Breaking News

မေထုန်ရာသီဖွားဇာတ်ကားထဲက ဇာတ်ရုပ်နဲ့ပတ်သက်ပြီး နောင်တရတယ်ဆိုတာမရှိပဲ ဂုဏ်တောင်ယူမိတဲ့အကြောင်း ပြောပြလာတဲ့ ဥက္ကာမင်းမောင်



မကြာသေးခင်ကမှ ထွက်ရှိတဲ့ 18 ဆိုတဲ့ အယ်လ်ဘမ်လေးဟာ ပရိသတ်တော်တော်များများ အားပေးခြင်းခံရသလို ရောင်းအားကောင်းတယ်လို့ပြောပြလာသူကတော့ ဥက္ကာမင်းမောင်ပါ။ ဥက္ကာမင်းမောင် ပါဝင်ရိုက်ကူးထားတဲ့ မေထုန်ရာသီဖွားဇာတ်ကားဟာဆိုရင်လည်း ဂေးဇာတ်လမ်းဖြစ်နေတာကြောင့် မရိုက်ခင်ကတည်းက ပရိသတ်ပါးစပ်ဖျားမှာ ရေပန်းစားခဲ့ပါတယ်။ ဒီဇာတ်ကားဟာလည်း ဒီဇင်ဘာ ၉ရက်နေ့မှ စတင်ကာ ရုံတင်ပြသတော့မှာဖြစ်ပါတယ်။ အဆိုပါဇာတ်ကားကြီးနဲ့ပတ်သက်ပြီးတော့ စိတ်လှုပ်ရှားနေသလို ပရိသတ်ရဲ့ဝေဖန်မှုတွေကို စောင့်မျှော်နေတယ်လို့ပြောလာတဲ့ ဥက္ကာမင်းမောင်က လက်ရှိမှာလဲ ဖိလစ်ပိုင်နိုင်ငံမှာကျင်းပမဲ့ Mister Tourism World 2016 ပြိုင်ပွဲကိုသွားရောက်ယှဉ်ပြိုင်နေတာကြောင့် သူနဲ့တွေ့ဆုံခိုက်မှာမေးမြန်းဖြစ်သမျှကတော့

-မြန်မာနိုင်ငံကိုယ်စားပြုအနေနဲ့ ဖိလစ်ပိုင်မှာလုပ်မဲ့ Mister Tourism World 2016 ပြိုင်ပွဲ ကိုသွားပြိုင်ရမယ်လို့သိရတယ်။ အဲ့ဒါလေးကိုလဲပြောပြပေးပါဦး။

ပြိုင်ပွဲအတွက်တော့ ကျွန်တော် ဒီဇင်ဘာ၃ ရက်နေ့ကနေဒီဇင်ဘာလ ၁၀ရက်နေ့ထိ ဖိလစ်ပိုင်မှာရှိနေမှာပါ။ မြန်မာနိုင်ငံကို ၁၃မှပြန်ရောက်ပါမယ်။

-၀တ်စုံတွေအနေနဲ့ဘယ်ဒီဇိုင်နာတွေစီစဉ်ပေးလဲ။

မြန်မာဝတ်စုံက ကိုပြည်စိုးအောင်၊ National Cosume နဲ့ မြန်မာမင်းသားအကကျတော့ကိုမျိုးမင်းစိုး၊ ပြီးတော့ suit တွေကကျတော့ ကောင်းမြတ်၊ ပြီးတော့ တိုင်းရင်းသားဝတ်စုံတစ်စုံက ကိုစိုင်းလတ်ပါ။

