Breaking News

ဆိုင်ကယ်မှောက်ပြီးအစိမ်းသေခဲ့ရတဲ့ သနားစရာ ချစ်သူစုံတွဲသရဲ


ကျွန်တော်တို့ အိမ်မှာ ဆွေရိပ် မျိုးရိပ်မကင်းတဲ့ အဒေါ်ကြီးတစ်ယောက်ကို အမေ က အိမ်မှာ ခေါ်ခိုင်းတယ်ဗျာ အဲ့ အဒေါ်ကြီးက သန်လျှင် နတ်စင်တစ်ရာဘက်ကနေ အလုပ်လာလုပ်တာ။

ကျွန်တော် ထင်တယ် လွန်ခဲ့တဲ့ ၁၀ လလောက်ဖြစ်မယ် အဲ့နေ့က ကျွန်တော်က အိမ်အောက်ထပ် ဆင်းပြီး ဂျာနယ်ဖတ်နေတုန်း သူက ကျွန်တော့်ကို စကားလာပြောတယ် (ကျွန်တော် သရဲအကြောင်း စိတ်ဝင်စားတယ်ဆိုတာကို အဲ့အဒေါ်ကြီးကသိတယ်လေ)

“သား ညတုန်းက ဒေါ်ကြီးတို့နားမှာ ည ၁၁ နာရီကျော်လောက်ကြီး ကားတိုက်မှုဖြစ်တယ် သားရေ။

ဒေါ်ကြီးတို့ အိပ်ခါနီး ဒုန်းးးးးးးးးးးးး ဆိုပြီး အသံကြားလိုက်တယ် အဲ့ဒါနဲ့ ဒေါ်ကြီးနဲ့ မင်း ကိုကြီး က ဘာများဖြစ်လဲဆိုပြီး လမ်းထိပ်ထွက်ကြည့်တော့ ဒေါ်ကြီးတို့ လမ်းထိပ်နား ရောက်ခါနီးမှာ ကားတစ်စီးက မောင်းပြေးသွားတဲ့ အသံကြားလိုက်တယ် လမ်းထိပ်ရောက်တော့ ကြည့်လိုက်တော့ မောင်းပြေးသွားတာက Taxi ဖြစ်နေတယ်။ အတိုက်ခံလိုက်ရတာက ဆိုင်ကယ် ၊ မြင်လို့တောင် မကောင်းဘူး သားရယ် ဆိုင်ကယ်က စုတ်ပြတ်သတ်သွားတာပဲ။ ကောင်မလေးတစ်ယောက်က လမ်းပေါ်မှာ မှောက်ရက်ကြီး လဲနေတယ် ပွဲချင်းပြီး ဆုံးသွားတယ်၊ ဦးဏှောက်တောင် ပွင့်ထွက်နေတယ်။ ကောင်လေးက ဆိုင်ကယ်နဲ့ အဝေးကြီးမှာ ဒါပေမယ့် သူ့အောက်ပိုင်းက အရိုးတွေ ကျိုးတာမြင်တောင် မကောင်းတော့ဘူး သွေးရူးသွေးတန်းနဲ့ အော်နေတယ်သားရေ”

ကျွန်တော်ကတောင်

“သေချာတယ် ဒေါ်ကြီးရေ အဲ့ဒါ ဒေါ်ကြီးတို့ကို ခြောက်တော့မယ် ကောင်မလေးက အစိမ်းသေသွားတာဆိုတော့” နောက်ပြီး ပြောလိုက်သေးတယ်။

“အာ… သားက လဲ ဒီနေ့ ညနေတောင် ပြန်ရမှာ ကြောက်နေပါတယ်ဆိုမှပဲ” ဆိုပြီး ပြောပြီး မီးဖိုချောင်မှာ ဟင်းသွားချက်လေရဲ့။

