Breaking News

သင့်ချစ်သူဟာ သင့်နဲ့ပတ်သက်ပြီး စိတ်လုံခြုံမှုအပြည့်အ၀ မခံစားရတဲ့အခါ ဒီအချက်တွေပြုမူတတ်တာ



သင့်ရဲ့ချစ်သူဟာ သင်အပေါ် တကယ်ကောင်းတဲ့သူပါ။ သင့်ကို ရွှေမင်းသမီးလေးတစ်ယောက်လို ဆက်ဆံတတ်ပြီး သင်လိုအပ်သမျှအရာအားလုံးကိုလည်း သူတတ်နိုင်သလောက် အမြဲဖြည့်ဆည်းပေးတတ်သူပါ။ သူဒီလိုတွေ ဂရုစိုက်ပေးနေလို့ သင်တို့နှစ်ဦးအဆင်ပြေနေပေမယ့် သူ့စိတ်ထဲ သင်နဲ့ပတ်သက်ပြီး စိုးရိမ်ပူပန်တာ၊ သ၀န်တိုတာ၊ စိတ်မလုံမခြုံဖြစ်တာမျိုးတွေ မရှိဘူးလို့ မထင်လိုက်ပါနဲ့။ တစ်ချို့ယောင်္ကျားလေးတွေရဲ့ စိတ်ထဲမှာ သူတို့ချစ်သူကို ဆုံးရှုံးရမှာ ကြောက်တာကြောင့် အစွမ်းကုန်ချစ်ပြနေပမယ့် သူတို့ရဲ့မသိစိတ်ထဲမှာ ကိုယ်နဲ့ပတ်သက်ပြီး လုံခြုံမှုမခံစားကြရပါဘူး။ ဒီတော့ ဘယ်လိုအပြုအမူတွေနဲ့ ဒါတွေကို ဆုံးဖြတ်နိုင်မလဲ ကြည့်ရအောင်။

၁။သူ့မှာ သင်ကလွဲပြီး အပြင်သူငယ်ချင်းမထားဘူး၊ အခြားစိတ်ဝင်စားတာမျိုးလည်း မရှိဘူး။

အလုပ်ရှိရင် အလုပ်သွားမယ်။ အလုပ်ကသူငယ်ချင်းတွေနဲ့ ချိန်းပြီး သွားတာလာတာမျိုးမရှိသလို အခြားသူငယ်ချင်းတွေနဲ့လည်း မတွေ့ဖြစ်ဘူး။ သူ့မှာ ၀ါသနာကြီးကြီးမားမားလည်း မရှိဘူး။ သင်တန်းတက်တာမျိုးတွေ၊ ကိုယ်လက်လေ့ကျင့်ခန်းလုပ်တာမျိုး၊ အခြား အသင်းအဖွဲ့တစ်ခုခုနဲ့သွားလာတာမျိုး ဘာမှမရှိဘူး။ သင်နဲ့မတွေ့ရတဲ့နေ့တွေဆို အိမ်မှာထိုင်ပြီး သင့်အကြောင်းတွေးနေလိမ့်မယ်။ သူဟာ အားလုံးနဲ့သင်ကို လဲလှယ်ပစ်လိုက်ပြီ။

၂။သင်ဟာ အရင်ရည်းစားအပေါ် စိတ်ခံစားချက်တွေရှိနေသေးတယ်လို့ သူထင်နေလိမ့်မယ်။

ရည်းစားဟောင်းနဲ့ပြတ်တာ နှစ်တွေကြာသွားလို့ သူ့အပေါ်ဘာခံစားချက်မှ မရှိတော့ပေမယ့် သူကတော့ သင့်အပေါ် မယုံကြည်သေးပါဘူး။ ရည်းစားဟောင်းကိုပဲ စွဲလန်းနေတုန်းလို့ ထင်မြင်နေပါလိမ့်မယ်။ ဒီလိုဖြစ်အောင်လည်း ဘာအဆက်အသွယ်မှမရှိ၊ ဘာမှမလုပ်ပေမယ့် သူ့ရဲ့မလုံခြုံတဲ့ စိတ်ခံစားချက်ကြောင့် သူ့ကိုအရင်ရည်းစားလောက် မချစ်ဘူးလို့ သင့်ကို မကြာခဏပြောလိမ့်မယ်။