-သွားပြိုင်ရတော့မှာဆိုတော စိတ်လှုပ်ရှားမှုလေးကိုလဲပြောပြပေးပါဦး။

စိတ်ကတော့လှုပ်ရှားပါတယ်။ ဆုရသည်ဖြစ်စေ၊ မရသည်ဖြစ်စေ အတွေ့အကြုံသည် အမြတ်လို့ပဲ ခံယူပါတယ်။ ကြိုးစားပါမယ်။ ကြိုးလဲကြိုးစားနေပါတယ်။ ဒါဟာကိုယ့်အတွက်တင်မဟုတ်ပဲ အားလုံးအတွက်နိုင်ငံဂုဏ်ဆောင်ခွင့်လဲရမယ်။ ဒီလိုအခွင့်အရေးမျိုးနောက်တစ်ခါမလာဘူး။ ကျွန်တော့်အသက်လဲ မငယ်တော့ဘူးလေ။ ပြီးတော့ ဆုတစ်ခုသာရခဲ့မယ်ဆိုရင်နောက်တက်လာမဲ့ ကလေးတွေအတွက်လဲအတွေ့အကြုံတွေ ပြန်ဝေမျှနိုင်မယ်။ မကောင်းတာတော့မရှိပါဘူး။ ဆုမရဘူးဆိုလဲ ကျွန်တော်သည်ကျွန်တော်ပါပဲ။ လုပ်ရိုးလုပ်စဉ်အတိုင်း ဆက်လုပ်သွားမှာပါပဲ။ ဒီပွဲလေးကိုဝင်ပြိုင်ရခြင်းကတော့ ကျွန်တော်သွားနေတဲ့ အနုပညာလမ်းကြောင်းပေါ်မှာဘေးကနေ မထင်မှတ်ပဲဝင်လာတဲ့အခွင့်အရေးတစ်ခုပေါ့။ အဲ့ဒီအပေါ်မှာလဲ ကျွန်တော်ကောင်းကောင်းအသုံးချပြီးတော့ကိုယ့်ကိုအားပေးနေတဲ့ပရိသတ်တွေအားပေးရကျိုးနပ်အောင်သူတို့ဂုဏ်ယူရတဲ့သားတစ်ယောက်ဖြစ်အောင်ကျွန်တော်ကြိုးစားသွားမယ်။

-အင်တာနေရှင်နယ်ကိုသွားပြိုင်ရမဲ့ပြိုင်ပွဲတွေထဲမှာဒီပွဲကပထမဆုံးလို့ပြောလို့ရလား။

ဟုတ်ပါတယ်။ ကျွန်တော့အတွက်ဒီပွဲက ပထမဆုံးပါ။ ပြည်တွင်းမှာတော့ လွန်ခဲ့တဲ့ ရှစ်နှစ်၊ ကိုးနှစ်ကမြန်မာနိုင်ငံမှာမော်လ်ဒယ်လုပ်တဲ့အချိန်မှာ ပြည်တွင်းပွဲ၂ပွဲပြိုင်ဖူးတယ်။ ဒါပေမဲ့ဆုတော့မရဖူးဘူး။ ဒီပွဲကအင်တာနေရှင်နယ်ကိုသွားရောက်ယှဉ်ပြိုင်ရမဲ့ ပထမဆုံးပွဲပါ။

-ပြင်ဆင်မှုအနေဲ့ဘာတွေလုပ်ထားသေးလဲ။

အဓိကက ဘော်ဒီကစားတယ်။ ဒါပေမဲ့ဒီကြားထဲမှာ အဖေဆုံးသွားတာလဲပါတယ်။ စိတ်ထိခိုက်တာနဲ့မဆော့ဖြစ်ဘူး။ စားချင်တာစားပြီး လူကပြန်ဝသွားတာ သေချာဆော့နေရင်းနဲ့လူကတော်တော်ကြီးကို fit ဖြစ်နေပြီးမှ တစ်လခွဲလောက် ရပ်လိုက်တာ ပြန်တက်သွားတယ်။ ဒါပေမဲ့ခုနောက်ပိုင်းပြန်ဆော့ဖြစ်တယ်။ ပထမကတော့ အပွဆော့တယ်။ ခုနောက်ပိုင်းကတော့ အကျစ်ပြန်ဆော့တယ်။ Gym သေချာဆော့တယ်။ စာသေချာဖတ်တယ်။ Tourism World ဖြစ်တဲ့အတွက် Tourism နဲ့ပတ်သက်တဲ့ အကြောင်းအရာတွေ ဖတ်တယ်။ ပြီးတော့သူက ပြပွဲလည်း ပါတယ်။ မြန်မာနိုင်ငံရဲ့ ဒေသထွက်ကုန်၊ ဖက်ရှင်၊ Culture အကုန်ပေါ့။ ရှင်းပြရမဲ့အတွက်စာတွေလေ့လာနေတယ်။ ခက်တော့ခက်တယ်။ လွယ်တော့မလွယ်ဘူးပေါ့။ ကျန်တာကတော့ မြန်မာရုပ်သေးအကနဲ့ Talent ပိုင်းကို ယှဉ်ပြိုင်မှာပေါ့။ ရုပ်သေးကလဲ ကကျင့်မရှိဘူး။ အရင်က ကမ္ဘာပေါ်မှာဒီပြိုင်ပွဲက မရှိခဲ့ဘူး။ အခုမှစလုပ်တာဆိုတော့ ကိုယ်လဲကိုယ့်မြန်မာနိုင်ငံကယဉ်ကျေးမှုလေးကို ထုတ်ပြချင်တဲ့အတွက် ရုပ်သေးကမယ်လို့စဉ်းစားထားတယ်။ တစ်ပွဲထိုး ဆိုပေမဲ့ပီပြင်အောင်ကြိုးစားပါ့မယ်။

