မတော်မတရား ပြုကျင့်ခံရပြီးကတည်းက ခုချိန်ထိ စိတ်ဒဏ်ရာခံစားနေရဆဲလို့ ဆိုလာတဲ့ Lady Gaga



ကိုယ်သီဆိုတဲ့  တေးသီချင်းတွေကတစ်ဆင့် ပရိသတ်ကို စိတ်ဓာတ်ခွန်အားတွေ ပေးနေပေမယ့် ကိုယ်ကိုတိုင် စိတ်ဒဏ်ရာ ခံစားနေရသူကတော့ Lady Gaga ပါပဲ။ သူမဟာ အခြားအနုပညာရှင်တွေနဲ့မတူ တမူထူးခြားစွာ ရဲရဲရင့်ရင့် နေထိုင်တတ်သူဖြစ်ပြီး လိင်တူချစ်သူတွေအတွက်လည်း သူမလုပ်ဆောင်ပေးခဲ့တဲ့အရာတွေ များစွာရှိပါတယ်။ ဒါပေမယ့် သူမဟာ ဒီလိုအနုပညာလှုပ်ရှားမှုတွေ၊ လူမှုရေးလုပ်ငန်းတွေ အားတင်းလုပ်ဆောင်နေပေမယ့် နေ့စဉ်နေ့တိုင်း သူမရင်ဆိုင်နေရတဲ့ စိတ်ဒုက္ခတွေကလည်း မသေးပါဘူး။ သူမခံစားနေရတာက စိတ်ရောဂါတစ်မျိုးပါပဲ။ သူက နာကျင်စရာ အခြေအနေ၊ ကြောက်စရာအခြေအနေတစ်ခုကို ကြုံလိုက်ရတဲ့သူတွေ ခံစားရလေ့ရှိတဲ့ စိတ်ဒဏ်ရာတစ်မျိုးလို့ ပြောရပါလိမ့်မယ်။

သူမ Ali Forney စင်တာကို ရောက်လာခဲ့ပြီး အိမ်ခြေရာခြေမဲ့လူငယ်တွေအတွက် အားပေးစကားတွေပြော၊လှူဒါန်းမှုတွေလည်း ပြုလုပ်ရင်းနဲ့ တစ်ဆက်တည်းမှာပဲ သူမခံစားနေရတဲ့ နာကျင်မှုတွေကို ထုတ်ဖော်ပြောကြားခဲ့ပါတယ်။

Lady Gaga ဟာ အသက် ၁၉နှစ်အရွယ်တုန်းက မတော်မတရားပြုကျင့်ခံခဲ့ရပြီး အဲ့ဒီစိတ်ဒဏ်ရာဟာ ခုချိန်ထိကို သူမကို ခြောက်လှန့်နေဆဲပါ။ အဲ့ဒီအကြောင်း သူမက ဖွင့်ဟပြောခဲ့သလို သူမရဲ့ သီချင်းတစ်ပုဒ်ဖြစ်တဲ့ 'Til It Happens To You'ကလည်း သူမကြုံတွေ့ခဲ့ရတဲ့ ဒီအဖြစ်အပျက်ကို အခြေခံပြီး ရေးသားသီဆို ထားတာဖြစ်ကြောင်း ပြောပြခဲ့ပါတယ်။ အရင်အခါတွေက သူမ ၁၉နှစ်အရွယ်တုန်းက ကြုံခဲ့ရတဲ့ ကြောက်စရာ အဖြစ်အပျက်ကို ပြောခဲ့ဖူးပေမယ့် သူမ စိတ်ဒဏ်ရာကြောင့် နေတိုင်းနာကျင် ခံစားနေရတယ်ဆိုတာကိုတော့ မဖွင့်ဟခဲ့ဖူးပါဘူး။ ဒါပထမဆုံးအကြိမ် ဖွင့်ဟခြင်းလို့ သူမက ပြောပြသွားပါသေးတယ်။

သူမခုလို ခံစားနေရတဲ့ စိတ်ဝေဒနာကြောင့် ခုလိုအခြေအနေကို ကြုံတွေ့ရသူတိုင်းကို သူမ နားလည်သဘောပေါက်စာနာတတ်လာကြောင်း ဆိုပါတယ်။ ဒါ့အပြင် သူမက "ဒီနေ့ဟာ ကျွန်မရဲ့ကြီးမားတဲ့ လျှို့ဝှက်ချက်တစ်ခုကို ဖော်ထုတ်လိုက်တာပါပဲ။ အရှက်တရားတွေနဲ့ ကျွန်မကို အမြဲစိတ်ဒဏ်ရာပေးနေတဲ့ လျှို့ဝှက်ချက်တွေပေါ့ရှင်"လို့လည်း သူမကဖွင့်ဟသွားပါတယ်။

Credit :Trend Myanmar


Share on Google Plus

About Myanmar Magazine

This is a short description in the author block about the author. You edit it by entering text in the "Biographical Info" field in the user admin panel.