၃။သင်ဟာ သူ့ဘ၀အတွက် အရာရာတိုင်းပါလို့ ပြောတတ်တယ်။

သင်ဟာ သူ့ရဲ့ကမ္ဘာ၊ သူ့ရဲ့ဘ၀၊ သင်မရှိရင် သူလည်း အသက်တောင် မရှင်ချင်တော့ဘူးဆိုတာမျိုးတွေ အမြဲပြောနေတတ်တယ်။ အစပိုင်းကတော့ မြှောက်ပြောနေတာမျိုးလို့ သင်ထင်ကောင်းထင်နေနိုင်ပါတယ်။ ဒါပေမယ့် သူဟာ တကယ်ကို ဆိုလိုတယ်ဆိုတဲ့ ပုံစံမျိုး သင်နောက်ပိုင်းသိလာပါလိမ့်မယ်။ ဒါဟာ သူ့ကိုထားပြီး ထွက်မသွားအောင် ပြောသလိုပုံစံမျိုးဖြစ်ပြီး၊ သူ့ကိုထားသွားမှာ ကြောက်လို့ဖွင့်ဟလာတဲ့ အနေအထားတွေပါ။

၎။သူ့ကိုချစ်တယ်ဆိုတာ မယုံကြည်ပါဘူး။

မကြာခဏဆိုသလို သူ့ကိုချစ်ရဲ့လားဆိုတဲ့ မေးခွန်းတွေ မေးတတ်ပါတယ်။ ဒါ့အပြင် သူဟာဆွဲဆောင်မှုရှိတယ်လို့ ပြောတာမျိုးကိုလည်း သူမယုံပါဘူး။ သူ့ကိုဘယ်လောက်ချစ်တယ်ပြောပြော သူ့စိတ်ထဲ ဟာနေတဲ့အပိုင်းက ရှိနေဆဲပါ။

၅။သ၀န်တိုတာမျိုးတွေ ဖြစ်လာပါပြီ။

သူငယ်ချင်းအပေါင်းအသင်းတွေနဲ့လည်း စိတ်မချတော့ပါဘူး။ သူနဲ့လွဲပြီး အခြားသူငယ်ချင်းတွေနဲ့ အလုပ်ချိန်ပြင်ပတွေ့ဖို့ကိုလည်း သူမလွှတ်ချင်ပါဘူး။ တစ်ခြားသူငယ်ချင်းတွေနဲ့ ရှော့ပင်ထွက်မယ်ဆိုရင်လည်း သူစိတ်မချတာမျိုးတွေ ဖြစ်လာပါပြီ။ ဒါ့အပြင် ဟိုလူနဲ့သ၀န်တို၊ ဒီလူနဲ့ သ၀န်တိုတာမျိုးတွေလည်း ရှိလာပါပြီ။ ဒါဟာ သူ့စိတ်မလုံခြုံမှုတွေကို သင်မြင်နိုင်တဲ့ အကြောင်းအချက်တစ်ခုပေါ့။

၆။သူ့ရဲ့အရင်ရည်းစားအကြောင်းတွေ ပြောပြပြီး သူ့ကိုဘယ်လိုလိမ်ညာသွားတယ်ဆိုတာ သင့်ကိုပြောလိမ့်မယ်။

သူပြောပြတဲ့အတိုင်းဆို သူ့ရည်းစားဟောင်းတွေက သူ့ကို လုံးဝမချစ်ကြဘူး။ လိမ်ညာသွားကြတယ်။ သူကသာ သူ့တို့အပေါ် ကောင်းရဲ့သားနဲ့ အမြဲကျန်ရစ်ဖြစ်ရတာ။ ဘယ်သူကမှ သူ့ကိုမချစ်ဘူးဆိုတာမျိုးတွေက မှန်ကောင်းမှန်နိုင်ပါတယ်။ ဒါ့ကြောင့်လည်း သူခုလို ခံစားနေရတာမျိုး ဖြစ်နိုင်ပါတယ်။ နောက်တစ်ချက်က ဒါ့ကြောင့် သင့်အပေါ် သူ စိတ်မချတာ၊ ထားသွားဦးမယ်လို့ ထင်နေတာ ဖြစ်နိုင်ပါတယ်။