-မေထုန်ရာသီဖွားကားကလဲ ရုံတင်တော့မယ်ဆိုတော့ ပါဝင်သူတစ်ယောက်အနေနဲ့စိတ်ခံစားချက်လေးကိုလဲသိချင်ပါတယ်။

အားရပါတယ်။ ကိုညိုတို့လဲသေချာသင်ပေးတယ်။ ကျေနပ်ပါတယ်။ ဒီဇင်ဘာ ၉ရက်နေ့တစ်နိုင်ငံလုံး စတင်မယ်။ ရုံသုံးဆယ်ပေါ့။ ဘယ်ရုံတွေလဲတော့မသိသေးပါဘူး။

-ရုံ သုံးဆယ်မှာ သမ္မတမပါဘူးလို့လဲကြားနေရတယ်အစ်ကို။

အဲ့ဒါကတော့ ကျွန်တော်လဲအတိအကျမသိပါဘူး။ ဒီဇင်ဘာ ၉ရက်နေ့ကစပြီး မြန်မာတစ်နိုင်ငံလုံးကိုတင်မယ်။ အားလုံးပေါင်းရုံသုံးဆယ်တင်မယ်ပေါ့။ ဘယ်ရုံတွေလဲဆိုတာကတော့ ထုတ်လုပ်ရေးဖက်က ပိုသိပါလိမ့်မယ်။

-အဲ့ဒီကားနဲ့ပတ်သက်ပြီး မရိုက်ခင်ကတည်းကလဲဝေဖန်မှုတွေရှိခဲ့တယ်ဆိုတော့ အခုရုံတင်တော့မယ်ဆိုတဲ့အခါမှာ ရော ဘယ်လိုအမြင်ရှိလဲ။

