Breaking News

အသစ်ဝယ်လာတဲ့ အဝတ်အစားတွေကို လျှော်ပြီးမှ ဝတ်ဖို့လိုမလား



ကျွန်မတီရှပ်အသစ်တစ်ထည် ဝယ်လာတဲ့အချိန် အမဖြစ်သူက နင်ဒါကို လျှော်ပြီးမှ ဝတ်မှာလားလို့ မေးပါတယ်။ ကျွန်မက ဒါက အသစ်စက်စက်ဝယ်လာတဲ့ တီရှပ်လေ။ လျှော်ဖို့လိုလို့လားလို့ ပြန်မေးလိုက်မိပါတယ်။ ကျွန်မတစ်ခါမှ အဝတ်အစားအသစ်ဝယ်လာရင် လျှော်ပြီးမှ မဝတ်ဖူးဘူး။ ၁ အချက်က ကျွန်မက အဝတ်လျှော်ရမှာ နည်းနည်းပျင်းတယ်။ ၂ အချက်က အသစ်ဝယ်လာတဲ့ အဝတ်အစားတွေကို ညစ်ပတ်တယ်လို့ မထင်တဲ့အတွက် ကျွန်မ မလျှော်တာ။ ဆိုင်မှာ တစ်ချို့လူတွေ အင်္ကျီကို အစမ်းဝတ်ကြည့် ထားနိုင်ပါတယ်။ ဒါပေမဲ့ ခဏလောက်လေးဝတ်ကြည့်ရုံနဲ့ ညစ်ပတ်သွားမှာ မဟုတ်ပါဘူး။ ဒါကြောင့် လျှော်စရာမလိုဘူးလို့ ထင်ပါတယ်။

ဒီအကြောင်းနဲ့ ပတ်သက်ပြီး ကိုလံဘီယာတက္ကသိုလ်က အရေပြားပညာရှင်တစ်ဦးရဲ့ အကြံပြုချက်ကို တွေ့တဲ့အခါမှာ ကျွန်မအတွေးမှားသွားတယ်ဆိုတာ သိခဲ့ပါတယ်။ အဲ့ဒီအရေပြားပညာရှင်က သူက အဝတ်အစားတွေကို အွန်လိုင်းက ဝယ်တာဖြစ်ဖြစ်၊ စတိုးဆိုင်က ဝယ်တာဖြစ်ဖြစ် လျှော်ပြီးမှ ဝတ်သင့်တယ်လို့ ဆိုပါတယ်။ တခြားသူတွေ စမ်းဝတ်ကြည့် လို့ ရောဂါပိုးကူးစက်တာထက် ပိတ်စတွေကြောင့်ဖြစ်တဲ့ ပြဿနာက ပိုများပါတယ်။ အဝတ်အထည်တွေပြုလုပ်ရာမှာ အသုံးပြုတဲ့ ဆိုးဆေးတွေနဲ့ ဓာတုပစ္စည်းတွေက အရေပြားယားယံမှုတွေကို ဖြစ်စေနိုင်ပါတယ်။

အဝတ်အစားတွေကို ကုန်တင်သဘောင်္တွေနဲ့ တင်ပို့တဲ့အခါမှာ အစိုဓာတ်ကြောင့်  မှိုပေါက်ပွားခြင်း မဖြစ်အောင် ကြာရှည်ခံဆေးတွေထည့်ပြီး တင်ပို့လေ့ရှိပါတယ်။ ဥပမာ- အဝတ်အထည်တွေ ဖားဥတက်တာ၊ တွန့်ကြေတာတွေကို ကာကွယ်ဖို့အတွက် အသုံးပြုတဲ ဖော်မယ်ဒီဟိုက်ဆိုတဲ့ ဓာတုပစ္စည်းက အရေပြားပေါ်မှာ အနီကွက်တွေ ထွက်စေတတ်ပါတယ်။ နိုင်ငံအများစုမှာ ဖော်မယ်ဒီဟိုက်အသုံးပြုတဲ့ ပမာဏကို ကန့်သတ်ထား ပေမဲ့ ၂၀၁၀ခုနှစ်က လုပ်တဲ့ လေ့လာမှုတစ်ခုအရ အသုံးပြုဖို့ ကန့်သတ်ထားတဲ့ ပမာဏထက်ပိုပြီး သုံးနေကြတာ ကို တွေ့ရှိခဲ့ရ ပါတယ်။ ဖော်မယ်ဒီဟိုက်များတဲ့ အဝတ်အစားတွေက ဓာတ်မတည့်တာနဲ့ နှင်းခူနာ ၂ မျိုးကို ဖြစ်စေနိုင်တာကြောင့် အဝတ်အစားသစ်တွေကို မဝတ်ခင်မှာ လျှော်ဖို့အရေးကြီးပါတယ်။

နောက်တစ်ချက်က အဝတ်အထည်တွေမှာ ပါတဲ့ အပြာရောင်ဆိုးဆေးက တစ်ချို့လူတွေကို ဓာတ်မတည့်မှုတွေ ဖြစ်စေတဲ့ အတွက် ပိုနေတဲ့ အပြာရောင်ဆိုးဆေးတွေ ပျယ်သွားဖို့အတွက် ရေနဲ့ လျှော်ဖို့လိုပါတယ်။ အဝတ်အထည်တွေကတဆင့် လူတစ်ယောက်ကနေ တစ်ယောက်ကို ရောဂါပိုးကူးစက်တာ အလွန်နည်းတယ်ဆိုပေမဲ့ လုံးဝမရှိတာတော့ မဟုတ်တဲ့အတွက် သတိထားဖို့လိုပါတယ်။ အထူးသဖြင့် အသားနဲ့ ကပ်တဲ့ ရေကူးဝတ်စုံလို၊ အတွင်းခံလို အထည်တွေဝယ်မယ်ဆိုရင်တော့ မဖြစ်မနေလျှော်ပြီးမှ ဝတ်သင့်တဲ့အကြောင်း အကြံပေးထားပါတယ်။

Credit :Trend Myanmar