ကလေးငယ်တစ်ဦးရဲ့ ပထမဦးဆုံးစကားကို ခန့်မှန်းနိုင်မယ့်နည်းလမ်း



သင့်ရဲ့ ၁၀ လသားအရွယ် ကလေးငယ်လေးရဲ့ ပထမဆုံး စပြောမယ့်စကားက ဘာဖြစ်မလဲဆိုတာ မိဘတွေအနေနဲ့ သိချင်စိတ်တွေများနေတတ်ပါသလား။ ကလေးငယ်တွေက အမေ သို့မဟုတ် အဖေဆိုတာကို စပြီးခေါ်တတ်ကြသလို ကလေးနဲ့အနေနီးပြီး အကျွမ်းဝင်တဲ့ အရာလေးတွေကိုလည်း စပြီးပြောတတ်ကြပါတယ်။ ဘယ်လိုစကားလုံးမျိုးကို စပြောမလဲဆိုတာကို လူကြီးတွေအနေနဲ့ ထိန်းချုပ်လို့မရနိုင်ဘူးလို့ ယုံကြည်နေကြပါတယ်။

အင်ဒီယားနား တက္ကသိုလ်ရဲ့လေ့လာတွေ့ရှိမှုအသစ်တစ်ခုအရ ကလေးရဲ့ ပထမဆုံးစကားလုံးက ကလေးရဲ့ ထပ်ကာထပ်ကာ မြင်တွေ့နေတဲ့အရာရယ်၊ ကြားနေရတဲ့အရာရယ်နဲ့ ဆက်စပ်နေကြောင်း သက်သေပြနိုင် ခဲ့ပါတယ်။
လေ့လာပုံကတော့ မွေးစကလေးငယ်တစ်ယောက်ရဲ့ ဘာသာစကားဖွံ့ဖြိုးမှုကို လေ့လာဖို့အတွက်ဖြစ်ပါတယ်။ အမြင်ဆိုင်ရာ မှတ်ဥာဏ်က ကလေးငယ်တွေအတွက် အရာဝတ္ထုတွေနဲ့ စကားလုံးတွေကို အဓိက ဆက်စပ်ပေးတယ်လို့ ဆိုပါတယ်။ အဓိပ္ပါယ်က ကလေးငယ်တစ်ဦးက အရာဝတ္ထုတစ်ခု( ပုလင်းတစ်လုံး ဆိုပါစို့)ကို ထပ်တလဲလဲမြင်ရတဲ့အခါမှာ အဲ့ဒီအရာဝတ္ထုကို မှတ်မိလာပြီး နောက်ဆုံးအဲ့ဒီအရာဝတ္ထုနဲ့ဆိုင်တဲ့ စကားလုံးကို ဆက်စပ်မိဖို့ ကြိုးစားလာတတ်ကြတယ်လို့ ဆိုလိုပါတယ်။

ဒီအကြောင်းကို ဆန်းစစ်ဖို့အတွက် သုတေသီတွေက ကလေးငယ်ရဲ့ခေါင်းမှာ ကင်မရာငယ်လေးတွေကို ကြိုးနဲ့တပ်ပေးထားပြီး သူတို့ရဲ့ မြင်ကွင်းထဲမှာရှိနေတဲ့ ကမ္ဘာကိုကြည့်ခဲ့ကြပါတယ်။ လက်တွေ့မှာ ကလေးတွေ မြင်ရတဲ့မြင်ကွင်းက လူကြီးတွေမြင်ရတဲ့ မြင်ကွင်းထက် အများကြီးနည်းတာကိုတွေ့ရပါတယ်။ ဒါကြောင့် သူတို့ရဲ့ အမြင်အာရုံထဲမှာ အမြဲမြင်နေရတဲ့ လူတွေနဲ့ အရာဝတ္ထုတွေကိုသာ မှတ်မိပြီး အမည်ခေါ်ခြင်း ဖြစ်ပါတယ်။

ဒါကြောင့် ကိုယ့်ကလေးငယ်က ဖေဖေလို့ ပထမဆုံးခေါ်ခံချင်တဲ့ယောက်ျားတွေကို ကလေးကို မကြာခဏ ထိန်းပေးဖို့မိခင်တွေက ပြောပြရမယ့် အချိန်ဖြစ်ပါတယ်။

Credit :Trend Myanmar




Share on Google Plus

About Myanmar Magazine