ကျွန်တော်ကတော့ ဒီဇာတ်ကားရိုက်ကူးမှုနဲ့ပတ်သက်ပြီးဝေဖန်တာကတော့ ခံရတယ်။ ကျွန်တော်ကား မရိုက်တာရှစ်နှစ်၊ အဲ့ဒီနောက်ပိုင်းမှပြန်ရိုက်တဲ့ကားက ဒီလိုပွဲဆူတဲ့ကားဖြစ်သွားတယ်ဆိုတော့ တခြားဖက်ကကြည့်ရင်ကောင်းတာပေါ့နော်။ ရိုးရိုးဇာတ်ကားထက်စာရင် ဒီလိုမျိုးကားကျတော့ လူပိုသတိထားမိတာပေါ့။ ကျွန်တော်ကိုယ်တိုင်ကိုက အကောင်းရော၊ အဆိုးရောပြောခံနေရတဲ့ကားမျိုးကို ရိုက်ရတာကြိုက်တယ်။ ကျွန်တော်သွားတဲ့လမ်းကြောင်းကအဲ့ဒီလိုပေါ့။ အဲ့ဒီတော့ ဒီဇာတ်ရုပ်ပေါ်မှာဒီကားရိုက်ရလို့နောင်တရတယ်ဆိုတာမရှိဘူး။ ပိုတောင်ဂုဏ်ယူပါသေးတယ်။ ကျွန်တော့်ပရိသတ်တွေထဲမှာ ဂေးတွေ၊ Lesbian တွေ အများကြီးပဲ။ ကျွန်တော့်သူငယ်ချင်းတွေမှာလဲ အများကြီး၊ ကျွန်တော့်ကိုမြေတောင်မြှောက်ပေးတဲ့သူဆိုရင်လဲ Lesbian တစ်ယောက်ဆိုတော့ ဘာပဲဖြစ်ဖြစ် သူတို့ကိုကိုယ်စားပြုပြီး ကျွန်တော်သရုပ်ဆောင်ခွင့်ရတဲ့အတွက် ၀မ်းသာတယ်။ မရိုက်ရဲစရာအကြောင်းလဲမရှိဘူး။ နောက်ထပ်ဇာတ်လမ်းကောင်းမယ်ဆိုရင် ဒီလိုကာရိုက်တာမျိုးကို ထပ်ရိုက်ဦးမှာပဲ။ လုပ်ကွက်ရှိမယ်။ ဇာတ်လမ်းကောင်းမယ်ဆိုရင်ရိုက်ပါမယ်။

-အဲ့ဒီကားကို အမေရိကားမှာဘယ်နှစ်ပတ်လောက်သွားပြခဲ့လဲ။

ဟုတ်ပါတယ်။ သွားပြပြီးပါပြီ။ ဟိုမှာကျတော့ မြန်မာကားကပထမဆုံးဆိုတော့ မထင်မှတ်ထားတဲ့ အားပေးမှုလဲရပါတယ်။ ဗမာအပြင် တခြားနိုင်ငံခြားသားတွေလဲ လာကြည့်ကြတယ်။ ဒါပေမဲ့နိုင်ငံကြီးကအကြီးကြီးလေ။ နယူးယေ့ာခ်ဆိုတာ မြန်မာနိုင်ငံရဲ့ဆယ်ဆလောက်ကြီးတယ်ဆိုတော့ မသိလိုက်တဲ့ မြန်မာတွေလဲ အများကြီးလေ။ အဲ့ဒီမှာတင်ပြီးသွားပြီဆိုတာကို မတင်ရသေးဘူးဆိုပြီး အသေခံငြင်းနေတဲသူတွေလဲရှိတယ်။ တကယ့်တကယ်က တင်ပြီးသွားပါပြီ။ တစ်နေ့ကိုလေးပွဲပြပြီး တစ်ပတ်တင်ခဲ့ပါတယ်။

-ရုံတင်တော့မယ်ဆိုတဲ့အခါမှာ ပရိသတ်တွေကကြည့်ပြီးဝေဖန်တော့မယ်ဆိုတော့ ဒီအပေါ်မှာရော ဘယ်လိုပြင်ဆင်ထားလဲ။

ကောင်းစေချင်လို့ဝေဖန်တာမျိုးကို လိုလားစွာနဲ့ကိုနားထောင်မှာပါ။ ဒါကိုလက်ခံမှလဲတိုးတက်မှာလေ။ ဖင်ပိတ်ပြီးဇွတ်ငြင်းမှာတော့ မဟုတ်ပါဘူး။ ဒါပေမဲ့ ဂေးတွေကိုမုန်းလို့အသလွတ်ကြီး မုန်းတီးရေးဝေဖန်နေရင်တော့ကျွန်တော်ဘာမှပြောမှာမဟုတ်ဘူး။ ကျွန်တော်တို့သည် သရုပ်ဆောင်ဖြစ်တဲ့အတွက်ဆေးစက်ကျရာမှာ အရုပ်ထင်ရတာပါ။ ဝေဖန်ကြပါ။ ပြောလေပေါက်လေးလို့ပဲ သဘောထားပါတယ်။

