Breaking News

သင့်တော်မှန်ကန်တဲ့ ဘရာစီယာဆိုဒ်ရွေးချယ်တတ်ဖို့ သိသင့်တဲ့အချက်



သင့်တော်မှန်တဲ့ ဘရာစီယာဆိုဒ် ရွေးဝယ်တာ လက်တွေ့ထက် အပြောက ပိုလွယ်ပါတယ်။ ကျောသိုင်းကြိုးတင်းနေချိန်မှာ အရှေ့ကခွက်တွေ ချောင်နေတတ်ပါတယ်။ ပြင်သစ်အမျိုးသမီးအတွင်းခံ brand Chantelle ရဲ့ ပြောဆိုချက်အရ ကိုယ်နဲ့ ကိုက်ညီတဲ့ ဘရာစီယာဖြစ်တယ်ဆိုတာ သေချာစေဖို့ အသုံးပြုနိုင်တဲ့ နည်းလမ်းတစ်ခု ရှိတယ်လို့ သိရပါတယ်။

ဘရာစီရာကို စစဝယ်ချင်း ကျပ်ကျပ်လေးဖြစ်နေသင့်ပါတယ်။ ပထမဆုံးအကြိမ် ဝတ်တဲ့အချိန်မှာ နောက်ကျောနဲ့ ကြိုးနှစ်ခုကြား လက်နှစ်လုံးစာလောက် အံကိုက်ဖြစ်ရပါမယ်လို့ Chantelle အတွက် တာဝန်ထမ်းဆောင်နေတဲ့ Nicole Kivitiz က ဆိုပါတယ်။ အဲဒီဘရာစီယာကို ထပ်မံဝတ်ဆင်ပြီးတဲ့နောက်မှာ ဘရာစီယာက အရင်ထက်ပိုချောင်လာပါလိမ့်မယ်။ နောက်ပိုင်း ဒီလိုဝတ်ဆင်ရင်း ကျောပြင်နဲ့ ဘာရာစီယာကြိုးနှစ်ခုကြား လက်နှစ်လုံးမက လျော့ရိလျော့ရဲဖြစ်လာတဲ့အခါ အသစ်လဲသင့်ပြီလို့ နားလည်ကြပါတယ်။

လူအများ လက်ခံထားတဲ့အချက်နဲ့ ဆန့်ကျင်တာက ရင်သားအိမ် (ပုံခွက်)ထက် ကြိုးကို အမျိုးသမီးတွေ ပိုအလေးထားပေးသင့်တယ်လို့ Kivitiz ရဲ့ ပြောဆိုချက်အရ သိရပါတယ်။

ဒါပေမယ့် ဟော်မုန်းပြောင်းလဲမှုတွေနဲ့ ကိုယ်အလေးချိန်အတက်အကျတွေစတဲ့ အချက်တွေကြောင့်တော့ ရင်သားတွေဟာ ပြောင်းလဲမှုရှိနိုင်ပါတယ်။

Credit :Trend Myanmar