ကိုယ့်ချစ်သူနဲ့ ပေါ်တင်တွဲလို့ ပရိသတ်အားမပေးတော့တာမျိုး မရှိပါဘူးလို့ ဆိုလိုက်တဲ့ နန်းသူဇာ



၁၅ ရက်နေ့မှာ ရန်ကုန်ကထွက်ခွာမဲ့ Let’s Go To China အစီအစဉ်မှာ ပါမြဲတိုင်းပါနေကျကတော့ နန်းသူဇာပဲဖြစ်ပါတယ်။ နန်းသူဇာဟာ ခရီးသွားရတာကိုကြိုက်နှစ်သက်သလို ဓာတ်ပုံရိုက်ရတာကိုလဲ အလွန်ဝါသနာပါတယ်လို့ပြောပါတယ်။ ဒါ့အပြင် ကြော်ငြာအချို့နဲ့အမ်တီဗီတွေမှာလဲ သရုပ်ဆောင်ပေးဖြစ်နေသလို Let’s Go အစီအစဉ်တိုင်းမှာလဲ မပါမဖြစ်ပါနေတဲ့ နန်းသူဇာရဲ့ အနုပညာအကြောင်းနဲ့တရုတ်ပြည်ကို သွားရောက်ရိုက်ကူးရမဲ့အပေါ် စိတ်လှုပ်ရှားမှုများကိုသွားရောက်မေးမြန်းဖြစ်တဲ့အခါ

-အရင်ဆုံး Let’s Go To China သွားမဲ့အစီအစဉ်လေးကို အရင်ပြောပြပေးပါဦး။

 ညီမတို့၁၅ရက်နေ့ဒီက ထွက်ပါမယ်။ ၂၃ရက်နေ့ပြန်ရောက်ပါမယ်။ ဒီတစ်ခေါက် နန်းမြတ်တော့မပါတော့ဘူး။ ဘာလို့လဲဆိုတော့ ရုပ်ရှင်ကားကြီးနဲ့တိုက်နေလို့ပါ။ နန်းသူဇာရယ်၊ ကျော်ထွဋ်ဆွေရယ်၊ bobby Soxer ရယ် ၊ လွှမ်းပိုင်ရယ်၊ ဘန်နီရယ်ပါ။ ရိုက်မှာက ကိုဝင်းလွင်ထက်ပါ။

-အဲ့ဒီခရီးစဉ်အတွက်ရော ဘာတွေပြင်ဆင်ထားပြီးပြီလဲ။

အခုမှလုပ်နေတုန်းပါ။ သွားခါနီးမှလောလောလောလောလုပ်တတ်တာက အကျင့်ဖြစ်နေတယ်။ ဒီဇင်ဘာဆိုတော့ အရမ်းအေးပြီ။ အ၀တ်အစားကိုတော့ ထူတာလေးတွေထည့်သွားဖြစ်ပါမယ်။

-အခုခရီးစဉ်ကရော Let’s Go နဲ့သွားတာ ဘယ်နှခေါက်မြောက်ဖြစ်မလဲ။

လက်တွဲလာတာတော့ လေးနှစ်လောက်ရှိပြီ။ အခုတစ်ခေါက်ဆို ခုနှစ်ကြိမ်မြောက်ပါ။

-မြန်မာပြည်တွင်းရော၊ ပြည်ပရောသွားရောက်လည်ပတ်ခွင့်ရတဲ့အပေါ် စိတ်ခံစားချက်ကိုလဲပြောပြပေးပါဦး။

Let’s Go နဲ့သွားခဲ့တာက များပြီ။ သူငယ်ချင်းတွေကြီးပဲဆိုတော့ပျော်ဖို့လဲကောင်းတယ်။ အကုန်လုံးတက်ညီလက်ညီနဲ့ကိုယ်မရောက်ဖူးတဲ့နေရာတွေမှာ ဓာတ်ပုံတွေရိုက် ၊ အသက်အရွယ်ကလဲ အားလုံးကရွယ်တူပဲဆိုတော့ စိတ်တူကိုယ်တူရှိကြပါတယ်။ အဓိကကတော့ Stress တော့ များတယ်။ ဘာလို့လဲဆိုတော့ Episode တွေပြန်လွှင့်မှာဆိုတော့ လွဲချော်သွားမှာအမှားပါသွားမှာကိုတော့ စိုးရိမ်ပါတယ်။

