ကိုယ့်ကိုယ်ကို တန်ဖိုးထားတဲ့စိတ် လွန်ကဲတဲ့သူတွေဟာ တစ်ကိုယ်တည်းသမားတွေဖြစ်သွားတတ်



သင်ဟာ အမြဲတမ်း တစ်ကိုယ်တည်းဘ၀နဲ့ အချိန်တွေကုန်ဆုံးနေရတယ်ဆိုရင် သင်တွေးထင်မိမှာက သင်နဲ့သင့်တော်တဲ့သူ၊ လိုက်ဖက်တဲ့ ဖူးစာရှင်မပေါ်လာသေးလို့ပဲဆိုပြီးတော့ပေါ့။ ဒါပေမယ့် သင့်ရှေ့မှာပဲ သင်နဲ့တကယ့်ကိုလိုက်ဖက်တဲ့ လူတွေ၊ သင့်အတွက် မှန်ကန်သင့်တော်တဲ့လူတွေ ရှိနေလည်း သင်ဟာ သင့်ကိုယ်သင်ပဲ အာရုံစိုက်နေမယ်၊ သင့်ကိုယ်သင်ပဲ အကောင်းထင်နေမယ် ဆိုရင်တော့ အဲ့ဒီလို သင့်တော်တဲ့လူတွေနဲ့လွဲနေဦးမှာပါပဲ။ ဒါဟာ သိပ္ပံပညာရှင်တွေ ဖော်ပြလိုက်တဲ့ အချက်တစ်ခုပါ။

Generation Me ဆိုတဲ့ စာအုပ်ကို ရေးသားခဲ့တဲ့ PhD ဘွဲ့ရ Jean Twenge ဆိုသူက ဘာပြောထားသလဲဆိုတော့ ယနေ့ခေတ်လူငယ်တွေဟာ ကိုယ့်ကိုကိုယ် ယုံကြည်မှုတွေတိုးလာကြတယ်၊ ကိုယ့်ကိုကိုယ် ပိုတန်ဖိုးထားတတ်လာကြတယ်၊ သူများအတွက် ထည့်တွေးတာမျိုး၊ သူများကို အာရုံစိုက်ရတာမျိုးတွေ အရင်တုန်းကလောက် မလုပ်တော့ဘူး။ အဆိုးဆုံးကတော့ ကိုယ်လုပ်တာမှ အကောင်းလို့ မြင်လာတဲ့သူတွေ ပိုများလာတာပါပဲတဲ့။

ကိုယ့်ကိုကိုယ် တန်ဖိုးထားတယ်ဆိုတဲ့စကားဟာ တကယ်တော့ ဘယ်လောက်ကောင်းသလဲလို့သာ တွေးမိပါလိမ့်မယ်။ ဒါပေမယ့် သေချာထဲထဲဝင်ဝင် စဉ်းစားရင်တော့ ထင်သလောက် သဘောကျစရာ မကောင်းပါဘူး။ အပေါ်မှာပြောထားသလို ကိုယ့်အတွက်ပဲ ကိုယ်တွေးပြီး ကိုယ်မှအကောင်းလို့ ထင်မြင်လာစေတဲ့အရာပါပဲ။ အဲ့ဒီမှာပဲ ဘာတွေဖြစ်လာသလဲဆိုတော့ ကိုယ်ပျော်ဖို့၊ ကိုယ်အဆင်ပြေဖို့သာ ကြည့်လာပြီး ချစ်သူရည်းစားမရှိလည်း ကိုယ့်ဘာသာကိုယ် အဆင်ပြေအောင် နေမယ် ဆိုတဲ့အတွေးမျိုးတွေ ဖြစ်လာပါတယ်။ ချစ်သူရည်းစားထားမယ်ဆိုရင်တောင် တစ်ဖက်လူကို ထည့်မတွေးပေးတတ်သလို၊ သူဘာတွေ ဖြစ်နေလဲ၊ အဆင်ပြေရဲ့လား၊ သူလိုအပ်နေတာဘာလဲ ဆိုတာမျိုးတွေကို ဖြည့်မတွေးပေးတတ်တော့ပါဘူး။ ဒီအရာကပဲ နောက်ဆုံးလမ်းခွဲခြင်းနဲ့ အဆုံးသတ်စေတာပါပဲ။

ကိုယ့်အားကိုယ်ကိုးပြီး ကိုယ့်ဘ၀ကိုယ်ကျောင်းတာ ကောင်းပါတယ်။ ဒါပေမယ့် ငါစွဲများနေရင်တော့ အချစ်ရေးမှာ အဆင်ပြေဖို့ အခွင့်အရေးနည်းပါလိမ့်မယ်။ နှစ်ဦးသားညှိုနှိုင်းပြီး ယုံကြည်မှု၊ နားလည်မှုတွေနဲ့ လျှောက်ရမယ့် ချစ်ခရီးလမ်းမှာ ဘာမဟုတ်တဲ့ အသေးအဖွဲကစလို့ ကိုယ့်ကို ဒီလိုပြောသွားတာ၊ လုပ်သွားတာ ကိုယ့်မာနကို ထိခိုက်အောင် လုပ်တာပဲ ဆိုတာမျိး၊ ဒါ ကိုယ့်အမှားမဟုတ်လို့ ညှိုနှိုင်းမနေနိုင်ဘူး ဆိုတာမျိုး၊ မကျေနပ်လည်းနေ ကိုယ့်ဘာသာကိုယ် အေးဆေးနေနိုင်တယ် ဆိုတဲ့ အခြေအနေတွေဟာ အဲ့ဒီလို ကိုယ့်ကိုကိုယ် တန်ဖိုးထားလွန်းအားကြီးတဲ့ လူတွေရဲ့ အချစ်ရေးမှာ အများဆုံးကြုံတွေ့ရတဲ့ ပြသနာတွေပါ။

ဒါ့ကြောင့် ချစ်သူရည်းစားမရှိသူ အများဆုံးဟာ ကိုယ့်ကိုကိုယ် တန်ဖိုးထားတတ်လွန်းသူတွေဖြစ်နေတတ်ကြပြီး တစ်ချို့ချစ်သူရသွားတဲ့သူတွေကလည်း ဒီလို လွန်ကဲတဲ့ စိတ်အခြေအနေကြောင့် ချစ်သူမမြဲတတ်ကြတာပဲ ဖြစ်ပါတယ်။

Credit :Trend Myanmar




Share on Google Plus

About Myanmar Magazine

This is a short description in the author block about the author. You edit it by entering text in the "Biographical Info" field in the user admin panel.