-18 အခွေအခြေအနေကရော ဘယ်လိုရှိလဲ။

ကောင်းပါတယ်ခင်ဗျ။ အားပေးတဲ့အသံလဲကြားရတယ်။ အခွေကိုလဲတော်တော်များများဝယ်ကြတယ်။ ပေးဆပ်မယ်။ ပြန်ရုပ်သိမ်းမယ်။ နောက်ဇာတ်သိမ်းလဲကြိုက်ကြတယ်။ မင်းရဲ့ကျွန်၊ ကွဲ၊ Let 's Dance ၊ ရူးသွပ်ခွင့်ပေးပါရယ် အဲ့ဒီသီချင်းတွေကိုလဲအားပေးကြတယ်။

-18 အခွေအမ်တီဗီကိုရော ဘယ်တော့လောက်စရိုက်ဖြစ်မလဲ။

အမ်တီဗီကကြာဦးမယ်။ အမ်တီဗီမှာတစ်ပုဒ်ဆို ဆိုသလောက် ကျွန်တော်သေချာလေးလုပ်မယ်။ အမ်တီဗီမှာအသစ်တွေ အများကြီးသုံးမယ်။ ဘာဖြစ်လို့လဲဆိုတော့ ဟိုးအရင်တုန်းကတည်းက ကျွန်တော်စ၀င်ကာစတုန်းကပေါ့။ အသစ်မို့လို့မရိုက်ချင်ဘူးဆိုတာမျိုးကိုခဏခဏကြုံခဲ့ဖူးတယ်။ အခုတစ်ခေါက်ပြန်ဝင်တော့လဲကြုံဖူးတယ်။ အဲ့ဒါကိုကိုယ်ချင်းစာလို့ပါ။ အသစ်တွေထဲမှာလဲ အောင်မြင်ချင်တဲ့သူ၊ ထိုးဖောက်ချင်တဲ့သူအများကြီးပဲလေ။ လူပဲအောင်မြင်ချင်တာပေါ့။ ကျွန်တော့်ရဲ့အမ်တီဗီမှာသရုပ်ဆောင်အသစ်တွေအများကြီးသုံးမယ်။ ကျွန်တော်မြေတောင်မြှောက်ပေးမယ်။ ပရိသတ်တွေနဲ့လဲအမှတ်တရရိုက်ဖို့ရှိတယ်။ စတိုရီလိုင်းလေးတွေလဲရိုက်ဖို့ရှိတယ်။

-ရန်ကုန်ပြန်ရောက်နေတာရော ဘယ်လောက်ရှိသွားပြီလဲ။

တစ်လခွဲလောက်ရှိပါပြီ။ သွားလိုက်၊ ပြန်လိုက်လုပ်နေတာ သုံးခေါက်ရှိပြီ။ ဒီဇင်ဘာလကုန်ရင် ရက်နှစ်ဆယ်လောက်ဖြစ်ဖြစ်၊ တစ်လလောက်ဖြစ်ဖြစ်ခဏပြန်မယ်။ ဇန်န၀ါရီလကုန်ပြန်ရောက်မယ်။ ပြန်ရောက်ပြီးရင် တော့ ခြောက်လလောက်နေမယ်။

-အစ်ကို့အခွေနဲ့ပတ်သက်ပြီးအားပေးနေတဲ့ပရိသတ်တွေကိုရော၊ ဖိလစ်ပင်းမှာသွားပြိုင်မဲ့ပွဲအတွက်ရောဘာတွေပြောပြချင်သေးလဲ။

အခွေကိုသေချာလေးကြိုးစားထားပါတယ်။ အားပေးကြပါ။ နားထောင်ကြည့်ကြပါ။ ဝေဖန်ကြပါလို့ပြောချင်ပါတယ်။ အားပေးတာအားမပေးတာကတော့ကျွန်တော့ကံပါ။ ဒါပေမဲ့ကျွန်တော်ကတော့ စာမေးပွဲဖြေထားတယ်ပေါ့။ အခုသွားပြိုင်မဲ့ Mister Tourism World ပြိုင်ပွဲကိုလဲ ဆုရသည်ဖြစ်စေ၊ မရသည်ဖြစ်စေဝေဖန်ပေးပါ။ Vote လုပ်ပေးပါလို့ပြောချင်ပါတယ်။

Credit :Trend Myanmar