-ဧည့်သည်အနေနဲ့ရောဘယ်သူတွေပါဦးမလဲ။

ခင်ဝင့်ဝါရယ်၊ ၀ိုင်းလေးရယ်၊ အလင်းရောင်ရယ် သုံးယောက်ထပ်ပါမယ်ထင်ပါတယ်။

-Let’s Go ပရိုဂရမ်တွေကိုလဲ ပရိသတ်တော်တော်များများက အားပေးကြည့်ရှုကြတော့ ဒီပရိုဂရမ်ရဲ့အောင်မြင်မှုအပေါ် ပါဝင်သူတစ်ယောက်အနေနဲ့ဘယ်လိုပီတိဖြစ်မိလဲ။

နန်းသူဇာတို့စရိုက်တုန်းကတော့ ခရီးတွေသွားရတော့ပျော်တာပေါ့။ အဲ့ဒီကနေမှ တစ်စထက်တစ်စသွားရတဲ့နိုင်ငံတွေလဲ များလာတယ်။ လူလဲပိုကြည့်လာတယ်။ အောင်လဲအောင်မြင်လာတယ်။ လူငယ်တွေကြည့်ပြီး သဘောကျကြတယ်။ ဝေဖန်ပြီး ဘယ်လိုလေးရိုက်ပေးပါဘာညာပြောကြတော့ နန်းသူဇာတို့အနေနဲ့လဲဒီ့ထက်မက ပရိုဂရမ်တွေကိုအကောင်းဆုံးကြိုးစားရိုက်ပြသွားဖို့ပဲရှိပါတယ်။

-အရှေ့မှာလုပ်ခဲ့တဲ့ 808 ပွဲကိုလဲသွားအားပေးတာတွေ့ရတယ်နော်။

ဟုတ်ပါတယ်။ ပထမတစ်ရက်ပဲသွားတာပါ။ အတွေ့အကြုံကတော့ တစ်ခါမှမသွားဖူးလို့သွားကြည့်တာပေါ့။ ပျော်ပါတယ်။ စစရောက်ရောက်ချင်းတုန်းကပြန်ချင်တယ်။ နောက်တော့မှတဖြည်းဖြည်းနဲ့သီချင်းလဲနားထောင်ရင်းသူငယ်ချင်းတွေလဲရောက်လာတော့ပျော်သွားတာပေါ့။

-ပွဲပြီးတဲ့အချိန်မှာလဲ အဲ့ဒီပွဲနဲ့ပတ်သက်တဲ့ဝေဖန်မှုတွေထွက်လာတယ်ဆိုတော့ အဲ့ဒီအပေါ်မှာရော ဘယ်လိုမြင်မိလဲ။

နန်းသူဇာသိပ်တော့မသိဘူး။ အ၀တ်အစားဝတ်တာနဲ့ပတ်သက်တာကြားတယ်။ ဒါကတော့အသစ်ဆိုတော့လေ ဒီနိုင်ငံမှာတော့ နည်းနည်းစိမ်းမှာပေါ့။ နန်းသူဇာတောင်ရောက်ရောက်ချင်း ပျင်းတယ်။ သိပ်အကြိုက်ကြီးတော့မဟုတ်ပေမဲ့ပျော်ပါတယ်။ ပါဝင်လို့လဲရတယ်။ နောက်ပိုင်းတော့သူ့နေရာနဲ့သူအဆင်ပြေသွားပါလိမ့်မယ်။ အခုလုပ်တဲ့နေရာကရပ်ကွက်နဲ့လဲနီးတော့ လူကြီးတွေအတွက် မကောင်းဘူးပြောတယ်။ ဒီလို Festival တွေဆိုတာက မြန်မာနိုင်ငံမှာအခုမှခေတ်စားတာဆိုတော့လေ သူများနိုင်ငံတွေမှာကခေတ်စားတာကြာခဲ့ပြီဆိုတော့ အပန်းဖြေတဲ့နေရာတစ်ခုအနေနဲ့ သူတို့ဆီမှာတော့ သူတို့ရဲ့ culture တစ်ခုလိုဖြစ်နေပါပြီ။ ဒီဖက်ကိုရောက်တာကသိပ်မကြာသေးတော့ တစ်မျိုးဖြစ်နေတာပေါ့နော်။