ကျွန်တော်ကတော့ ရီပြီး ကျန်ခဲ့တာပေါ့။

ကျွန်တော်လဲ မေ့မေ့ ပျောက်ပျောက်ပဲပေါ့

အဲ့လိုနဲ့ ၁ လ ၂ လ လောက်လဲ နေကော အဲ့အဒေါ်ကြီးက ကျွန်တော့်ကို လာပြောပြပြန်တယ်။

“သားရေ ဟိုသရဲမကတော့ သောင်ကျန်းနေပြီ”

“အစ မရှိ အဆုံး မရှိနဲ့ ဘယ်က သရဲမတုန်းဗျ”

“အာာာာာာာာာာ ဟိုတစ်ခါ တုန်းက ပြောပြတဲ့ ဆိုင်ကယ်မှောက်လို့ ဆုံးသွားတယ်ဆိုတဲ့ ကောင်မလေးလေ အခု အသေခြောက်နေပြီသားရေ”

“ပြောစမ်းပါအုန်း ဘယ်လိုခြောက်တာလဲဗျ”

“ဒေါ်ကြီးတို့ လမ်းထိပ်နားမှာ တိုက်ပျက်ကြီး တစ်ခု ရှိတယ်လေ အဲ့တိုက်က အရင်ထဲက သရဲခြောက်တယ်ဆိုပြီး နာမည်ကြီးတယ်လေ သားကို ပြောဖူးပါတယ် အဲ့တိုက်က အစတုန်းကတော့ ကုလားအဖိုးကြီး လင်မယား နှစ်ယောက် နေတာလေ သူတို့ ဆုံးသွားတော့ အခု ကုလားတွေက အဲ့တိုက်ကို နွားတွေထားဖို့ဆိုပြီး လုပ်ထားတာလေ။ အစတုန်းကတော့ လမ်းထဲက လူတွေက ညဘက် အဲ့တိုက်ပျက်နားက ပြန်လာရင် အဲ့တိုက်ပျက်ထဲကို မိန်းမတစ်ယောက် ၀င်သွားတာမျိုးတွေ့လိုက်တယ်လို့ ပြောတာတော့ ကြားမိသား ဒါပေမယ့် ကို မြင်ရတာ မဟုတ်တော့ ဒေါ်ကြီးလဲ ကြောက်တော့ မကြောက်ဘူးပေါ့ကွယ်၊ အခုက သားရေ မနေ့ညတုန်းက ဒေါ်ကြီးက ၁၀ ခွဲလောက်ကြီး မင်းကိုကြီး အလုပ်က ပြန်မလာသေးတာနဲ့ လမ်းထိပ်နားလေး ထွက်စောင့်နေတာ အဲ့ဆိုင်ကယ်မှောက် တဲ့နားလေး အဲ့တိုက်ပျက်ကြီးနဲ့ မျက်စောင်းထိုးလှမ်းလှမ်းနားလောက်မှာ အပင်ကြီး တစ်ပင်ရှိတယ် အဲ့အပင်အောက်က အုတ်ခုံလေးမှာ ထိုင်စောင့်နေတာ။ အစကတော့ မကြောက်ပါဘူး ဒီအတိုင်းပါပဲ ဒါပေမယ့် တိုက်ပျက်ကြီးနားလဲ ကြည့်လိုက်တော့ အမလေး သားရေ မိန်းမ တစ်ယောက် ဆံပင်ဖားလျားချပြီး တိုက်ပျက်ကြီးထဲကို ၀င်သွားတယ် အမလေး ပြောရင်းနဲ့တောင် ကြက်သီးထတယ်”

ကျွန်တော်က

“အော် ဟိုတလောက ဆိုင်ကယ် အက်ဆီးဒင့်ဖြစ်လို့ သေသွားတယ်ဆိုတာလား ၊ ဘာလို့ အဲ့ သေသွားတဲ့ မိန်းကလေးလို့ တန်းသိနေရတာတုန်းဗျ”

