အားပေးတဲ့ပရိသတ်တွေအတွက် အမှတ်တရကျန်စေချင်လို့ ပက်ပက်စက်စက်ညှို့ကားကြီးကို လက်ခံလိုက်တဲ့အကြောင်း ပြောလာတဲ့ မိုးစက်ဝိုင်



ကားရိုက်နဲ့ပတ်သက်ပြီး အတွေ့အကြုံသိပ်မရှိပေမဲ့ ပရိသတ်တွေအတွက် အမှတ်တရဖြစ်အောင် ပက်ပက်စက်စက်ညှို့ဆိုတဲ့ ရုပ်ရှင်ကားကြီးကို လက်ခံရိုက်ကူးခဲ့သူကတော့ မိုးစက်ဝိုင်ပါ။ ဒါရိုက်တာသားညီနဲ့နေတိုးကို ယုံလို့ပါဝင်ရိုက်ကူးမှာဖြစ်သလို ရွှေထူးနဲ့လဲခင်နေတာကြောင့် အဆိုပါဇာတ်ကားကြီးဟာ သူမအတွက် မခက်ခဲလောက်ဘူးလို့ပြောလာတဲ့ မိုးစက်ဝိုင်ရဲ့ ပက်ပက်စက်စက်ညှို့ကားကြီးရိုက်ကူးရမဲ့အပေါ် စိတ်လှုပ်ရှားမှုများကိုသွားရောက်မေးမြန်းဖြစ်တဲ့အခါ

-ပက်ပက်စက်စက်ညှို့ဆိုတဲ့ ရုပ်ရှင်ကားကြီးမှာဘယ်လိုကာရိုက်တာလေးများလဲ။

ဒီဇာတ်ကားမှာ ကာရိုက်တာ သုံးယောက်ပါမယ်။ ကိုနေတိုးကလဲ သူ့ကာရိုက်တာနဲ့သူ၊ သူကတည်ငြိမ်တဲ့ဖက် သွားမယ်။ မိုးစက်ကတော့ Innocent ဖက်ကိုမှ ဆင်းရဲတယ်။ နောက်မှချမ်းသာသွားမယ်ပေါ့။ ပြီးရင် မောင်လေးရွှေထူးကတော့ လူငယ်ဆန်ဆန် ဇာတ်ကွက်ဖက်သွားလိမ့်မယ်။

-ကားကြီးဆိုတော့ မိုးစက်အနေနဲ့ဘာတွေကြိုတင်ပြင်ဆင်ထားလဲ။

အမှန်အတိုင်းပြောရရင် မိုးစက်ကတစ်ခါမှလဲ ရုပ်ရှင်မရိုက်ဖူးသလို သင်တန်းလဲ မတက်ဖူးတဲ့အတွက် ဘယ်လိုပြင်ဆင်ရမှန်းမသိဘူး။ ကိုယ့်ဖက်က ကိုယ်နားလည်တာဆိုလို့Stylist ခန့်တယ်။ မိတ်ကပ် Artist လိုက်ရှာတယ်။ ကိုယ်ဘယ်လို ၀တ်မလဲဆိုပြီးပြင်ဆင်တယ်။ အိုက်တင်ပိုင်းနဲ့ပတ်သက်ပြီး ကိုသားညီလဲပြောထားတယ်။ သူ့ကိုယုံကြည်ပါ။ ပြီးတော့ ကိုနေတိုးကလဲ ပြောတယ်။ ဖြစ်သွားလိမ့်မယ်ဆိုတော့ အဲ့ဒီလိုပဲစိတ်ထဲထည့်ထားလိုက်တယ်။

-သရုပ်ဆောင်ဖက်အပြင်အဆိုဖက်နဲ့ပါတွဲဖက်သရုပ်ဆောင်ရမဲ့ အပေါ် မိုးစက်ရဲ့စိတ်ခံစားချက်ကရော ဘယ်လိုရှိလဲ။

ဒီလောကထဲမှာ မိုးစက်နဲ့တော်တော်ရင်းနှီးတာဆိုလို့ ကိုနေတိုးနဲ့မောင်လေးရွှေထူးပေါ့လေ။ သူ့ရဲ့အမ်တီဗီတုန်းကလဲ မိုးစက်ရိုက်ပေးဖြစ်တယ်။ ကိုသားညီကလဲ စကားစပြောကတည်းက နွေးထွေးတယ်။ သက်တောင့်သက်သာရှိတယ်။ မိသားစုလိုပဲအဆင်ပြေတယ်ပေါ့။ အဲ့ဒါကြောင့် အရမ်းတုန်လှုပ်နေတာမျိုးတော့မရှိဘူးပေါ့။

-ဒီကားလေးအပြင်အခြားအနုပညာလှုပ်ရှားမှုတွေနဲ့ပတ်သက်ပြီးဘာတွေလုပ်ဖြစ်နေလဲ။

ပရိုဂရမ်တွေရိုက်ဖြစ်ပါမယ်။

-ခရီးသွားပရိုဂရမ်ကရောဆက်ရိုက်ဖြစ်ဦးမလား။

ထပ်ရိုက်ဖို့ပြောနေပါတယ်။ ဒါပေမဲ့ဆွေးနွေးနေတုန်းပဲပေါ့။

-ဟိုကလူတွေနဲ့တွဲဖက်အလုပ်လုပ်ရတာဘယ်လိုကွာခြားမှုတွေရောရှိလဲ။

Amazing City ရိုက်တဲ့အချိန်မှာ အခက်အခဲတွေအများကြီးကြုံတယ်။ ဒါကတော့ တိုးရစ်တွေ လူအသွားအလာခက်ခဲလို့ကြုံတဲ့ အခက်အခဲတွေပေါ့။ ပြီးတော့မြန်မာပြည်မှာ မိုးစက်တို့လိုအပ်တာတွေကို ပိုတွေ့လာတယ်။ စီမံခန့်ခွဲမှုအပိုင်းပေါ့။ ဂျပန်တွေကလဲ ပိုပြီးတော့လဲ တစ်ကမ္ဘာလုံးမှာအရမ်းတိကျပြီးသေချာစီစဉ်တတ်တဲ့ လူမျိုးတွေဖြစ်နေလို့ပါ။

-တခြားကလာကမ်းလှမ်းရင်ရော လက်ခံရိုက်ကူးဖြစ်မလား။

အဲ့ဒါကိုတော့ မစဉ်းစားသေးဘူး။ အခုလောလောဆယ်တော့ မိုးစက် ဒီတစ်ကားတည်းကိုပဲ ရှိသမျှ အသည်းနှလုံးပါနှစ်ထားတယ်။

-ဒီဇာတ်ကားနဲ့ပတ်သက်ပြီးရော ဘာပြောချင်သေးလဲ။

မိုးစက်အရှင်းဆုံးပြောရရင် အိုက်တင်ပိုင်းကို အရမ်း ကြီး ယုံကြည်မှုမရှိပါဘူး။ အဲ့ဒီအချိန်မှာ ဒီဟာကို လက်ခံလိုက်တယ်ဆိုတာကလဲ မိုးစက်ကိုအားပေးခဲ့တဲ့ ပရိသတ်တွေကို အမှတ်တရ ကျန်စေချင်တဲ့သဘောပါ။ အဲ့ဒီအတွက် ထွက်တဲ့အခါကျရင်လဲ အားပေးကြပါဦးလို့ပြောချင်ပါတယ်။

Credit :Trend Myanmar



Share on Google Plus

About Myanmar Magazine