-ဂီတနဲ့ပတ်သက်ပြီးတော့ရောဘာတွေလုပ်ဖြစ်သေးလဲ။

New Year နဲ့ခရစ်စမတ်မှာတော့ ပွဲလက်မခံထားရသေးဘူး။ ဒါပေမဲ့သူငယ်ချင်းတွေနဲ့ပဲရှိဖြစ်မှာပါ။ ပြီးတော့အတွဲခွေမှာ ဆိုထားတဲ့သီချင်းတွေကိုအမ်တီဗီဘယ်လိုရိုက်ရင်ကောင်းမလဲဆိုပြီး စဉ်းစားနေတယ်။ နောက်တစ်ကိုယ်တော်အခွေကတော့ လုပ်တော့လုပ်နေတယ်။ ပြီးခဲ့တဲ့အခေါက်ကလဲ ခြောက်လလောက်နဲ့ထွက်သွားတယ်ဆိုတော့လေ။ အခုလဲစိတ်ပါရင်စိတ်ပါသလို ထထလုပ်နေတော့ ဘယ်လိုလာမလဲမသိသေးပါဘူး။

-အရှေ့မှာကျရောက်ခဲ့တဲ့မွေးနေ့မှာကျော်ထွဋ်ဆွေပေးတဲ့မွေးနေ့လက်ဆောင်လေးနဲ့ပတ်သက်ပြီး ပရိသတ်တော်တော်များများလဲသဘောကျတာတွေ့ရတယ်။

ဟုတ်။ လက်ဆောင်ရတော့ပျော်တာပေါ့။ ပြီးတော့အဲ့ဒီနေ့ကပရိသတ်တွေနဲ့လဲတွေ့ဖြစ်တယ်။ ပရိသတ်တွေဆီကလဲ လက်ဆောင်ရတယ်။ ပုံမှန်ပါပဲ။ ပွဲအကြီးအကျယ်တော့မလုပ်ဖြစ်ဘူး။ စိတ်ကူးထဲမှာစဉ်းစားတာကအများကြီးပါ။ ဖြစ်ချင်ခဲ့တာကနန်းသူဇာ ထမင်းထုပ်တွေတင်ပြီး မရှိတဲ့သူတွေကို လိုက်ဝေချင်တယ်။ အဲ့ဒါကလုပ်ချင်နေတာအရမ်းကြာပြီ။ ဒါပေမဲ့မလုပ်ဖြစ်လိုက်ဘူး။ ပိုက်ဆံတွေလိုက်ပေးချင်တယ်။ အဲ့ဒီနေ့ကတော့ ပိုက်ဆံတွေ လိုက်လှူဖြစ်တယ်။

-အခုလက်ရှိနှစ်ယောက်ကြားက Relationship လေးကိုရော ဘယ်လိုပုံစံနဲ့သွားနေလဲ။

အဓိကကသံယောဇဉ်ပေါ့။ သူငယ်ချင်းပေါင်းပေါင်းတာကြောင့်လဲ ပါမယ်ထင်တယ်။ နှစ်ယောက်ကမာနပြိုင်တာတွေဘာတွေ သိပ်မရှိဘူး။ စိတ်ကောက်လဲချော့လိုက်တာပဲ။ နားလည်မှုဆိုတာထက်သံယောဇဉ်ပေါ့။

-ချစ်သူသက်တမ်းကရောဘယ်လောက်ရှိသွားပြီလဲ။

ခြောက်နှစ်ပြည့်ပါတော့မယ်။

-အနုပညာအလုပ်လုပ်နေတဲ့သူတွေ လူသိရှင်ကြားတွဲရင် ပရိသတ်အားပေးမှုသိပ်မရဘူး လို့ပြောကြတော့ နန်းသူဇာကရော အဲ့ဒီအပေါ်ဘယ်လိုအမြင်ရှိလဲ။

