖြည်းဖြည်းချင်း ရှူသွင်းပါ။

၃။ ပြီးနောက် နံပါတ်စဉ် ၇ ခုအထိ အသက်အောင့်ထားရပါမယ်။

၎။ ပါးစပ်ကနေ နံပါတ်စဉ် ၈ ခုအထိ အသက်ပြန်ရှူထုတ်ပါ။

၅။ ဒါ တစ်ခေါက်စာ ဖြစ်ပါတယ်။ အဲဒီနည်းလမ်းအတိုင်း နောက်ထပ် ၃ ကြိမ်၊ စုစုပေါင်း ၄ ကြိမ်လုပ်ပေးရပါမယ်။

ဒီအသက်ရှူလေ့ကျင့်ခန်က နှလုံးသွေးခုန်နှုန်း လျှော့ကျစေပြီး စိတ်ငြိမ်သက်စေပါလိမ့်မယ်။ အချိုးမှန်ကန်အောင်နဲ့ အသက်ရှူထုတ်/ရှူသွင်းလုပ်တိုင်း အာရုံစိုက်ရပါမယ်။ အရမ်းလွယ်ကူမယ့် ပုံတော့ရှိပါတယ်။ ဒါပေမယ့် ဘာမှမပြောဆိုခင် အရင်လုပ်သာကြည့်လိုက်ပါ။

Credit :Trend Myanmar



Share on Google Plus

About Myanmar Magazine