၇။ဖုန်းတွေစစ်တတ်တယ်၊ ဖေ့စ်ဘွတ်ခ်နဲ့ အခြားဆိုရှယ်မီဒီယာတွေမှာ သင့်ကိုတောက်လျှောက်လိုက်ကြည့်နေတတ်တယ်။

သင်ဘာ စတေးတပ်စ်တင်လိုက်သလဲ၊ ဘာပို့စ်တင်လိုက်သလဲ၊ ဘာပုံတင်လိုက်သလဲ ဆိုတာ သူအကုန်သိနေတယ်။ ကြည့်နေတယ်။ သင်သုံးတဲ့ဖေ့စ်ဘွတ်ခ်၊ instagram အားလုံးကို သူအမြဲ လိုက်စစ်နေတတ်သလို သင့်ဖုန်းကိုလည်း ဘယ်သူတွေနဲ့ ပြောထားသလဲဆိုတာ လိုက်ကြည့်နေတတ်တယ်။

၈။လက်ဆောင်ပစ္စည်းတွေ အမြဲလိုလိုပေးပြီး သင့်သူ့ဘေးက ထွက်မသွားအောင် ချုပ်တတ်တယ်။

အမှန်တော့ လက်ဆောင်ပစ္စည်းပေးတယ်ဆိုတာ ချစ်သူရည်းစားတွေအတွက် ကောင်းပါတယ်။ အမှတ်ရစရာလည်း ဖြစ်ပါတယ်။ ဒါပေမယ့် သူက တစ်ခါတစ်လေလည်း မဟုတ် အမြဲတမ်း၊ နေ့တိုင်းနီးပါး သင့်ကိုလက်ဆောင်တွေပေးပြီး သင်သူ့ဆီက ရုန်းလို့မရအောင် ကြိုးတွေနဲ့ ချည်ထားတာမျိုးဟာလည်း သူ့စိတ်ထဲ သင်နဲ့ပတ်သက်လို့ လုံခြုံမှုမရှိလို့ပါပဲ။

၉။သူ့ရဲ့စိတ်အခြေအနေဟာ သင့်အပေါ်မှာ မူတည်နေတယ်။

သင်ကသာ ပျော်ရွှင်နေမယ်ဆိုရင် သူလည်း ပျော်ရွှင်နေပါလိမ့်မယ်။ သင်က အကြောင်းကိစ္စတစ်ခုခုကြောင့် စိတ်တွေရှုပ်၊ အလုပ်တွေရှုပ်ပြီး သူ့ကိုလည်း အရင်လို ချစ်တယ်တဖွဖွ မပြောဖြစ်တာ၊ သူ့ရှေ့မှာ တစ်ခြားကိစ္စတွေ တွေးနေမိတဲ့အခါဆိုရင်တော့ သူ့ကိုမချစ်တော့ဘူး၊ သူ့ကိုဂရုမစိုက်တော့ဘူးဆိုတဲ့စိတ်နဲ့ သူပါ စိတ်ညစ်ညူးတာမျိုး၊ သင့်ကိုရစ်တာမျိုးတွေ ရှိနိုင်ပါတယ်။

၁၀။သင့်ကိုအပြစ်ရှာပြီး ဝေဖန်တတ်တယ်။

လူတစ်ယောက်ဟာ သူ့စိတ်ထဲ မလုံခြုံတဲ့အခါ တစ်ခြားသူကို အပြစ်ရှာလေ့ရှိပါတယ်။ သင်လုပ်နေတဲ့အရာတွေကို သူထောက်ပြပြီး ပြောဆိုတတ်ပါလိမ့်မယ်။ အမြဲမဟုတ်တောင် တစ်ခါတစ်လေပေါ့။ ပြောတဲ့အခါမှာလည်း သင်လုပ်ဖူးသမျှတွေထဲက သူစိတ်မကြည်ရာတွေအားလုံးကိ စုပြီး ထောက်ပြဝေဖန်တာမျိုးတွေ လုပ်တတ်ပါတယ်။

Credit :Trend Myanmar