“အာ သားကလဲ အဲ့ကောင်မလေး သေတဲ့ ညတုန်းက သူက အကျီ အမည်း ထမိန် အမည်းရောင် ၀တ်ထားတာလေ ဆံပင်ကလဲ တင်ပါးလောက်ရှိတယ် အဲ့နေ့ညက ပုံကို အခုထိတောင် မျက်စိထဲက မထွက်သေးပါဘူး အခုလဲ မြင်လိုက်ရတာ အဲ့နေ့ညတုန်းက အတိုင်းပဲ ဒေါ်ကြီးလဲ အဲ့တော့မှ ကြောက်လာတာနဲ့ မင်းကိုကြီးကိုတောင် မစောင့်နိုင်တော့ဘူး အိမ်ကို တန်းပြေးတော့တာပဲ သားရေ”

“သတိထားပေါ့ ဒေါ်ကြီးရယ် ကျွန်တော်ပြောသားပဲ ခြောက်တာကတော့ ခြောက်မှာပါလို့ သူတို့က အစိမ်းသေပဲ အမျှလေးဘာလေး ဝေလိုက်ပါလား”

“သားရယ် တနေ့လုပ်မှ တနေ့စားရတဲ့ ဘ၀တွေဟာ ဘယ်လိုလုပ် အလှူပေး အမျှဝေ နိုင်မှာလဲ သားရေ အခုတော့ ဒေါ်ကြီးတို့ ရပ်ကွက်မှာ ည ၆ နာရီကျော်ရင် တစ်ယောက်ထဲတောင် အပြင်သိပ်မထွက်ကြတော့ဘူး ၃ ၄ ယောက်စုပြီးထွက်နေကြရတယ် တိုက်ပျက်ကြီးက ကုလားအဖိုးကြီးကလဲ ကြောက်ရ အခု ဒီသရဲမကိုလဲ ကြောက်ရနဲ့ စိတ်ညစ်ပါတယ်ဟယ်”

နောက်ပိုင်းကြတော့ ကျွန်တော်လဲ မနက်ဆို ကျောင်းသွား အားတဲ့ရက်ဆို သင်တန်းသွားရ ပြန်လာရင် ညနေ ၆ နာရီလောက်ဖြစ်နေတော့ အဒေါ်ကြီးနဲ့ မတွေ့ဖြစ်တာများတာပေါ့ဗျာ တွေ့ဖြစ်ရင်လဲ ကျွန်တော်ကလဲ မမေးဖြစ်ဘူး အဲ့ဒါနဲ့ သူကလဲ ဘာမှ လာမပြောတော့ဘူး။

အဲ့ဒီလိုနဲ့ တနေ့က မနက်ဘက် သင်တန်းမရှိတာနဲ့ အေးအေးဆေးဆေး အိမ်အောက်ထပ်မှာ အင်တာနက် ဂျာနယ်လေး ဖတ်နေတုန်း အဒေါ်ကြီး

“သား ဟိုးတလောတုန်းက သားကို ပြောဖူးတယ်မလား ဆိုင်ကယ်မှောက်ပြီး သေသွားတာဆိုတာလေ”

“အင်း မှတ်မိတယ်လေ ဘာဖြစ်လို့တုန်း”

“အဲ့ စုံတွဲ အခုထိ ခြောက်နေသေးလို့သားရေ”

“ဟမ် ဘယ်က စုံတွဲတုန်း အဲ့တုန်းက ကောင်မလေးပဲ ရှောသွားတာဆို”

“ဟုတ်တယ်သားရေ နောက်တော့ ကောင်လေးပါ ဆုံးသွားတယ်တဲ့ အခုချိန်ထိတောင် အဲ့ဆိုင်ကယ်ကို လာလဲ ပြန်မယူတော့ပဲ တိုက်ပျက်နားမှာ ထားထားတယ် သင်္ကြန်တုန်းကတော့ ပရိတ်ရွှတ်တာပဲ အဲ့တုန်းက ကျွတ်သွားပြီထင်တာ အခုထိ မကျွတ်သေးဘူး အခုဆို ပိုတောင် ဆိုးလာပြီသားရေ”

“ဘယ်လို ဖြစ်ရတာတုန်း”

