ဈေးနှုန်းလဲသင့်တင့်သလို ဆိုင်ထဲဝင်လိုက်တာနဲ့ Doraemon ကမ္ဘာတစ်ခုကို ရောက်ရှိသွားသလို ခံစားရစေမဲ့ ST Café



ဒီအပတ် စနေ၊ တနင်္ဂနွေမှာ ဘယ်သွားရမလဲဆိုပြီး ဝေခွဲမရဖြစ်နေတဲ့ စာဖတ်ပရိသတ်တွေအတွက် ချစ်စရာကောင်းတဲ့ဆိုင်လေးတစ်ဆိုင်နဲ့မိတ်ဆက်ပေးချင်ပါတယ်။ အဆိုပါဆိုင်လေးဟာ ၈ မိုင် Yangon ဟိုတယ်ရဲ့အနောက် ရွှေတောင်ဟိုတယ်ထဲမှာ တည်ရှိပါတယ်။ ဆိုင်ထဲကို ၀င်လိုက်တာနဲ့ Doraemon ကမ္ဘာလေးထဲရောက်သွားသလို အပြာရောင်လွှမ်းခြုံထားတဲ့ ချစ်စရာ ကောင်းတဲ့အသွင်အပြင်တွေကို ခံစားရမှာပါ။ Doraemon အရုပ်တွေနဲ့ဓာတ်ပုံရိုက်ဖို့နေရာလေးလဲ စီစဉ်ထားသလို Doraemon ၀တ်စုံကြီး ၀တ်ထားတဲ့ အရုပ်ကြီးနဲ့လဲအလှဓာတ်ပုံတွေ တွဲရိုက်နိုင်အောင် စီစဉ်ထားပါတယ်။ ဒါ့အပြင် ဈေးနှုန်းလေးတွေကလဲ သင့်တင့်လျှောက်ပတ်တဲ့အတွက် အားလပ်ရက်မှာဘယ်သွားရမလဲ စဉ်းစားရခက်နေတဲ့ လူငယ်တွေရော၊ ကလေးတွေရော၊ ချစ်သူစုံတွဲတွေရော ချစ်စရာကောင်းတဲ့ ST Café လေးအကြောင်း ဖတ်ကြည့်လိုက်ဦးနော်။
-ST Café ကိုစဖွင့်ဖြစ်ပုံ အကြောင်းလေးကို အရင်ပြောပြပေးပါဦး။
ကျွန်တော်တို့သူဌေးက ဒီ Doraemon အရုပ်လေးတွေကို အရမ်းသဘောကျတယ်။ ဟိုးငယ်ငယ်လေးကတည်းက ဒီအရုပ်နဲ့ပတ်သက်တဲ့ အသုံးအဆောင်တွေတော်တော်များများရှိတယ်။ သူကနေဆိုင်ဖွင့်မယ်ပေါ့။ အဲ့ဒါနဲ့သူအရမ်းကြိုက်တဲ့ ဒီအရုပ်လေးကိုရွေးပြီး ကျွန်တော်ကနေ ဒီအရုပ်လေးနဲ့ပတ်သက်တဲ့ပစ္စည်းတွေကိုရှာတယ်။ သူနဲ့ပတ်သက်တဲ့ဟာတွေ ၀ယ်တယ်။ တစ်ဆိုင်လုံးကိုလဲ ကာလာကအစ ဒီအရုပ်နဲ့ပတ်သက်တာတွေပဲဆင်လိုက်တယ်။ အဲ့ဒါနဲ့ဒီဆိုင်လေးလုပ်ဖြစ်သွားတာပေါ့။ အရင်က ဒီနေရာမှာ တရုတ်စာရောင်းတဲ့ ဆိုင်ဖွင့်ထားတာ အခုအဲ့ဒီဆိုင်ကိုဖျက်ပြီး ဒီဆိုင်လေးပြန်လုပ်ခဲ့တာပေါ့။
-ဘယ်နေ့ကစဖွင့်ဖြစ်တာလဲ။
၁၂ လပိုင်း သုံးရက်နေ့ကစဖွင့်ဖြစ်တာပါ။ ဖွင့်ပွဲကအကြီးအကျယ်မလုပ်ဖြစ်ဘူး။ လူငါးဆယ်လောက်နဲ့ပဲလုပ်ဖြစ်ခဲ့တာပါ။
-ဒီဆိုင်မှာဘာတွေအဓိကရလဲ။
ဒီဆိုင်မှာ တရုတ်အစားအစာအစုံရတယ်။ နောက်ပြီး Hot & Ice Coffee Selection ၊ Frappease & Float ၊ Dessert ၊ Tea Selection ၊ Fruit Juice ၊ Italian Soda ၊ Milk Shake & Smoothie ၊ Foods Selection ၊ Drink & Water ရမယ်။ ကော့တေးလဲရတယ်။ ၁၅ မျိုးလောက်ပေါ့။ နောက်ပြီးကျွန်တော်တို့ဆိုင်မှာသူများဆိုင်မှာမရတဲ့ ဖျော်ရည်တစ်မျိုးရတယ်။ သူကရှမ်းပြည်နယ်မြောက်ပိုင်းကထွက်တာ နှုတ်ခမ်းသီးတဲ့။ အဲ့ဒီနှုတ်ခမ်းသီးဖျော်ရည်လဲရတယ်။ အရမ်းသောက်လို့ကောင်းတယ်။
-ဈေးနှုန်းတွေကရော ဘယ်လိုရှိလဲ။
