Breaking News

အစားလျော့မစား၊ လေ့ကျင့်ခန်းမလုပ်ဘဲနဲ့ အဆီမရှိတဲ့ ဝမ်းဗိုက်ရအောင် ဘယ်လိုလုပ်လို့ရလဲ Health


နွေရာသီရောက်လာတော့မယ်ဆိုတော့ ခရီးတွေသွားကြမယ်၊ ကမ်းခြေသွားကြမယ်၊ ကမ်းခြေမှာ ဗိုက်ချပ်ချပ်လေးနဲ့ အဆီမရှိတဲ့ ကိုယ်လုံးလှလှလေးတွေနဲ့ ဓာတ်ပုံရိုက်ချင်ကြမယ် ထင်ပါတယ်။
play

ဝိတ်လျော့မယ်ဆိုပြီး Diet Plan တွေနဲ့ စိတ်ဆင်းရဲခံပြီး အစားလျော့စားတာ၊ ကိုယ်အလေးချိန်ကို လျော့အောင် လေ့ကျင့်ခန်းလုပ်မယ်၊ ဘယ်လီ (Belly) ရိုက်မယ် ကြံစည်ထားပေမယ့်လည်း မလုပ်ဖြစ်လို့ စိတ်ညစ်တာတွေလည်း ကြုံနိုင်တယ်။ အစားလည်း လျော့စားစရာမလို၊ လေ့ကျင့်ခန်းလည်း အသေအကြေ လုပ်စရာမလိုဘဲ သင့်ဝမ်းဗိုက်နေရာမှာ အဆီမရှိဘဲ တင်းရင်းချပ်ရပ်နေအောင် ဒီလို လုပ်လို့ရပါတယ်။
play

ကိုယ့်ကိုယ်ကိုယ် မအားအောင် ထားပါ
တစ်ခါတစ်လေ အားနေတဲ့အခါမျိုးမှာ လုပ်စရာမရှိတော့ တွေ့တာ ကောက်စားနေမိတာမျိုးတွေ လုပ်ခဲ့ဖူးမှာပါ။ အလုပ်အရမ်းရှုပ်နေတဲ့အခါမှာတော့ အစားတောင် မစားဖြစ်ကြပါဘူး။ တစ်ခုခုကို မအားမလပ်လုပ်နေရတဲ့အခါ အစားတောင်စားဖို့ သတိမရနိုင်လောက်အောင် ဖြစ်သွားတာပါ။ အလုပ်ရှုပ်နေတဲ့အချိန်မှာ အလုပ်ကို အာရုံအပြည့်စိုက်ထားရတာကြောင့် တခြားကို စိတ်ကမရောက်သွားတော့ဘဲ မုန့်စားဖို့လည်း သတိမရတော့ပါဘူး။
အလုပ်ကို တစ်ခုပြီး တစ်ခု ဆက်တိုက်လုပ်နေပြီး ကိုယ့်ကိုယ်ကိုယ်မအားအောင် ထားခြင်းဖြင့် ကိုယ်လက်လှုပ်ရှားတာကို သက်သက်ကြီး လုပ်စရာမလိုတော့ပါဘူး။ အစားလည်း တဇွတ်ဇွတ်စားနေနိုင်မှာ မဟုတ်တော့ သရေစာဆိုတာမျိုးက ဝေလာဝေးဖြစ်သွားပါပြီ။ သရေစာ မစားတဲ့အခါ အဆီလည်းတက်မှာ မဟုတ်တော့ပါဘူး။ အဆီမရှိမှတော့ ဗိုက်ခေါက်ဖြစ်မလာနိုင်တာ အသေအချာပါပဲ။ ဒီနည်းနဲ့ ဗိုက်ကြွက်သားတွေ ရလာမှာ မဟုတ်ပေမယ့် ဗိုက်ကို လက်နဲ့ ဆွဲလိုက်ရင် အတွဲလိုက်ပါလာမယ့် ဗိုက်ခေါက်မရှိဖို့ကိုတော့ အာမခံပါတယ်။
သင်နှစ်သက်မည့်ဆောင်းပါး ---> မြန်မြန်ရုပ်ရင့်စေတဲ့ အလေ့အကျင့် (၆) ခု
play

ပီကေမဝါးပါနဲ့
ပီကေဝါးခြင်းက လေကို မသိလိုက်ဘဲ သွင်းလိုက်ထုတ်လိုက်လုပ်နေမိတာနဲ့ အတူတူပါပဲ။ နှာခေါင်းက ရှုတဲ့လေက အဆုတ်ထဲကို ဝင်သွားပေမယ့် ပါးစပ်က ဝင်မယ့်လေကတော့ ဗိုက်ထဲကို အများကြီး ရောက်သွားမှာပါ။ ပီကေဝါးတဲ့အခါ ဘယ်သူမှ ပါးစပ်ပိတ်ပြီး မဝါးကြပါဘူး။ ပါးစပ်ကို ဟ ဟ ပြီး ဝါးတာမို့လို့ လေက အနည်းနဲ့အများတော့ ဝင်သွားမှာပါပဲ။ ဒီလေက အကျိုးမရှိတဲ့အပြင် တကယ်ကြီးကို ဗိုက်ကြီးဖောင်းလာစေပါတယ်။
play

တစ်ချိန်လုံး ရေသောက်နေပါ
အားနေယားနေ ရေကို တစ်ခွက်ပြီး တစ်ခွက် သောက်နေပါ။ သတိရတာနဲ့ ရေတစ်ခွက်သွားထည့်ပြီး သောက်လိုက်ရင် အသားအရေပိုလှလာစေနိုင်တဲ့အပြင်  ဗိုက်ထဲမှာ ချေဖျက်စရာတစ်ခုရှိနေတဲ့အတွက်ကြောင့် တော်ရုံတန်ရုံ ဗိုက်မဆာတော့ပါဘူး။ ဝိတ်အမြန်ကျချင်ရင် အစာမစားမီ ရေတစ်ခွက်ကို အားရပါးရသာ မော့သောက်လိုက်ပါ။ အစား သက်သက်ကြီးလျော့စားစရာ မလိုဘဲ သိပ်မစားနိုင်တော့တာကို တွေ့ရပါလိမ့်မယ်။ ရေကြောင့် ဗိုက်တင်းပြီး အစာမဝင်တော့တာဖြစ်ပါတယ်။
Credit :duwun