ပေါ်တင်တွဲလို့ပရိသတ်အားမပေးဘူးဆိုတဲ့ စိတ်မရှိပါဘူး။ ဘာလို့လဲဆိုတော့ ကိုယ်ကိုတိုင်တကယ်ကြိုက်တဲ့အနုပညာရှင်တွေလဲရှိတယ်။ နိုင်ငံခြားမှာလဲအများကြီးပေါ့။ အနုပညာကိုအားပေးတာပါ။ personal life ကိုအားပေးတာမဟုတ်ပါဘူး။ အဲ့ဒီလိုပဲခံယူထားပါတယ်။

-ဘယ်တော့မင်္ဂလာသတင်းကြားရမှာလဲလို့လဲပရိသတ်တွေကမျှော်လင့်နေကြတယ်။

အဲ့ဒါကတော့လိုပါသေးတယ်။ မှန်းထားတာမျိုးလဲ မရှိပါဘူး။ အချိန်တန်ရင်တော့ဖြစ်လာမှာပေါ့။

-ဒီနှစ်ထဲမှာလဲတော်တော်များများက မင်္ဂလာတွေဆောင်ကုန်ကြတော့အားမကျဘူးလား။

အားကတော့ကျတာပေါ့။ မိန်းကလေးတိုင်းအားကျတာက မင်္ဂလာဆောင်တာပေါ့။ ၀တ်စုံလှလှလေးဝတ်ပြီး ဓာတ်ပုံလေးရိုက်ပေါ့။ အဲ့ဒါမျိုးကိုတော့အားကျပါတယ်။

-အခုဆို Let’s Go ပရိုဂရမ်သွားတဲ့အခါမှာလဲသူနဲ့အတူတူသွားရတယ်ဆိုတော့ဘယ်လိုခံစားရလဲ။

Let’s Go သွားတိုင်းတော့သူနဲ့အလုပ် stress ကြောင့် အမြဲစကားများတယ်။ အဲ့ဒါလေးကတော့ အမှတ်တရပါပဲ။

-ဒီတစ်နှစ်လုံးစာအတွက် ကိုယ်လုပ်ခဲ့တာတွေနဲ့ပတ်သက်ပြီး အကောင်းနဲ့အဆိုးဘယ်ဟာပိုများတယ်ထင်လဲ။

အဆိုးကတော့ နန်းသူဇာအမေနေမကောင်းဖြစ်သွားတယ်။ အဲ့ဒီတုန်းကတော့တော်တော်ကြီးကိုခံစားခဲ့ရတယ်။ အမေနေမကောင်းတာကြာသွားတယ်ပေါ့။ အခုတော့ဖြေးဖြေးချင်းပြန်ကောင်းသွားပါပြီ။

-အန်တီကဘာဖြစ်တာများလဲ။

သားအိမ်ခေါင်းကင်ဆာပါ။ အခုကတော့ဘုရားကယ်တယ်ပဲပြောရမှာပေါ့။ မားမားကဘုရားတရားလဲလုပ်တယ်။ အဖေကလဲတရား အရမ်းလုပ်တယ်။ ကံအရမ်းကောင်းသွားတယ်ပေါ့။ အဲ့ဒီတုန်းကဆို အရမ်းစိတ်ပင်ပန်းတယ်။ ပြီးတော့ရုတ်တရက်ကြီး သိလိုက်ရတာဆိုတော့ တော်တော်လဲအံ့သြသွားတယ်။ အစကရိုးရိုးအကျိတ်ပဲထင်တာ စစ်ကြည့်မှအဲ့ဒီလိုဖြစ်တာမှန်းသိတာပါ။ အခုတော့ကောင်းနေပါပြီ။

-ပရိသတ်ကိုရောနှစ်သစ်ကူးစကားလက်ဆောင်အနေနဲ့ဘာများပြောချင်သေးလဲ။

နန်းသူဇာအားပေးတဲ့ ပရိသတ်တွေရှိနေသရွေ့ ရပ်တည်နေမှာပါ။ နောက်ပြီးတော့ နှစ်သစ်မှာလဲ ကံကောင်းကြပါစေလို့ပြောချင်ပါတယ်။

Credit :Trend Myanmar



Share on Google Plus

About Myanmar Magazine