Breaking News

ဦးကိုနီကို သတ်ပေးမည် ဆိုပါက ကား၁စီး၊ ငွေသိန်း ၂၀၀ နှင့် နေပြည်တော်တွင် အိမ်ခန်း ၁ခန်းပေးမည်ဖြစ်ကြောင်း


မန္တလေး၊ ဖေဖော်ဝါရီ ၁
မန်းသားလေး

ပြီးခဲ့သည့် ဇန်န၀ါရီလ ၂၉ရက်နေ့ လုပ်ကြံခံရသည့် ဦးကိုနီ သေဆုံးမှုနှင့် ပတ်သက်ပြီး နောက်ကွယ်က စေခိုင်းသူမှာ ပြည်ထဲရေးဝန်ကြီးဌာန တာဝန်ရှိသူ တစ်ဦး ဖြစ်နေသည် ဆိုသည့် သတင်းမှာ ကောလာဟလ သတင်းများသာ ဖြစ်ကြောင်း ပြည်ထဲရေးဝန်ကြီးဌာန လက်ထောက်အတွင်းဝန် ဦးမောင်မောင်မြင့်က ဖေဖော်ဝါရီ ၁ရက်နေ့က Friday Times သို့ ပြောကြားခဲ့သည်။

ကြည်လင်း၏ ထွက်ချက်များတွင် ဦးကိုနီကို သတ်ပေးမည် ဆိုပါက ကား၁စီး၊ ငွေသိန်း ၂၀၀ နှင့် နေပြည်တော်တွင် အိမ်ခန်း ၁ခန်းပေးမည်ဟု ပြည်ထဲရေးဝန်ကြီး ဒုတိယဗိုလ်ချုပ်ကြီး ကျော်ဆွေရဲ့ သားတပည့် ဖြစ်သူ ဗိုလ်ကြီးဝေလွင်က ခိုင်းစေခဲ့ခြင်း ဖြစ်ကြောင်း ၀န်ခံထွက်ဆိုထားသည် ဟူသော ကောလာဟလကို ၄င်းက ပြန်လည်ဖြေရှင်းခဲ့ခြင်း ဖြစ်သည်။

ဖေ့ဘုတ်ဆိုတာ မဟုတ်တာတွေက များပါတယ်။ ကျနော်ဆို သုံးကို မသုံးပါဘူး။ တရားခံရဲ့ ထွက်ချက်တွေက ဘယ်လိုလုပ်ပြီး အပြင်ကလူတွေ ကြားသိရမှာလဲဗျာ။ ကျနော် အဲဒီကိစ္စ သေချာမသိသေးပါဘူး။ ခင်ဗျားတို့ ပြောမှ သိတာပါဗျာ။ ဒါက လုံးဝမှ မဖြစ်နိုင်ပါဘူး။ နိုင်ငံတော် တာဝန်ရှိသူတစ်ယောက်အနေနဲ့လည်း ဒါမျိုး လုပ်မှာ မဟုတ်ပါဘူး ဟု ဖြေကြားခဲ့သည်။

ခိုင်လုံမှု မရှိသော သတင်းရင်းမြစ်များမှာ ဦးကိုနီကို လုပ်ကြံချိန် လေဆိပ်တွင် အခက်ခဲမရှိအောင် စီမံထားမည် ဖြစ်ကြောင်း၊ ဦးကိုနီအား သေနတ်ပစ်ချိန်နှင့် ထွက်ပြေးတိမ်းရှောင်ချိန်တွင် ဖမ်းပေးသည့် ရဲများ မရှိအောင် လုပ်ပေးထားပြီး ဖြစ်ကြောင်း ဗိုလ်ကြီးဝေလွင်က ပြောကြားခဲ့တဲ့အတွက် ဦးကိုနီကို သတ်ခဲ့တာ ဖြစ်ကြောင်း ၀န်ခံခဲ့သည်ဟု ဆိုသည်။

အခင်းဖြစ်ပွားပြီး နောက်တစ်နေ့တွင် ကြည်လင်း၏ ရဲထွက်ချက်ပါ စာမျက်နှာ ၅မျက်နှာ လူမှုကွန်ရက်မှ တစ်ဆင့် ပြန့်ပွားခဲ့သည်။ ယင်းထွက်ချက် စာမျက်နှာ ၂မျက်နှာ လိုနေသေးပြီး ယင်း၂မျက်နှာပါ စာမှာ ယခု ထွက်ချက်များနှင့် ဆက်စပ်နေသည် ဟူသည့် ကောလာဟလများ ဆက်တိုက်ထွက်ပေါ်လျှက် ရှိနေသည်။

သို့သော်လည်း ယင်းထွက်ဆိုချက် စာရွက်မှာ မှန်ကန်ကြောင်း လူမှုကွန်ရက်သို့ ပျံ့နှံ့သွားရ အကြောင်းရင်းမှာ Viber အဟက်ခံရခြင်းကြောင့် ဖြစ်ကြောင်း  အမည်မဖော်လိုသည့် မြန်မာနိုင်ငံရဲတပ်ဖွဲ့မှ တာဝန်ရှိသူ တစ်ဦးက ဇန်န၀ါရီလ ၃၁ရက်နေ့ ဧရာဝတီ သတင်းဌာနကို ဖြေကြားထားသည်။

တရားခံ ကြည်လင်းမှာ ရန်ကုန်မြို့ မင်္ဂလာတောင်ညွန့်မြို့နယ် မဟာအောင်မြေဗိမာန်ကျောင်းတိုက်တွင် ဇန်န၀ါရီလ ၂ရက်နေ့မှ ၂၉ရက်နေ့ ညနေ ၆နာရီထိ နေခဲ့တယ်လို့ ၀န်ခံထွက်ဆိုထားကြောင်း သိရသည်။

(ပုံစာ- ဓာတ်ပုံအင်တာနက်/ ဇန်နဝါရီ ၃၁ ရက်က နေပြည်တော်၌ကျင်းပခဲ့သော တိုင်းရင်းသားလူမျိုးများ၏ အခွင့်အရေးကာကွယ်စောင့်ရှောက်သည့် နည်းဥပဒေဆိုင်ရာ အလုပ်ရုံဆွေးနွေးပွဲတွင်တွေ့ရသည့် နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နှင့် ပြည်ထဲရေးဝန်ကြီးဒုတိယဗိုလ်ချုပ်ကြီးကျော်ဆွေ)

(Unicode)
Flower news journal