“တနေ့ညတုန်းက အိမ်နားမှာ ဆိုင်ကယ် ကယ်ရီဆွဲတဲ့ ဦးချိုတူး(အမည်လွဲ)ဆိုတာ ရှိတယ်သားရေ သူက တနေ့ညတုန်းက ၁ နာရီလောက်မှ အောင်ချမ်းသာ ဘက်ကနေ ပြန်လာတာ အဲ့တာ ဒေါ်ကြီးတို့လမ်းထိပ်လဲ ရောက်ကော သူက လမ်းထဲကို ကွေ့တောမယ် အလုပ်မှာ ရုတ်တရက် ကြက်သီးထလာပြီး သူ့ ကျောကို ဗြောင်းဆိုပြီး လက်ဝါးနဲ့ ချလိုက်သလို ခံစားရပြီး ကျောတောင် အောင့်သွားတယ်လို့ပြောတယ် ပြီးတေ့ ဆိုင်ကယ်လဲ လဲ မလိုဖြစ်သွားတယ်တဲ့။ ဒါပေမယ့် သူက ဆိုင်ကယ် ကယ်ရီဆွဲတာလဲ ကြာနေပြဆိုတော့ ဆိုင်ကယ်မောင်းတော့ ကျွမ်းတာပေါ့ အဲ့တာနဲ့ မှောက်မလိုဖြစ်တာကို ပြန်တည့်လိုက်ပြီး လီဗာကို နင်းလိုက်တော့ သူ့ဆိုင်ကယ်က ရွေ့တာ နဲနဲ နှေးသလိုဖြစ်နေလို့ နောက်လဲ လှည့်ကြည့်လိုက်ကော ဘယ်ကနေ ဘယ်လိုရောက်လာမှန်းမသိတဲ့ ကောင်လေးနဲ့ ကောင်မလေး တစ်ယောက် က သူ့ဆိုင်ကယ်ကို ဆွဲထားတယ်တဲ့ သားရေ အဲ့တော့မှ သူလဲ ဆိုင်ကယ် အက်ဆီဒင့် ကြောင့် သေသွားတယ့် ဟိုနှစ်ယောက်ကို သတိရသွားပြီး လီဗာကို စွတ်နင်းတာ အဲ့တော့မှ ဆိုင်ကယ်က ၀ူးးးးးးးးးးးးးးးကနဲ ထွက်သွားပြီး လီဗာကို စွတ်နင်းလိုက်တဲ့ အရှိန် ရယ် လူကလဲ ကြောက်နေတော့ အဲ့တော့မှ ဆိုင်ကယ် မှောက်တာ လက်တွေကော ဒူးတွေကော ပြဲတာ အများကြီးပဲ။ လူလဲ အခုမနက်လဲကျကော ဖျားနေပြီသားရေ၊ အခုဆို ညဘက် သိပ်မထွက်ရဲကြတော့ဘူး ၊ ပြီးတော့ ညဘက် ဖြတ်သွားဖြတ်လာရှိတဲ့ ဆိုင်ကယ် ကယ်ရီသမားတွေပြောတာကလဲ ညည ဆို အဲ့တိုက်ပျက်ထဲက နေ ကောင်မလေးတစ်ယောက်က ထွက်လာတာကို ဖြတ်သွားရင် ဖြတ်ခနဲ ဖြတ်ခနဲ တွေ့လိုက်ရတယ် ပြောတယ်”

အဲ့ဒါနဲ့ ကျွန်တော်က

“ဇာတ်လမ်းက အခုမှ စတာ ဒေါ်ကြီးရေ နောက်နေ့ တခြားလူတွေ အခြောက်ခံရရင် ထပ်ပြောပြအုန်း”
“အေး အေး သား ထပ်ထူးခြားရင် ဒေါ်ကြီး သားကိုပြောပြမယ်”
ဆိုပြီး မီးဖိုချောင်ထဲဝင်သွားလေရဲ့….

Credit : New Myanmar News