အနည်းဆုံးကတော့ ၈၀၀ ကနေ ၅၀၀၀ ထိပါပဲ။ Set တွေလဲ ဆယ်မျိုးလောက်ရတော့ ၃မျိုးမှာစားရင် ၁ Set free ပေးတယ်။
-စဖွင့်တဲ့နေ့ကနေ ဒီနေ့အထိ ကာစတမ်မာအနေအထားဘယ်လိုရှိလဲ။
လောလောဆယ်ကတော့ တစ်ရက်ကို အယောက် ၃၀ လောက်တော့လာပါတယ်။ မနက် ၁၀ နာရီကနေ ည ၁၀ နာရီထိဆိုတော့လေ။ ညဆို ၉ နာရီလောက်ထိတော့ လူဝင်တယ်။
-New Year Night မှာရော ဘာအစီအစဉ်တွေရှိလဲ။
ကျွန်တော်တို့ကံစမ်းမဲနှိုက်ပေးမယ်။ အဲ့ဒီနေ့လာစားတဲ့သူတွေကို အရုပ်ကလေးတွေ လက်ဆောင်ပေးမယ်။ ၁၀၀၀၀ တန် တစ်ဘေလ်ဖိုးဆို အစားအသောက်တွေ ကံစမ်းမဲနှိုက်ပေးမယ်။ အကျီင်္လေးတွေလဲပါမယ်။
-Doraemon အရုပ်နဲ့ပတ်သက်တဲ့ ပစ္စည်းတွေရော ရောင်းပေးလား။
ရောင်းပေးပါတယ်။ အကျီင်္ရှိမယ်။ အရုပ်လေးတွေရှိမယ်။ ကျွန်တော်တို့အဲ့ဒါလေးတွေကိုနိုင်ငံခြားကမှာပြီးဒီဆိုင်မှာပြန်ရောင်းပေးတယ်။ ကလေးကစားစရာလေးတွေ၊ ပန်ကာလေးတွေ၊ ရေဗူးလေးတွေ၊ မှန်လေးတွေ၊ ထီးလေးတွေ၊ သော့ချိတ်လေးတွေ အကုန်ရောင်းပေးပါတယ်။ ဈေးနှုန်းကတော့ ၂၀၀၀ ကနေ ၃၀၀၀၀ ထိရှိပါတယ်။
-ဒီဆိုင်လေးမှာ အရုပ်လေးတွေလဲထားထားတော့ ဓာတ်ပုံလဲပေးရိုက်မှာပေါ့။
အရုပ်လေးတွေလဲရှိတယ်။ နောက်ပြီး လူဝင်လို့ရတဲ့ အရုပ်အကြီးကြီးလဲရှိတယ်။ ကလေးတွေရော၊ လူငယ်တွေရော ဓာတ်ပုံရိုက်ချင်တဲ့သူတွေသူတို့ဟာသူတို့လဲရိုက်လို့ရတယ်။ နောက်ပြီး ချက်ချင်းရိုက်ပြီး ချက်ချင်းယူလို့ရတဲ့ ကဒ်နဲ့ပုံလေးတွေလဲရိုက်ပေးတယ်။ ဓာတ်ပုံကထားခဲ့လို့လဲရတယ်။ ယူသွားချင်ရင်လဲပေးလိုက်ပါတယ်။
[[{"fid":"18960","view_mode":"default","fields":{"format":"default","field_file_image_alt_text[und][0][value]":"","field_file_image_copyright[und][0][value]":"","field_file_image_title_text[und][0][value]":""},"type":"media","attributes":{}}]]
-ဒီဆိုင်မှာ မွေးနေ့တွေဘာတွေလုပ်လို့ရလား။
လုပ်လို့ရပါတယ်။ အချိန်ကြေးတော့မယူဘူး။ ဒါပေမဲ့ ဒီကမုန့်တွေတော့ မှာစားရမယ်။ ကိတ်တွေဘာတွေတော့ အခုလောလောဆယ် လုပ်မပေးသေးဘူး။ ဒါပေမဲ့လုပ်ပေးဖို့အစီအစဉ်ရှိတယ်။ ဒီအရုပ်ပုံစံအတိုင်းလေးတော့ နောက်ပိုင်းမှာလုပ်ပေးလို့ရအောင်စီစဉ်ထားတယ်။
-ဒီဆိုင်လေးကို လာရောက်အားပေးတဲ့ ကာစတမ်မာတွေကိုရော ဘယ်လိုဖိတ်ခေါ်ချင်သေးလဲ။
၈မိုင်မှာရှိတဲ့ ရွှေတောင်ဟိုတယ်အရှေ့က Doraemon ဆိုင်လေးကိုလာခဲ့ကြပါလို့။ ဆိုင်ထဲကိုဝင်လိုက်တာနဲ့တခြားကမ္ဘာတစ်ခုကိုရောက်သွားသလိုခံစားရစေမှာပါလို့ပြောချင်ပါတယ်။
Credit :Trend Myanmar


Share on Google Plus

About Myanmar Magazine